Папата Лав Четиринаесетти денеска во Истанбул и Изник: средби, посета на свети места и чествување на Никеја - Канал 5

Живот

Папата Лав Четиринаесетти денеска во Истанбул и Изник: средби, посета на свети места и чествување на Никеја

Според програмата, во Истанбул папата ќе се сретне со христијанското свештенство во катедралата „Св. Дух“, а потоа ќе го посети Францисканскиот дом за социјално загрозени лица.

Папата Лав Четиринаесетти денеска во Истанбул и Изник: средби, посета на свети места и чествување на Никеја

По вчерашното пристигнување во турската престолнина Анкара, во рамките на своето прво задгранично и прво апостолско патување по изборот за поглавар на Римокатоличката црква, папата Лав Четиринаесетти денеска ја продолжува посетата со патување во Истанбул и Изник.

Според програмата, во Истанбул папата ќе се сретне со христијанското свештенство во катедралата „Св. Дух“, а потоа ќе го посети Францисканскиот дом за социјално загрозени лица.

Подоцна во текот на денот, папата Лав XIV ќе отпатува во Изник (некогашната Никеја), каде заедно со вселенскиот патријарх Вартоломеј ќе учествуваат во одбележувањето на 1700-годишнината од Никејскиот собор – настан клучен за развојот на христијанството.

Во меѓувреме, турските медиуми јавија, повикувајќи се на локални извори, дека Мехмет Али Агџа – извршителот на атентатот врз папата Јован Павле Втори во 1981 година – бил замолен да го напушти градот пред пристигнувањето на папата Лав XIV. Агџа изразил надеж дека ќе се сретне со понтификот „две-три минути“, но бил испратен надвор од Изник.

Агџа во мај 1981 година пукаше врз папата Јован Павле Втори на плоштадот „Св. Петар“ во Ватикан и тешко го рани. Беше осуден на доживотна казна затвор во Италија, од каде подоцна беше пренесен во Турција за да ја доиздржи казната. По 29 години зад решетки, беше ослободен во јануари 2010 година.

Во 1983 година, во затвор, Агџа беше посетен од папата Јован Павле Втори, кој му прости. Турчинот се покаја, но никогаш не даде јасно објаснување за мотивите.

Вчера тој изјави за турски медиуми дека сакал да го пречека папата Лав XIV во Изник со „Добредојде“.

Тагови: Папата Лав Четиринаесети

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Поранешниот претседател на Јужна Кореја е осуден за лажење во изборната кампања

Јужнокорејскиот суд денеска го осуди поранешниот претседател Јун Сук Јеол на 18 месеци затвор,условно на три години, откако го прогласи за виновен за кршење на изборниот закон со давање лажни изјави за време на претседателската кампања во 2022 година.

Поранешниот претседател на Јужна Кореја е осуден за лажење во изборната кампања

Доколку пресудата биде потврдена по жалба, може да ја принуди партијата на Јун да врати околу 27 милиони долари, или 39,7 милијарди јужнокорејски вони, што ги доби од Националната изборна комисија по неговата претседателска победа.

Лажни изјави во кампањата

Централниот окружен суд во Сеул утврди дека Јун дал лажни информации двапати за време на кампањата, помеѓу декември 2021 и јануари 2022 година.

„Кога кандидатот лично објавува лажни информации на јавни настани со големо влијание, како што се дебати и интервјуа, влијанието врз донесувањето одлуки на гласачите е многу значајно“, рече судот во својата пресуда.

Обвинителите побараа двегодишна затворска казна, додека Јун, кој негираше какво било кривично дело, планира да поднесе жалба на пресудата, рече неговиот правен советник.

Партијата би можела да изгуби милиони

Според изборниот закон на Јужна Кореја, политичките партии добиваат државна компензација за трошоците за кампањата ако нивниот претседателски кандидат победи или добие најмалку 15 проценти од гласовите.

Доколку кандидатот последователно добие затворска казна или парична казна од најмалку еден милион јужнокорејски вони, партијата мора да ги врати примените средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, попладнево, од дворот на црквата „Св. Петар и Павле“ во Горно Лисиче, тргнаа кон Крушево.

Коњаниците тргнаа кон Крушево- почна 48. Илинденски коњички марш

Околу 40 коњаници, меѓу кои и пет девојки, од дворот на црквата „Св. Петар и Павле“ во Горно Лисиче, тргнаа кон Крушево, продолжувајќи ја речиси петдецениската традиција посветена на чествувањето на Илинден и на македонските херои.

– На 31 јули, коњаниците од Горно Лисиче ќе се обединат со учесниците од Свети Николе, Кичево и Битола, испраќајќи силна порака за единство, почитување на традицијата и зачувување на македонското историско наследство – информира прес-службата на Општина Аеродром.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Коментарот на Халанд на сопствената статуа е хит на мрежите (ВИДЕО)

Уметник познат како Џеј Клејот создаде глинена скулптура на Ерлинг Халанд, а видеото брзо стана вирално на социјалните мрежи. 

Коментарот на Халанд на сопствената статуа е хит на мрежите (ВИДЕО)

Видеото го забележа самиот норвешки фудбалер и тој реагираше со коментар од еден збор.

Коментар на Халанд од еден збор

Откако видеото се прошири на социјалните мрежи, Халанд го забележа и остави кратка порака во коментарите: „Убаво“. Тој краток одговор го воодушеви и авторот на скулптурата и илјадниците фудбалски фанови. Се чини дека уметникот очекувал токму тоа, шегувајќи се напиша покрај видеото: „Поминуваш часови правејќи фигура, а потоа еден човек по име Ерлинг само коментира „убаво“. На крајот, токму тоа се случи.

Интернет феномен на коментарите на Халанд

Реакцијата на Халанд е дел од самосоздаден интернет феномен во последниве години. Напаѓачот на Манчестер Сити е познат по тоа што остава многу кратки коментари на социјалните мрежи, обично само „Убаво“ и повремено „Не е убаво“. Неговите одговори се појавуваат на сè, од фудбалски резимеа до вирални видеа кои немаат никаква врска со спортот.

Овој начин на коментирање стана многу популарен на Инстаграм и ТикТок, па корисниците сега намерно го тагираат Халанд во своите објави со надеж дека ќе го привлечат неговото внимание. Она што започна како серија обични коментари на крајот се претвори во интернет шега што самиот Халанд ја прифати.

Неговото „Убаво“ можеше да се види под преработки на навивачки песни, спортски мемиња, но и на објавата за роденденот на неговата девојка. Така, тој збор стана негов препознатлив интернет потпис.

Тагови: Халанд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер