Пандов, Миленко Неделковски, Владимир Панчевски приведени поради забава во кафеана по 21 часот

Забавата за пензионирање која што ја организирал поранешниот спортски коментатор Миленко Неделковски во кафеана во скопско Стајковци завршила со полициска интервенција. 

Дури 18 лица присутни на журката се приведени во полициската станица Гази Баба поради прекршување на протоколите. Односно од МВР дека постапувале по пријава поради престојот на гостите во локалот по дозволеното време до 21 часот.

- Полициски службеници заедно со инспектори од Државен пазарен инспекторат извршија контрола кој што е во сопственост на С.П и А.П, при што во објектот биле затекнати 18 лица. Овие 18 лица се приведени во полициската станица гази баба за понатамошна постапка поради непочитување на мерките за заштита од ковид-19. По документирање на случајот против нив ќе бидат поднесени соодветни поднесоци, вели Сузана Прањиќ од МВР.

На прославата бил и претседателот на патриотскиот институт на ВМРО-ДПМНЕ Александар Пандов кој ја потврди случката за Канал 5. Според него целата ситуација се одвивала околу 21:30 часот. Тој вели дека никој во кафеаната не ги предупредил дека останале повеќе отколку што е дозволено, а доброто расположение довело до тоа да изгубат чувство за тоа колку е часот, додавајќи дека ќе сноси одговорност доколку дошло до прекршување на законот.

-Можеби нешто пред 9:30 часот влегуваат внатре, мислам дека имаше 50-100 полицајци, надовор 5 марици и ја помислив во прв момент дека некое убиство се случило или не знам какво кривично дело. Потоа кажаа дека до 9 часот работеле објектите и сме направиле престап. Од тие причини бевме поканети во полициска станица гази баба каде што крајно учтиви беа полицајците, дадовме изјави и тоа е тоа, вели Александар Пандов.

Според информациите во друштво на Неделковски и Пандов биле уште неколку лица познати на јавноста. На прославата се приведени поранешниот претседател на кривичниот суд Владимир Панчевски и Александар Митовски новинар. Во кафеаната биле уште десетина лица, а некои по пристигнувањето на полицијата успеале да избегаат. Акцијата е спроведена по иницијатива на државниот пазарен инспекторат, информираше директорот Стојко Пауновски. Тој вели дека досега имале неколку дојави дека во кафеаната се одржуваат забави по 21 часот, но кога инспекторите се појавувале тие веќе биле завршени.

Била бездомничка, а сега заработува милиони од фотографии и го вжештува Инстаграм (ФОТО)

Приказната на Елиза Роуз Вотсон звучи како сценарио на некој холивудски филм. 

31-годишната поранешна наставничка во еден момент од животот се најде на улица, како бездомник зависничка од наркотици и алкохол, а денес заработува милиони на платформата „ OnlyFans “.

Овој дипломиран психолог станала зависник од дрога на 23-годишна возраст, кога започнала да работи како манекенка. Потоа започнала да користи кокаин и некои други опијати, а покрај тоа станала зависна од алкохол. Се борела со тоа цели четири години.

„Би ги дала сите пари што би ги заработила за алкохол или кокаин“, изјави сега Елиза за британските медиуми, признавајќи дека украла пари и од нејзината мајка. Наскоро се нашла на улица, справувајќи се и со спиење со непознати мажи. Еден пријател ја убедил да побара помош.

"Еден ден таа се појави пред мојата врата и јас бев толку уморна што само отидов со неа кај анонимни алкохоличари. Почнав да се справувам со моите проблеми. Дотогаш, неколку пати се обидов да извршам самоубиство додека бев во болница и во полиција. Знаев дека не можам да продолжам така “, вели Елиза.

По рехабилитацијата се вработила во градинка. Таа вели дека за време на вработувањето била целосно искрена за своето минато и дека решиле да и дадат шанса, за што е многу благодарна. "Работата беше совршена, но не можев да заработам доволно. Сакав да ги вратам парите што ги украдов од мајка ми, да вратам некои долгови и да станам независна", вели таа.

Затоа, таа се свртела кон „ OnlyFans “. Во декември 2019 година, таа отворила профил на таа 18+ платформа. Првично заработувала, вели таа, 2.000 фунти месечно, а во пандемијата 100.000 фунти месечно. Заработила милион фунти последнава година.

Работи 16 часа на ден, седум дена во неделата. "Не се само сексуални разговори, сè е таму. Постојат жени кои ме прашуваат за совети за вежбање и слично", вели таа. "Тоа е како заедница. OnlyFans ми дозволува флексибилен живот, кога мајка ми или некој близок ми е потребен, веднаш можам да бидам таму за нив", заклучила Елиза, која сега на Инстаграм ја следат скоро милион луѓе.

Нема кислород во индиските болници, се ограбуваат камионите со боци

Шест болници во индискиот главен град Њу Делхи целосно останале без кислород и лекарите велат дека на останатите болници им преостанува снабдување за само неколку часа.

Голем број луѓе починале додека чекале кислород, а повеќе од 99% од сите кревети за интензивна нега се полни, јавува Би-Би-Си..

Индија е во костец на вториот бран на инфекции со Ковид-19 и денеска го забележа најголемиот еднодневен биланс на нови случаи во светот.Земјата досега забележала скоро 16 милиони потврдени инфекции.

Во изминатите 24 часа имало 314.835 нови случаи на коронавирус, додека смртните случаи пораснале за 2.104.

Има полициски извештаи за луѓе кои ги спречувале цистерните со кислород да отпатуваат во други држави, според телевизиската станица НДТВ од Делхи. Некои болници се обвинети за складирање на нивните залихи, додека имало појави и на грабежи.

Млад човек од Шпанија си ја убил мајка си и ја јадел, заедно со кучето (ВИДЕО)

На млад човек од Шпанија му се суди за убиство на неговата мајка, распарчување на нејзиното тело и јадење делови, пишува Би-Би-Си.

Алберто Санчез Гомез бил уапсен во 2019 година, откако полицијата отишла во станот на неговата 66-годишна мајка. Нејзините познаници повикале полиција, загрижени дека со денови не им се јавувала.

При влегувањето во станот, детективите пронашле делови од мртвата жена во пластични контејнери расфрлани низ станот и во фрижидерот. Локалните медиуми напишале дека младиот човек го расекол телото на повеќе од илјада парчиња. Тие исто така го пронашле 26-годишникот, како готви некои делови од нејзиното тело.

Полициските службеници на кои им ја отворил вратата изјавиле дека на прашањето дали неговата мајка е во станот, тој одговорил: „Да, мајка ми е тука, таа е мртва“.

Младиот човек признал дека готвел и јадел делови од телото, а некои му ги дал и на кучето.

На почетокот на судењето, Санчез Гомез тврдел дека слушнал „тајни пораки“ од ТВ и гласови кои му велеле: „Убиј ја мајка ти“. Гласовите, како што тврди, им припаѓале на неговите соседи, познаници и познати личности.

Тој, исто така, на судењето тврдел дека не се сеќава на убиството или на распарчувањето на телото.

Сега се соочува со казна од 15 години до доживотен затвор.

притисни ентер