Живот

Пакистан формира центри за депортирање илегални мигранти

Пакистан формира центри за депортација за мигрантите кои се илегално во земјата, вклучително и околу 1,7 милиони Авганистанци, соопштија денеска локалните власти.

Тоа е последниот потег во обидот на пакистанската влада да ги протера нерегистрираните странци без документи.

Секој што ќе биде откриен дека нелегално се наоѓа во земјата од следната среда, 1 ноември, ќе биде уапсен и испратен во центрите за депортација.

Јан Ашказај, портпарол на владата на југозападен Балучистан, изјави дека се формираат три центри за депортација, а еден од нив ќе биде во Квета, главниот град на таа пакистанска провинција.

Вршителот на должност премиер на пакистанската северна провинција Хајбер Пахтунхва, Азам Кан, рече дека областа ќе има три центри за депортација.

Повеќе од 60.000 Авганистанци се вратија дома откако беше објавена оваа акција, рече тој.

Тој рече дека мигрантите кои живеат во земјата илегално треба да заминат до крајниот рок во вторник за да избегнат апсење.

Вршителот на должност министер за внатрешни работи на Пакистан, Сарфраз Бугти изјави дека нема да има продолжување на рокот.

Бугти на денешната прес-конференција рече дека ниту еден од мигрантите кои живеат илегално во Пакистан нема да биде малтретиран по нивното апсење. Тој рече дека ќе добива храна и медицинска нега додека не биде депортиран.

Дозволено им е да изнесат максимум 50.000 пакистански рупии (180 долари) од земјата, рече тој.

Министерот ги предупреди Пакистанците дека ќе бидат преземени мерки против нив доколку се утврди дека им дале засолниште на мигранти кои илегално се наоѓаат во земјата по 1 ноември. Тој рече дека државата ги има сите информации за подрачјата каде што се кријат овие мигранти.

Пакистан е дом на неколку милиони Авганистанци кои избегаа од земјата за време на советската окупација од 1979-1989 година, а тој број се зголеми кога Талибанците ја презедоа власта во Авганистан во август 2021 година.

Пакистан соопшти дека 1,4 милиони Авганистанци регистрирани како бегалци не треба да се грижат. Пакистанските власти негираа дека новите мерки се насочени кон Авганистанците, велејќи дека тие се насочени кон луѓе кои се илегално во земјата без оглед на нивната националност.

Оваа операција наиде на бројни осуди.

Група поранешни американски дипломати и претставници на организации за преселби минатата недела го повикаа Пакистан да не ги депортира Авганистанците кои чекаат американски визи во рамките на програмата со која се преселуваат бегалците кои бегаат од талибанските власти.

ОН упатија сличен апел, велејќи дека операцијата може да доведе до кршење на човековите права, вклучително и разделување на семејства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Потврдена средба на Трамп, Си Џинпинг и Путин в четврток во Кина

Белата куќа потврди. Следната недела во четврток во кинескиот град Шенжен ќе се одржи состанок на Доналд Трамп, Си Џинпинг и Владимир Путин, на маргините на Самитот на Азиско-пацифичката економска соработка -АПЕК.

Портпаролката на Белата куќа, Оливија Велс, изјави дека една од главните теми на разговорите ќе биде намалувањето на нуклеарното оружје. Претседателот јасно стави до знаење дека ќе се занимава со прашањето за намалување на нуклеарното оружје во светот. Американски претставник, кој зборувал под услов на анонимност, открил дека Трамп планира на средбата да го отвори и прашањето за Иран, а темата за Украина најверојатно нема да биде дел од трилатералните разговори, бидејќи сад водат одделни дипломатски процеси со Киев и Москва, во кои Кина не учествува. Американскиот претседател ќе отпатува во азија во понеделник, а според најавите, најпрво ќе ги посети филипините, по што ќе замине за шенжен, каде ќе се одржи самитот на АПЕК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Куба се подготвува за можен американски воен напад

Куба се подготвува за можен американски воен напад по изјавите на американскиот претседател Доналд Трамп, кои беа протолкувани како закана за воена интервенција.

Ова го изјави кубанскиот претседател Мигел Дијаз-Канел, кој порача дека земјата е подготвена да се брани од секоја странска агресија.

„Одлучни сме да го одбиеме секој обид за странска воена агресија врз нашата земја“, рече Канел. Неговата изјава следува откако Трамп прашан дали би размислил за воена интервенција со цел да ја „ослободи“ Куба, за американски медиуми рече: „Сакам да ја решам Куба пред да си заминам“. Тој додаде дека САД внимателно ја следат ситуацијата на островот, оценувајќи дека земјата е во многу лоша состојба и дека практично е пропадната држава.

Тагови: куба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Кравите од Крива Паланка осамнаа во светските медиуми

Кравите од Крива Паланка го обиколуваат Светот.

Веста дека стотици говеда шетаат слободно низ градот го објавија неколку угледни светски медиуми, како Асошиејтед прес и Еуроњуз, каде што случајот со кравите се најде во познатата рубрика „без комента“.

Медиумите наведуваат дека жителите на Крива Паланка, опишана како земјоделски град, се бори со повеќе од илјада крави кои им ги уништуваат имотите..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.