Патник од авион го снимил почетокот на иранскиот напад врз Израел (ВИДЕО) - Канал 5

Свет

Патник од авион го снимил почетокот на иранскиот напад врз Израел (ВИДЕО)

Вчера вечерта, Иран го нападна Израел со 180 проектили, од кои повеќето наводно биле хиперсонични ракети Фатах, кои биле употребени за прв пат.

Патник од авион го снимил почетокот на иранскиот напад врз Израел (ВИДЕО)

Моментот на лансирањето на ракетата го снимил патник на комерцијален лет, бидејќи Иран не го затворил својот воздушен простор.

На видеото може јасно да се види како полетуваат проектили од локации кои се наоѓаат веднаш до иранскиот град Шираз, пишува Антена Обсерватор.

Патникот, како што се наведува во описот на објавата со видеото, успеал да го сними овој момент бидејќи Иран пред нападот не го затворил својот воздушен простор за цивилни летови, па леталото се наоѓало на небото над Шираз токму кога ракетите полетале. Одлуката да не се затвори воздушниот простор пред нападот можела да доведе до трагедија.

Патем, овие проектили го поминале растојанието меѓу Иран и Израел за околу 15 минути, летајќи на многу поголема височина од другите проектили, што го отежнувало нивното пресретнување. Исто така, ракетите Фатах имаат многу поголем дострел и погодуваат цели со голема брзина.

Иран соопшти дека цели на нападот биле три израелски воени бази и други воени постројки, без да се гаѓаат цивилни цели. Иранците побарале од САД да не се мешаат во конфликтот и им пренесоа на европските земји дека не сакаат ескалација, но дека нема да се повлечат доколку постои опасност од голема војна.

Од друга страна, Израел најави дека веќе подготвува „одговор“ на нападот, а главни цели ќе бидат иранските нафтени инсталации. Исто така, Израел ги интензивира копнените операции во Либан и го зголемува борбениот капацитет на границата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода девет возачи за „безобѕирно управување со моторно возило“, шест возеле без положен возачки испит

Во текот на изминатото деноноќие, на различни локации во државата, полициски службеници лишија од слобода девет возачи поради сторено кривично дело „безобѕирно управување возило“ по член 297-а од Кривичниот законик. 

Лишени од слобода девет возачи за „безобѕирно управување со моторно возило“, шест возеле без положен возачки испит

Од нив, шест лица управувале возило без положен возачки испит, и тоа: А.С.(46), М.Р.(26) и З.С.(26) сите од Скопје, А.М.(27) од с.Никиштани, скопско, Г.Т.(56) од с.Подлес, општина Градско и А.К.(28) од с.Дреново, кавадаречко, кој бил и под дејство на алкохол.

Двајца возачи управувале возило под дејство на алкохол: Г.Ј.(49) од Кочани и М.С.(35) од Куманово. Додека, пак, Д.С.(21) од Крива Паланка управувал возило и покрај тоа имал активна мерка забрана за управување со моторно возило.

По целосно документирање на случаите, ќе бидат поднесени соодветни кривични пријави. Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдена средба на Трамп, Си Џинпинг и Путин в четврток во Кина

Белата куќа потврди. Следната недела во четврток во кинескиот град Шенжен ќе се одржи состанок на Доналд Трамп, Си Џинпинг и Владимир Путин, на маргините на Самитот на Азиско-пацифичката економска соработка -АПЕК.

Потврдена средба на Трамп, Си Џинпинг и Путин в четврток во Кина

Портпаролката на Белата куќа, Оливија Велс, изјави дека една од главните теми на разговорите ќе биде намалувањето на нуклеарното оружје. Претседателот јасно стави до знаење дека ќе се занимава со прашањето за намалување на нуклеарното оружје во светот. Американски претставник, кој зборувал под услов на анонимност, открил дека Трамп планира на средбата да го отвори и прашањето за Иран, а темата за Украина најверојатно нема да биде дел од трилатералните разговори, бидејќи сад водат одделни дипломатски процеси со Киев и Москва, во кои Кина не учествува. Американскиот претседател ќе отпатува во азија во понеделник, а според најавите, најпрво ќе ги посети филипините, по што ќе замине за шенжен, каде ќе се одржи самитот на АПЕК.

Тагови: Владимир Путин Доналд Трамп Си Џинпинг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба се подготвува за можен американски воен напад

Куба се подготвува за можен американски воен напад по изјавите на американскиот претседател Доналд Трамп, кои беа протолкувани како закана за воена интервенција. 

Куба се подготвува за можен американски воен напад

Ова го изјави кубанскиот претседател Мигел Дијаз-Канел, кој порача дека земјата е подготвена да се брани од секоја странска агресија.

„Одлучни сме да го одбиеме секој обид за странска воена агресија врз нашата земја“, рече Канел. Неговата изјава следува откако Трамп прашан дали би размислил за воена интервенција со цел да ја „ослободи“ Куба, за американски медиуми рече: „Сакам да ја решам Куба пред да си заминам“. Тој додаде дека САД внимателно ја следат ситуацијата на островот, оценувајќи дека земјата е во многу лоша состојба и дека практично е пропадната држава.

Тагови: куба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер