Памела Андерсон се прослави со улогата на Си Џеј Паркер во хит серијата „Чувари на плажата“ - Канал 5

Шоу биз

Памела Андерсон се прослави со улогата на Си Џеј Паркер во хит серијата „Чувари на плажата“

Памела Андерсон во својот документарец „Памела“ за прв пат јавно проговори за пеколот од детството, силувањето, љубовта и пропаднатите бракови

Памела Андерсон се прослави со улогата на Си Џеј Паркер во хит серијата „Чувари на плажата“

Памела Андерсон (55) се прослави со улогата на Си Џеј Паркер во хит серијата „Чувари на плажата“ во 1990-тите.

Нејзиниот турбулентен живот беше преполн со подеми и падови, имаше пет брака, таа доживеала трауматични искуства, а сега во својот документарец „Памела“си ја отвори душата.

Преку приватни снимки и најинтимни записи од својот дневник, Андерсон раскажа сè што преживеала, вклучувајќи ги и трауматичните настани како што е силувањето што го доживеала кога имала само 12 години и нејзиниот обид да ја убие сопствената дадилка. Според неа, таа пораснала во дисфункционално семејство. Нејзината мајка била бремена со неа кога нејзините се венчале многу мали.

- Татко ми пиеше многу, па често се расправаа. Имаше навреди, физичко малтретирање, сè. Се сеќавам дека татко ми еднаш ја фрли правосмукалката низ прозорецот затоа што мајка ми почна да чисти додека тој гледаше хокеј. Уште како дете знаев кога треба да го изведам брат ми од дома кога ќе почнеа да се расправаат. Чекав надвор да престанат да врескаат и да фрлаат работи низ куќата. Кога ќе се вратевме, тие се бакнуваа – раскажала Памела.

Нејзината мајка неколку пати ги земала децата и го оставала нивниот татко.

- Живеевме во еден стан од социјална помош. Сè уште се сеќавам на вкусот на млекото во прав, но набргу сфатив дека никој нема совршено детство. Животот без татко беше тежок, па секогаш му се враќавме. Денес тие двајца се среќни – забележува таа.

Како дете имала дадилка која толку многу ја мразела што се обидела да ја убие.

- Моите родители ја сакаа затоа што ни носеше подароци, но мене ме малтретираше. Тоа траеше три до четири години и не смеев да им кажам ништо на татко ми и мајка ми. Ја мразев и сакав да го заштитам брат ми, па се обидов да ја убијам така што ѝ забодев хемиско пенкало во пределот на срцето. Секако дека не ја повредив, но толку многу сакав да умре што на крајот тоа се случи. Утредента загина во сообраќајна несреќа, а јас бев убедена дека сум ја убила, па молчев - се присети на трауматичниот настан познатата актерка.

Како девојче, на само 12 години, таа била жртва на силување и за прв пат во својот документарен филм ги ракажа деталите од тој настан.

- Отидов со другарка ми кај еден постар дечко кој ѝ се допаѓаше. Тие двајца се качија горе во спалната, а јас останав со неговиот другар да играме видеоигри. Во еден момент ме грабна и ме силуваше. Јас имав 12, а тој 25 години, мислев дека јас сум виновна за тоа – раскажала Памела, која никому ништо не кажала.

- Мајка ми секогаш плачеше поради татко ми, не сакав да ја повредам уште повеќе. Затоа молчев и никому ништо не кажав. Се обидов да го заборавам тоа, но се чувствував како на чело да ми пишува дека сум имала секс. Поради сето ова бев повлечена, срамежлива и ужасно несигурна - беше искрена актерката.

Срамежливоста ја победила позирајќи за Плејбој, а после неколку помали улоги ѝ понудиле улога во „Чувари на плажата“ која и го промени животот. Таа стана ѕвезда и на врвот на својата кариера се омажи за Томи Ли, тапанарот на „Мотли кру“. Додека биле млади и вљубени се снимале за време на секс, без да знаат низ каков пекол ќе таа помине поради тоа.

- Во еден момент исчезна касетата со нашата интимна снимка. Нè уценуваа, а потоа фотографот Боб Гучиони понуди за 5 милиони долари да ги откупи правата од снимката. Го одбив, а потоа делови од снимката се појавија во јавноста. Беше страшно, не знаев како да се однесувам. Штотуку го родив мојот син Брендон, а животот ми се претвори во пекол. Најлошото е што сите ме осудуваа и велеа дека сум лесна жена затоа што сум се сликала за Плејбој – раскажува таа.

Во обид да го спасат она што може да се спаси, таа и Томи поднеле пријава во полиција за нарушување на приватноста, но тоа се претворило во истрага на нејзините сексуални склоности.

- Се чувствував како повторно да сум силувана. Најлошото е што никогаш не успеавме да откриеме кој ги украл тие снимки од нашата куќа. Шест месеци ја реновиравме куќата, луѓето влегуваа и излегуваа како сакаа... Повторно забременив и плашејќи се за здравјето на бебето, едноставно се повлеков и потпишав документи за да ги префрлам правата од снимката на други - додаде таа.

Нејзиниот сопруг Томи Ли поминал подобро, интимната снимка само му ја зголеми цената кај жените, додека актерската кариера на Памела пропадна.

Сепак, Памела тврди дека Томи Ли бил љубовта на нејзиниот живот, но дека било невозможно да се живее со него.

- Беше ужасно љубоморен. Се сеќавам како збеснуваше кога ќе видеше дека се бакнувам со некој актер на сет. Урлаше и викаше дома, Брендон се држеше за мојата нога тресејќи се од страв, додека јас буквално останував без здив. Ќе се јавев во полиција и сето тоа завршуваше во жолтиот печат - се присети таа.

Сепак, таа никогаш никого не сакала како него.

- Никогаш не сум сакала некого толку длабоко. Кога велам длабоко, мислам на неговата душа. Кога се разведовме се чувствував како да умрел дел од мене. Никогаш не го преболев таткото на моите деца, иако мислев дека можам повторно да се заљубам и да имам семејство. Мислам дека поради тоа пропаѓаа сите мои врски. Затоа попрво ќе бидам сама отколку со кого било... Но, мислам дека не можам да бидам ниту со Томи, тоа е како казна - искрена беше познатата актерка.

После Ли, Памела се омажи уште четири пати - со Кид Рок, Рик Саломон и Џон Питерс, со кого беше во брак само 12 дена. Нејзиниот последен, петти сопруг беше Ден Хајхурст, од кого се разведе по една година брак.

И покрај сè што поминала, таа тврди дека не е жртва.

- Мојот живот не е тажна приказна. Јас не сум жртва. Се доведував во луди ситуации и ги преживував. Болката што можеме да ја поднесеме е катализатор за сето она што е важно, како поезијата, музиката, уметноста... Благодарна сум за сите искуства и никому ништо не замерувам - порачува Памела Андерсон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Венецуела се повлекува од Меѓународниот кривичен суд: Веќе немаме доверба

Венецуела официјално ги извести Обединетите нации за својата неотповиклива одлука за повлекување од Меѓународниот кривичен суд (МКС), кој спроведува повеќегодишна истрага против припадници на нејзините вооружени сили и други службени лица.

Венецуела се повлекува од Меѓународниот кривичен суд: Веќе немаме доверба

Како објаснување, владата наведе „географска пристрасност“ во рамките на судот, чии истраги се непропорционално насочени кон земјите од глобалниот југ, особено земјите од Африка и Латинска Америка, изјави министерот Феликс Пласенсија.

„Меѓународниот кривичен суд е толку политизиран што не би го нападнал венецуелскиот народ и земјата, затоа повеќе немаме доверба во таа институција“, рече вршителката на должноста претседател Делси Родригез.

Националното собрание го трасираше патот до излезот

Овој потег беше очекуван, со оглед на тоа што во декември минатата година, Националното собрание усвои закони што го отворија патот за повлекување од МКС.

МКС е основан за гонење на воени злосторства, злосторства против човештвото, геноцид и агресија, во случаи кога земјите-членки не се подготвени или не се во можност сами да го сторат тоа. Во 2020 година, истиот суд изјави дека постои основано сомнение дека одредени венецуелски функционери, припадници на вооружените сили и провладини актери извршиле злосторства против човештвото кои датираат од 2017 година или порано.

Главниот обвинител Карим Кан, кратко по преземањето на функцијата во 2021 година, отвори официјална истрага. Во јануари минатата година, МКС ја затвори својата канцеларија во Каракас поради недостаток на соработка од страна на венецуелската влада предводена од тогашниот претседател Мадуро.

Кан беше разрешен истиот ден

Повлекувањето на Венецуела се случи истиот ден кога членовите на МКС гласаа за отстранување на Кан од функцијата главен обвинител поради обвинувања за сексуална злоупотреба, што тој ги негира. Двајца анонимни извори за Ројтерс изјавија дека 82 од 125-те држави гласале за разрешувањето.

Мадуро уапсен, Венецуела во транзиција

Повлекувањето доаѓа во време на транзицијата по Мадуро, откако американските сили ја нападнаа Венецуела во јануари оваа година и го уапсија Мадуро и го одведоа во САД, каде што се соочува со обвиненија за трговија со дрога.

Трамп вчера изјави дека Венецуела сè уште не е подготвена да одржи избори, но го пофали водството на привремениот претседател Родригез. „Што се однесува до изборите во Венецуела, тие сè уште не се сосема подготвени, но има голем напредок. Делси врши фантастична работа“, изјави Трамп пред новинарите во Белата куќа.

Тагови: Венецуела Меѓународниот кривичен суд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Почина екс-Ју пејачката и актерка, Оливера Катарина

Актерката и пејачка Оливера Петровиќ, попозната по нејзиното уметничко име Оливера Катарина, почина на 87-годишна возраст, а сега се познати деталите за нејзиниот погреб.

Почина екс-Ју пејачката и актерка, Оливера Катарина

Семејството ја потврди веста за смртта на една од најважните уметници од поранешна Југославија, а таа ќе биде погребана во вторник, 28 јули 2026 година, објави Телеграф.

Последното збогување ќе се одржи на Новите гробишта во Белград, со почеток во 12:30 часот.

Оливера Катарина остави неизбришлив белег како актерка и пејачка, а во текот на нејзината кариера, која траеше повеќе од шест децении, го стекна статусот на една од најавтентичните и најхаризматичните уметници на домашната културна сцена.

Патем, Оливера се повлече од јавноста пред неколку години, а последните денови ги помина сама во изнајмен стан во Белград.

- Јас сум сама во моите четири ѕида, заборавена од повеќето мои пријатели и колеги. Сепак, го зачував моето достоинство и не сум депресивна. Нема никого да молам - изјави Оливера за медиумите во тоа време.

Имала две имиња и две презимиња

Родена е на 5 март 1940 година во Белград, од татко Будимир и мајка Катарина Петровиќ. Детството го поминала на улицата Поп Лукина.

По завршувањето на Петтата белградска гимназија, на наговор на татко ѝ, се запишала на Правниот факултет, но набрзо ги напуштила студиите. Отишла во Париз, каде што поминала една година, а по враќањето во Белград, се запишала на Театарска академија во класата на професорката Огњенка Милиќевиќ, учејќи кај подоцнежните великани Петар Краљ, Милена Дравиќ, Станислава Пешиќ и Бранка Зориќ.

Оливера го добила својот постојан ангажман во Народниот театар во 1962 година со улога во култната претстава „Коштана“. Таму го запознала својот прв сопруг, тогашниот театарски критичар Вук Вуч, со кого била во брак две години. По првиот брак, нејзина голема љубов бил и познатиот ватерполист Милан Гале Мушкатировиќ. Подоцна таа помина седум години во врска со моќниот Ратко Дражевиќ, а по нивната разделба се омажи за претседателот на Конфедерацијата на синдикати на Србија, Миладин Шакиќ, со кого го доби синот, Манет Шакиќ, кој сега е успешен сликар.

Мајката на Оливера се викаше Катарина, а самата актерка се претставуваше јавно како Катарина, во нејзина чест. Покрај тоа, Оливера јавно користеше две презимиња. И двете се однесуваат на нејзините поранешни сопрузи, па Оливера во еден момент беше позната како Оливера Вучо, а во друг како Оливера Шакиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Зеленски: Подготвен сум да потпишам мировен договор со Русија во Белата куќа (ВИДЕО)

Украинскиот претседател Володимир Зеленски изјави дека е подготвен да потпише мировен договор со Русија во Соединетите Американски Држави, или во Овалната соба или во Мар-а-Лаго, резиденцијата на американскиот претседател Доналд Трамп. 

Зеленски: Подготвен сум да потпишам мировен договор со Русија во Белата куќа (ВИДЕО)

Тој ја даде изјавата во интервју со Лаура Лумер, американска десничарска блогерка и близок соработник на Трамп, пишува Украинска правда.

Понуда до американскиот претседател

Кога Лаура Лумер го праша директно дали е подготвен да потпише мировен договор во Овалната соба, Зеленски одговори потврдно. „Да, подготвен сум. Секогаш му велев на претседателот Трамп дека сум подготвен да дојдам во САД, во Овалната соба или во Мар-а-Лаго. Од претседателот Трамп зависи“, рече тој.

„Не е прашање каде, туку кога“

Потоа претседателот додаде дека локацијата на потпишувањето не е клучот за мировниот договор, туку моментот кога тој ќе се случи.

Пресвртна точка во Ватикан

За време на разговорот, Зеленски исто така рече дека Трамп разбира оти Русија не е заинтересирана за прекин на војната. Во исто време, тој истакна дека пресвртницата во неговиот однос со Трамп била кратката лична средба во Ватикан. Таа средба се одржала во базиликата „Свети Петар“ во Рим во април 2025 година.

Тагови: Володимир Зеленски русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер