Пасивна агресија, игнорирање и страв – знаци дека сте на токсично работно место - Канал 5

Живот

Пасивна агресија, игнорирање и страв – знаци дека сте на токсично работно место

Токсичните работни места сè повеќе се препознаваат и именуваат благодарение на поголемата свест за менталното здравје.

Пасивна агресија, игнорирање и страв – знаци дека сте на токсично работно место

Младите луѓе имаат помала толеранција кон злоставување

Експертите истакнуваат дека разговорите за неприфатливото однесување на работа станаа поотворени, а концептите како „токсична работна средина“ се сè повеќе присутни во јавниот дискурс. Џенифер Тости-Карас, професорка по организациско однесување на колеџот Бабсон, наведува дека помладите генерации, особено милениумците (родени од 1981 до 1996 година) и членовите на генерацијата Зет (родени од 1997 до 2012 година), имаат помала толеранција кон злоставување и подобро ги поставуваат личните граници, објавува „The Independent“.

За разлика од претходните генерации, кои почесто беа водени од ставот „прегризи и издржи“, денешните работници сè повеќе ја нагласуваат важноста на психолошката безбедност и емоционалното здравје.

Што го прави работното место токсично?

Токсичната работна средина се карактеризира со долгорочни и систематски обрасци на однесување кои вклучуваат понижување, манипулација, заплашување или емоционална нестабилност. Ваквите места често се придружени со:

недостаток на доверба меѓу вработените

страв од изразување на сопственото мислење

игнорирање на пријавените проблеми

постојано кршење на личните граници

„Токсичноста не мора секогаш да биде гласна - може да се појави и во посуптилни форми, како што се пасивно-агресивно однесување, сарказам, индиректна критика или исклучување“, наведува клиничкиот психолог Алана Аткисон.

Како да препознаете токсична средина?

Токсичните работни места често се препознатливи и пред вработувањето. Честите огласи за истата позиција, негативните критики на порталите, нејасниот опис на работните места и неодговорените прашања за време на интервјуата за работа можат да бидат предупредувачки знаци.

Зошто доаѓа до токсично однесување?

Според психолозите, токсичното однесување често произлегува од несигурноста и потребата за контрола. Луѓето кои се плашат од губење на својот статус или авторитет може да посегнат по озборување, саботажа или агресија за да го вратат чувството на супериорност. Освен тоа, по пандемијата COVID-19, забележан е пораст на поплаките за токсичност во работните средини, што делумно се припишува на нарушените социјални вештини поради изолацијата.

Што да направите ако сте во токсична работна средина?

Експертите ги препорачуваат следниве чекори:

разговарајте со доверлива личност или терапевт

водете писмени записи за проблемите и комуникациите

обидете се да го намалите контактот со луѓе кои предизвикуваат проблеми

истражете ги можностите за преместување или промена на работното место

доколку е можно, планирајте да излезете од таквата средина

Во некои случаи, и покрај обидите за подобрување на ситуацијата, единственото решение е промена на работното место.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Иван Анастасовски во „Вести плус“

Почитувани, вечерва во Вести Плус гостува Иван Анастасовски.

Иван Анастасовски во „Вести плус“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Провокативната Нивес со интересни фотки и порака

Хрватската, старлета, пејачка, водителка, писателка и инфлуенсерка Нивес Целзијус повторно го привлече вниманието на своите следбеници на социјалните мрежи, овојпат со фотографии од одмор што ја доловуваат летната атмосфера. 

Фото: Провокативната Нивес со интересни фотки и порака

Бујната Нивес сподели фотографии од одморот, а покрај објавата остави кратка, но впечатлива порака.

„...кожата ми гори, срцето ми трепери...“, напиша Нивес.

Стиховите што таа ги избра дополнително ја истакнаа атмосферата што сакаше да ја пренесе преку фотографиите, а објавата не остана незабележана од нејзините следбеници.

Нивес често споделува моменти од своите патувања и одмори во текот на летните месеци, а нејзините објави редовно привлекуваат големо внимание кај јавноста.

Тагови: нивес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Белгиски нуркач пронашол необично богатство во потонат брод

Неверојатно откритие во близина на брегот на Довер го привлече вниманието и на експертите и на љубителите на историјата. 

Белгиски нуркач пронашол необично богатство во потонат брод

Белгискиот нуркач и подводен фотограф Стеф Панис открил гајба со недопрени шишиња пиво и џин во остатоците од брод што потонал во 1864 година кај Довер, во југоисточна Велика Британија; едно шише со етикета „Guinness London“ привлече меѓународно внимание, а компанијата „Гинис“ изјави дека би сакала да го испита во својата лабораторија.

Нуркачот го открил потонатиот брод „Миндоро“ на длабочина од 25 метри и внатре пронашол гајба со шишиња, меѓу кои и едно од познатиот бренд за пиво, пренесува фламанскиот радиодифузер VRT.

„Ова шише ми го привлече вниманието бидејќи, исто како шише шампањ, имаше некаков вид капаче на врвот“, изјавил Панис.

Тој истакнал дека на шишето со пиво, кое 162 години лежело на морското дно, стоела етикетата „Guinness London“ – што е особено интересен детал со оглед на тоа што пивото „Гинис“ се произведува во Ирска, а не во Лондон.

Панис објасни дека од компанијата „Гинис“ дознал оти, во времето кога потонал бродот, вообичаена практика било пивото да се транспортира во буриња до разни локации – вклучително и Лондон – за таму да се флашира и дистрибуира.

„Миндоро“, бродот во чија близина биле пронајдени шишињата со алкохол стари 162 години, бил дрвен едреник што превезувал колонијален товар на пат кон Ванкувер. Покрај остатоците од бродот, на морското дно биле пронајдени и прибор за јадење, чинии, бројни шишиња вино, пиво и џин, како и делови од пушки и воени ремени.

„Таму [во Ванкувер] бил стациониран полк на британската армија, а бродот превезувал залихи за нив. Нуркањето до остатоците од бродот е како патување низ времето, така да се каже“, рече Панис.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер