Европа

Парламентарните избори во Унгарија во бројки

Граѓаните избираат 199 пратеници во Националното собрание - Орсагѓилеш.

Во Унгарија денеска се одржуваат редовните парламентарни избори, кои многумина ги сметаат за најнеизвесни во последните две децении. Граѓаните избираат 199 пратеници во Националното собрание - Орсагѓилеш

(Országgyűlés), по мешовит изборен систем кој комбинира мнозински и пропорционален модел.

Главните бројки на изборниот процес

199 – Вкупен број на пратенички места во парламентот.

106 – Пратеници кои се избираат во едномандатни изборни единици (по принципот на релативно мнозинство).

93 – Пратеници кои се избираат од националните партиски листи (преку пропорционален систем и т.н. „компензациски“ гласови).

100 – Пратеници потребни за формирање просто мнозинство и влада.

133 – „Магичната“ бројка за двотретинско мнозинство, кое овозможува измени на Уставот.

Избирачки список и дијаспора

Според официјалните податоци на Националната изборна канцеларија, право на глас имаат вкупно 7.527.742 граѓани.

496.286 – Избирачи кои гласаат по пошта (главно Унгарци во странство со двојно државјанство).

90.730 – Граѓани пријавени за гласање во дипломатско-конзуларните претставништва.

Преку 660 – Вкупен број на кандидати во изборните единици.

Кој е во трката за власт?

На гласачкото ливче за националните листи се наоѓаат 5 главни политички субјекти:

Фидес – ХДП: Коалицијата на актуелниот премиер Виктор Орбан.

Тиса - Партијата „Почит и слобода“ на Петер Маѓар.

Движење „Нашата татковина“: Десничарска партија предводена од Ласло Тороцкаи.

Демократска коалиција: Проевропскиот блок на Клара Добрев.

Партија на унгарското куче со два опаши: Сатирична партија која прерасна во сериозен политички фактор.

Меѓународен мониторинг и застапеност

33 – Вкупен број на клучни набљудувачи од ОБСЕ/ОДИХР, од кои 15 се главни експерти, а 18 се долгорочни набљудувачи. Оваа бројка го потврдува големиот меѓународен интерес и фокусот врз регуларноста на изборите.

24% – Процент на жени меѓу кандидатите во изборните единици. Ова претставува умерен пораст во споредба со претходните изборни циклуси, иако родовиот јаз останува видлив.

Изборен праг и квоти

За влез во Собранието преку националната листа важат следните прагови:

5% за самостојна партија;

10% за коалиција од две партии;

15% за коалиција од три или повеќе партии.

0,27% – Повластена квота за претставниците на националните малцинства за добивање на еден загарантиран мандат.

Тек на изборниот ден

06:00 – Отворање на избирачките места.

19:00 – Затворање на гласањето (секој кој ќе се најде во редица до овој термин има право да гласа).

20:00 – Се очекуваат првите прелиминарни резултати, додека конечната слика ќе се знае во текот на ноќта.

50 дена – Времетраење на официјалната изборна кампања која започна на 21 февруари 2026 година.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Брвеница победи кандидатот на ДУИ Јахиј, ВМРО-ДПМНЕ ја честиташе победата

Заврши гласањето во Брвеница, граѓаните избираа меѓу Стојанчо Радически од ВМРО-ДПМНЕ и Аркин Јахиј од ДУИ

За 21 часот државната изборна комисија најави дека ќе ги објави првичните резултати од денешниот втор кјруг за градоначалник во Брвеница.. ВМРО-ДПМНЕ пред малку го призна поразот на нивниот кандидат Стојанче Радичевски и ја честиташе победата на на кандидатот на ДУИ Аркин Јахиј.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Жешка одбојкарка

Атрактивната Кајла Симонс , која важи за најсекси одбојкарка во светот, ги воодушеви своите обожаватели со најновата објава на Инстаграм.

Оваа 31-годишна девојка, поранешна универзитетска одбојкарка, а денес инфлуенсерка и модел, сподели неколку фотографии на кои позира на плажа.

Со текот на годините, Кајла стекна голема база на обожаватели и има речиси милион следбеници на Инстаграм.

Нејзината најнова објава прикажа дека 31 годишната екс одбојкарка ужива на егзотичните Бахами.

На фотографиите таа носи светлозелено бикини кое ги истакна сите нејзини облини. На некои од нив позира легната покрај морето, додека на друга го покажува своето тело покриено со песок.

Нејзината објава собра многу допаѓања и коментари. „Не сум сигурен дали песокот некогаш изгледал вака добро“, „Апсолутно прекрасна“, „Божица“ – ова се само дел од коментарите под објавата.

За време на студиите на Универзитетот „Маршал“, Кајла играла одбојка. Таа се откажа од професионална одбојкарска кариера по завршувањето на четиригодишните студии, поради притисок и конфликти со универзитетската управа, која барала од неа да отстрани фотографии од Инстаграм и да го избрише својот профил.

Сега убавата Кајла е инфлуенсерка и модел.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Алта банка – Битола: Експозитурите нема да работат со клиенти

Од Алта банка – Битола информираат дека од 2 ноември 2026 година (понеделник), експозитурите на АЛТА банка АД Битола привремено нема да работат со клиенти, до дополнително известување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.