Свет

Папата Лав остро против Илон Маск: Поради него сме во голема неволја

Папата Лав XIV отворено проговори за длабоките економски нееднаквости во светот и скандалозното богатство на најмоќните, а истовремено посочи и на растечкиот јаз меѓу богатите и работничката класа.

Во своето прво интервју за перуанскиот весник „Ел Комерсио“, папата Лав XIV, чие вистинско име е Роберт Франсис Превост, рече дека сè уште се навикнува на својата нова улога:

„Улогата на Папата ми е нова. Учам многу. Но, светот е сè повеќе поделен, а економскиот јаз станува алармантен.“

Папата го издвои Илон Маск, чие богатство наскоро би можело да го направи првиот трилионер во светот:

„Прочитав дека Илон Маск ќе биде првиот трилионер во светот. Ако тоа е сè што постои денес како вредност, тогаш сме во голема неволја.“

Лав XIV продолжува да објаснува дека не станува збор само за бројките, туку за длабоките последици за општеството:

„Извршните директори, кои пред шеесет години можеа да заработат четири до шест пати повеќе од работниците, сега заработуваат шестотини пати повеќе од просечните работници. Ова е знак дека нешто е длабоко погрешно во нашиот свет.“

Папата предупредува дека губењето на повисокото значење за човечкиот живот, вредностите на семејството и општеството ја продлабочуваат кризата: „Ако го изгубиме чувството за овие вредности, каква важност имаат тие повеќе?“

Неговата порака е јасна: Додека милијардерите и трилионерите слават рекордно богатство, стотици милиони луѓе низ целиот свет живеат во неизвесност и сиромаштија. Папата Лав XIV повикува на подлабоко размислување за глобалната поларизација и нееднаквост, нагласувајќи дека не е доволно само да се признае проблемот - треба да дејствуваме и да размислуваме за неговите причини.

Интервјуто предизвикува контроверзии бидејќи Папата директно го поврза екстремното богатство на Илон Маск и другите супербогати со моралната и економската криза на современиот свет, повикувајќи на итна социјална интроспекција и промена на приоритетите.

Тагови: Илон Маск Папата Лав Четиринаесети

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Кривичнииот суд почна судењето за поранешниот вицепремиер Артан Груби

По пола година од враќањето во земјава, денеска во Кривичниот суд почна судењето за поранешниот вицепремиер Артан Груби денеска ќе седне на обвинителна клупа за злоупотреба на службената положба за Државна лотарија.

Освен правните перипетии што го следат случајот, судењето го привлекува вниманието на јавноста и поради политичките импликации што може да произлезат од процесот..

Во кривичниот суд е Михајло Видимлиски..

Во видеото погледнете го целиот извештај.

Тагови: Груби кривичен суд Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА).

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.