Свет

Паника во Австрија: Евакуиран и затворен е супермаркет поради смртоносен пајак

Австриски супермаркет бил евакуиран откако менаџер на продавницата наводно забележал пајак љубител на банани кој кај мажите може да предизвика трајна ерекција, пишува Дејли Мејл.

Продавницата во Кремс ан дер Донау, на околу 70 километри западно од Виена, од вторникот останува затворена поради страв од 10 сантиметри голем црн и црвен пајак.

Биле повикани итни служби и предупредени дека пајакот, кој сè уште не е пронајден, можеби е многу отровниот бразилски скитник пајак, за кого е познато дека пристигнува во Европа криејќи се во пратки со банани.

Ова суштество е едно од најотровните пајаци на планетата, а неговите каснувања може да бидат фатални откако ќе предизвикаат хипотермија, заматен вид, грчеви, а во некои случаи и ерекција. Отровот од пајакот дури се проучува за употреба во лекувањето на еректилната дисфункција, откако било откриено дека каснувањето од пајакот може да им даде на машките жртви болна ерекција од четири часа.

Биле повикани властите и биле запечатени гајбите со банани во продавницата, но извештаите велат дека продавницата најверојатно ќе остане затворена до следната недела.

Портпаролот на малопродажната група Реве рече дека сега се во тек „сеопфатни мерки за чистење и дезинфекција“ за да се подготви продавницата за повторно отворање.

Но, властите додадоа: „И покрај обемната потрага, не беа пронајдени пајаци“.

Големината и бојата на „неидентификуваниот“ пајак ги наведоа властите да веруваат дека се работи за бразилски скитник пајак, способен да испушта смртоносен невротоксин.

Секоја година, околу 4.000 луѓе се каснуваат од пајак, а 0,5 отсто од каснувањата доведуваат до смрт.

Многу е направено за да се развие ефикасен противотров кој ја намалува веројатноста за смрт.

Но, само едно каснување од пајак може да предизвика тешки грчеви и тахикардија или забрзан пулс.

Бразилскиот скитник пајак се појавува во Гинисовата книга на рекорди како најотровниот пајак на светот.

Неговото научно име - Phoneutria - на грчки значи „убиец“.

Тие се познати како скитници пајаци бидејќи не градат мрежи, туку шетаат по подот на џунглата ноќе барајќи плен.

Во урбани средини, тие често се засолнуваат во куќи и автомобили, каде што луѓето лесно ги вознемируваат, пишува Дејли Мејл.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Најзгодната мама повторно воодушеви во бикини

Екс манекенката Роузи Хантингтон-Вајтли ужива во одморот со својот славен сопруг, холивудскиот актер Џејсон Стетам и децата.

Познатото семејство летниот одмор го мининува на егозтичната Малта, каде што Роузи повторно позира во провокативно бикини.

Убавата Роузи Хантингтон-Вајтли ја покажа својата извајана фигура во минијатурни бикини за време на луксузниот семеен одмор со Џејсон Стетам.

39 годишната манекенка моментално ужива на Малта со 20 години повозрасниот Џејсон и нивните две деца – деветгодишниот син Џек и четиригодишната ќерка Изабела.

Парот веќе објави фотографии од одморот, но кога станува збор за Роузи, никогаш не е доволно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Во Франција пронајдени тела на пет бебиња

Француските обвинители покренаа истрага за сомнително убиство откако во станот на еден пар во градот Оранж, во југоисточна Франција, беа пронајдени посмртните останки на пет новороденчиња, соопштија локалните правосудни органи.

Остатоците од бебињата биле пронајдени во картонски кутии за време на претрес на станот во историскиот центар на градот, спроведен од 32-годишниот партнер на жената, откако тој – според обвинителството – дури во напредна фаза дознал дека таа повторно е бремена, пренесува „Франс 24“.

Жената во неделата дома родила здраво дете, по што била пренесена во болница.

По пристигнувањето во станот, нејзиниот партнер пронашол остатоци за кои се сомневал дека се човечки остатоци и ги известил болничките вработени, кои го пријавиле случајот во обвинителството. Според првите наоди на судскиот испитувач, остатоците најверојатно им припаѓаат на пет бебиња, а причината и околностите на нивната смрт ќе бидат утврдени со обдукции.

Истражителите сè уште не разговарале со мајката, соопштија од обвинителството.

Двојката има и две деца на возраст од осум и девет години.

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Шпанската пејачка ја откри вистината за нејзината врска со фудбалерот

Шпанската пејачка Ана Мена одлучи да проговори по бројните гласини што ја поврзуваат со сè попопуларниот фудбалер Феран Торес.

Шпанската пејачка Ана Мена категорично демантираше дека е во врска со напаѓачот на Барселона, Феран Торес – освојувач на Светското првенство во 2026 година со шпанската репрезентација – и ги нарече таквите тврдења „глупости“ и „апсурдни“, откако беа видени заедно за време на прославата на светската титула.

Пејачката веднаш реагираше на гласините што се појавија во медиумите деновиве, особено на оние што ја поврзуваат со фудбалерот на Барселона.

„Ова е бесмислица, за име на Бога. Навистина е смешно“, им изјави таа на собраните новинари, пренесува Goal.com.

Медиумите почнаа да ги поврзуваат Ана Мена и Феран Торес откако беа видени заедно на прослава на плоштадот Сибелес, организирана од Шпанската фудбалска федерација, а потоа и на приватна забава во еден од најпознатите ноќни клубови во Мадрид.

Шпекулациите дополнително се разгореа кога пејачката се појави во дрес со бројот 7, кој Торес го носи во шпанската репрезентација.

Кога ја прашале Анна зошто го носела токму тој дрес, Ана Мена кратко одговори: „Па, тоа е дресот што ми го дадоа, не знам.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.