Македонија

Партиите и независните кандидати ја почнуваат изборната кампања за локалните избори

ВМРО ДПМНЕ од Скопје, СДСМ од Крушево и Демир Хисар ја стартуваат кампањата за локалните избори.

Кандидатите за градоначалници и носителите на советничките листи и двете партии ги промовираа викендот – на неколку дена пред официјалниот страт на кампњата која ќе трае до 17-ти октомври на полноќ.

ВМРО-ДПМНЕ под слоганот „Вистинскиот избор“, СДСМ со парола „Се бориме за нашиот дом“ ќе ја бараат поддршката од граѓаните. Очекувањата на премиерот и лидер на ВМРО-ДПМНЕ Мицкоски се дека преизборната кампања ќе биде мирна, но во спротивниот табор, според него ќе доминираат лаги, контрукции и подметнувања од минатото. Повика на масовна излезност на гласачките места.

„Доколку граѓаните се задоволни од тоа што ние го работиме, јас ги повикувам по сопствена волја да излезат и на изборите на 19 октомври да го дадат својот глас за онаа опција за којашто сметаат дека е подобра. Ќе повторам две опции се, една опција е коалицијата СДС-ДУИ и Левица, тоа е едната коалиција, едната опција, треба сите да знаат, ако некој мисли дека тоа во обланда се сервира, не, тоа е јавно, јасно профилирана коалиција и втората опција е ВМРО-ДПМНЕ со коалицијата, така што нема трета опција. Трета опција не постои, секој оној којшто со седење дома, со апстинирање ќе казни некого, ќе покаже пркос, или пак ќе испрати некаква порака се лаже. Тогаш тој директно гласа за Венко Филипче, за Али Ахмети и за Димитар Апасиев “– Христијан Мицкоски, претседател на ВМРО-ДПМНЕ.

Филипче пак возврати дека СДСМ не е во коалиција ниту со ДУИ, ниту со Левица. Вели граѓаните на локалните ќе избираат помеѓу проевропското СДСМ и политиката на блокади на ВМРО – ДПМНЕ. Најави дека како партијата ќе водат позитивна камапња, додека од спортивната страна очекува конструкции и клевети.

„Ние немаме коалиција ниту со ДУИ, ниту со Левица. Меѓутоа се согласувам со премииерот кога вели дека граѓаните имаат две опции, едната е напредна и проевропска опција која што нуди чесни и добри кадри коишто покажаа какос е работи за доброто на граѓаните а тоа е СДСМ и другата опција е ВМРО-ДПМНЕ кои што се служат со лаги, со клевети коишто се докажаа како неработници, коишто се докажаа со тоа што го правеа дека го блокираа и запустија градот Скопје“– Венко Филипче, претседател на СДСМ.

Првиот круг од локалните избори ќе се одржи на 19-ти октомври, а вториот на 2-ри ноември. Во трката за за градоначалнци влегуваат 309 кандидати, а за општиниски советници поднесени се 576 советнички листи со вкупно 10.490 кандидати. Право на глас ќе имаат 1.832.415 граѓани.

Тагови: локални избори

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Водата во Гостивар и денеска тема на политички обвинувања

Не запираат меѓупартиските обвинувања за тоа кој е виновен за загадената вода во Гостивар и колку често проблемите се повторувале во минатото.

Од СДСМ ја лоцираат одговорноста кај премиерот и министерот за здравство, и повторно го повикаа обвинителството да отвори истрага. Велат дека тие имаат различни препораки до граѓаните за употреба на водата, иако се утврдило дека таа содржи опасна бактерија и треба да е целосно забранета.

-Сега и официјално е потврдено: присутна е опасната бактерија Pseudomonas aeruginosa, која има сериозни последици по здравјето на човекот. Ова е страшна информација. Обвинителството мора веднаш да отвори истрага, мора да има кривична одговорност за: Христијан Мицкоски, Сашо Клековски, Сите одговорни лица во институциите кои молчеа и не презедоа мерки додека беше загрозено здравјето на илјадници граѓани. - Елена Радеска - СДСМ

СДСМ се обидува политички да профитира од состојбата во Гостивар, а кога беа на власт не ги решавале ваквите проблеми – велат од ВМРО-ДПМНЕ. Од партиската говорница повторно покажаа документи со кои тврдат дека во 2022, 2023 и 2024 година имало неколку случаи со потврдена небезбедна вода за пиење токму во Гостивар, а воопшто немало забрана за употреба на истата.

-Документите кои ги проследуваме секојдневно до јавноста, покажуваат дека во периодот кога СДС беше на власт, а институциите беа под нивна надлежност, имало бројни случаи на небезбедна вода за пиење, но тие не наишле на решавање од страна на тогашната власт. Наместо денес да држат лекции, СДС и Венко Филипче треба да одговорат зошто со години не презеле мерки за решавање на проблемите со водоснабдувањето, но и со безбедноста на водата за пиење во Гостивар, но и во сите други населени места. - Валентин Манасиевски - портпарол на ВМРО-ДПМНЕ

За епидемијата во Гостивар која е прогласена официјално од 19 јули, градоначалникот кој доаѓа од партијата на Таравари Валбон Лимани кажа дека не чувствува лична одговорност. Засега во 30 дневен притвор се Артана Асани, Леон Уредини и Вадедин Дервиши, раководителите од Јавното претпријатие „Комуналец“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Седница на главниот штаб за кризи посветена на состојбата со водата во Гостивар

Додека трае топлотниот бран, во Гостивар се уште нема питка вода.

Во Центарот за управување со кризи во моментов во тек е седница на главниот штаб посветена на состојбата со водата, таму е Маја Стојановска.

Дали наскоро гостиварци ќе добијат чиста вода за пиење?

Целосниот извештај погледнете го во видеото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зголемен бројот на повици во Итната медицинска помош поради топлото време, дневно има над двесте

200-те повици дневно во брзата помош од граѓани кои имале проблеми, заради влошена здравствена состојба со високите температури. Најчесто се колапси, проблеми со крвниот притисок и сообраќајни незгоди.

Докторите од брза помош објаснуваат дека влошено и психичкото здравје кај граѓаните кои веќе имале здравствени психички проблеми, а кај дел од граѓаните и заради проблеми со крвниот притисок од топлото време имаат пониска концентрација и се понервозни.

Од Институт за јавно здравје со препораки до граѓаните да не се изглегува во најтоплиот период. Во случај на прегревање на телото сончаница, може да се појават симптоми како слабост, вртоглавица, гадење, грчеви во мускулите. Во потешки случаи може да има има из забрзано чукаање на срецето, и губење на свест. Посебно внимателни треба се трудните жени, лицата над 60 годишна возраст и малите деца. Граѓаните да не излегуваат без вода за пиење, светла облека и зашита на главата и очите. Црвениот крст на терен во најтоплите денови во заштита на граѓаните. Тие на граѓаните им даваа вода и им кажуваа совети. Она што е важно во случај на некој да му се слоши треба да се даде прва помош и да се повика итна помош. Од Црвениот крст посебно внимаваат бездомните лица на кои им треба лекарска помош.

Граѓаните во брзање ги завршуваат обврските до пладне, иако топлото е уште рано од сабајле.

УХМР најавуваат топла работна седмица до 40 степен каде на некои места може да достигнат и над 40 степени.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.