Свет

Паѓа поддршката за Трамп – 48% од Американците се „за“ импичмент

На неполни четири месеци од преземањето на функцијата, импичмент за Доналд Трамп прв пат поддржуваат повеќето Американци.

Анкетата на Паблик Полиси Полинг покажа дека 48 отсто граѓани се за отповикување на претседателот, а 41 се против. Истражувањето следи по двете афери за два дена, кои ги објавија престижните американски весници.

Откако вчера Вашингтон Пост објави, а Трамп призна дека на рускиот министер за надворешни работи Лавров му споделил тајни доверливи информации поврзани со делувањето на Исламската држава, денеска Њујорк Тајмс објави нова афера. Весникот тврди дека Трамп неодамна побарал од сега разрешениот директор на ФБИ, Џејмс Коми да ја прекине истрагата за својот екс советник Мајкл Флин за наводните врски со Русија, објавувајќи и белешка од Коми која ги потврдува ваквите написи. Дел од демократите го обвинија Републиканецот дека ја злоупотребил позицијата и влијаел на судството. Бараат и да објасни дали во разговорите со Лавров ја загрозил националната безбедност.

- Претседателот мора да ги објави целосните транскрипти од разговорите веднаш и без одлагање. Ако претседателот ја ставил националната безбедност на ризик, Конгресот мора да знае за тоа, изјави Чак Шумер, сенатор.

- Она што го сподели претседателот беше целосно соодветно. Сакам да биде јасно дека претседателот не објавил никакви комромитирачки материјали во разговорот со Лавров, изјави Мек Кастер, советник за национална безбедност.

Барање за импичмент досега побарале 12 демократи. Процесот технички почнува како формално обвинение, кое треба да заврши во сенатот, кому му е неопходни дво третинско мнозинство. Со процес на импичмент досега се соочиле Џонсон, Никсон и Клинтон, но ниту еден од нив не бил разрешен од должноста.


Тенис

Синер: Морав да се повлечам од турнирот во Мадрид

Италијанскиот тенисер Јаник Синер објасни зошто решил да се повлече од турнирот во Мадрид.

Во четвртфиналето на Мастерсот требаше да игра со Канаѓанецот Феликс Оже-Алиасим, кој сега автоматски се пласираше во полуфиналето, каде што ќе игра со победникот од двојката Данил Медведев - Јиржи Легечка.

- Многу е тажно да го пропуштам мојот следен натпревар овде во Мадрид. Колкот ме мачи оваа недела и болката постепено се влошува. Следејќи ги советите на лекарите, решивме дека е подобро да не играме понатаму. Во текот на следните неколку дена ќе спроведам други тестови и ќе ги следам советите на специјалистите за закрепнување. Ви благодарам за поддршката, напиша Синер на социјалните мрежи.

Оваа сезона 22-годишниот Италијанец освои три турнири - Австралија опен, како и турнирите во Ротердам и Мајами. /МИА

Свет

Блинкен го повика Хамас да се согласи за примирје за да им помогне на луѓето во Газа

Хамас соопшти дека ќе одговори „во многу краток период“ на предлогот.

Највисокиот американски дипломат Антони Блинкен го повика Хамас да го прифати планот за примирје во Газа и покрај израелското предупредување дека армијата ќе продолжи да се бори против палестинската милитантна група по каков било прекин на огнот.

Посредниците предложија договор за примирје со кој би се запреле борбите на 40 дена и би се размениле заложници.

Хамас соопшти дека ќе одговори „во многу краток период“ на предлогот.

„Хамас треба да каже „да“ и треба да го заврши тоа“, рече Блинкен синоќа додека беше во Израел на својата седма турнеја на Блискиот исток од почетокот на конфликтот во октомври.

Тој подоцна додаде: „Ако Хамас всушност тврди дека се грижи за палестинскиот народ и сака да види итно олеснување на неговото страдање, треба да го прифати тој договор“. /МИА

Свет

Фон дер Лајен во посета на Либан

Претседателката на Европската комисија, Урсула фон дер Лајен денеска во придружба на шефот на кипарската држава Никос Христодулидес ќе престојува во посета на Либан. 

Како што соопшти Европската комисија, предвидено е Фон дер Лајен и Христодулидес во Бејрут да се сретнат со либанскиот премиер Наџиб Азми Микати и со претседателот на Парламентот, Набих Бери.

Либан нема претседател од октомври 2022 година кога истече мандатот на дотогашниот шеф на државата Мишел Аун, а Парламентот од тогаш не успеа да обезбеди мнозинство за избор на негов наследник.

Според најавите, се очекува Фон дер Лајен и Христодулидес на своите либански домаќини да им претстават пакет економска помош за земјата за справување со проблемот стотициите илјади сириски беглаци за кои постои стравување дека би можеле да се упатат кон Кипар, во обид да дојдат на територијата на ЕУ.

Дополнително на средбите ќе стане збор и за билатералните односи, безбедносните предизвиците со кои се соочува Либан и неопходните рефоми во земјата. /МИА

притисни ентер