Падна договор: Кинески автомобили ќе доаѓаат од фабриката на Цитроен во Франција - Канал 5

Автомобилизам

Падна договор: Кинески автомобили ќе доаѓаат од фабриката на Цитроен во Франција

„Dongfeng“ и „Stellantis“ започнуваат со производство на кинески автомобили во Франција.

Падна договор: Кинески автомобили ќе доаѓаат од фабриката на Цитроен во Франција

Фабриката „Stellantis Rennes-La Jeanne“ наскоро ќе започне со производство на барем еден модел на кинескиот производител „Dongfeng“ за европскиот пазар.

Договорот доаѓа во време кога „Stellantis“ се обидува подобро да ги искористи капацитетите на своите европски фабрики, додека „Dongfeng“ бара начин да избегне дополнителни царини за увоз на возила од Кина.

Фабриката во близина на градот Рен, позната по производството на легендарни модели од историјата на брендот „Citroen“ како што се „Ami“, „GS“, „BX“, „Xantia“ и „C5“, моментално го произведува само „Citroen C5 Aircross“.

Како резултат на тоа, постои загриженост кај вработените за иднината на фабриката, особено ако продажбата на „SUV“ моделот ослабне.

Според информациите од француските медиуми, „Dongfeng“ веќе ја посетил фабриката неколку пати, а наскоро се очекува официјална потврда за соработката.

Фабриката наводно може да произведува дополнителни 40.000 возила годишно без поголеми инвестиции, пишува „France Info“.

Соработката меѓу „Stellantis“ и кинеските производители не запира тука. Компанијата веќе соработува со кинескиот бренд „Leapmotor“, чии модели ќе се произведуваат во Шпанија, додека идниот теренец на „Opel“ ќе биде базиран на кинеска платформа. Во исто време, „Stellantis“ планира и проширување во Кина. Почнувајќи од следната година, фабриката на „Dongfeng“ во Вухан ќе произведува нови модели на „Peugeot„ и „Jeep“ за кинескиот и глобалниот пазар.

Извор: Б92

Тагови: Франција Цитроен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најмалку 109 мигранти загинаа кога бродот се преврте во близина на Џибути

Најмалку 109 мигранти, меѓу кои и 15 деца, загинаа, а повеќе од 116 се водат како исчезнати откако брод со околу 350 луѓе се преврте на пат од Џибути кон Јемен, соопшти Меѓународната организација за миграции (ИОМ). 

Најмалку 109 мигранти загинаа кога бродот се преврте во близина на Џибути

Бродот се преврте во текот на ноќта меѓу 8 и 9 октомври во близина на Гухере, северно од Обок, пристанишен град во Џибути. Според податоците на ИОМ, повеќе од 80 луѓе ја преживеале несреќата и сите тие се државјани на Етиопија, пренесува Срна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Фото: Алкараз изненади со нов имиџ

Вториот светски тенисер Карлос Алкараз изненади со нов изглед.

Фото: Алкараз изненади со нов имиџ

Шпанскиот тенисер се појави на тенискиот терен без препознатливата брада, но со мустаќи.

Карлос Алкараз се појави на мечот од второто коло во Шангај со нов, интересен изглед. Шпанскиот тенисер ја избричил брадата и остави само мустаќи, а потоа на теренот ја оправда улогата на фаворит.

Во второто коло го победи Аргентинецот Хуан Мануел Серундоло со 6:3, 6:3 и се пласираше во третото коло. Мечот траеше само 66 минути.

Новиот изглед не бил случаен. Алкараз открил дека сè започнало откако победил на турнирот во Токио, каде што ја освоил својата прва титула по враќањето по повредата на зглобот.

Тој се договорил со членовите на својот тим дека, доколку победи на турнирот, сите ќе пуштат мустаќи и ќе настапат во Шангај со тој изглед.

„Ќе ги задржат цела недела. Отсекогаш сум сакал да излезам на теренот со мустаќи. Пред Токио рековме: 'Ако победам на турнирот, сите мора да имаме мустаќи и да играме со нив во Шангај'. Навистина е забавно, се смееме и уживаме“, објасни Алкараз.

По победата, тој се потпиша на камерата со пораката „Тим Мустаќи“, со што дополнително покажа дека целата приказна ја прифатил како забавен предизвик заедно со луѓето од својот тим.

Тагови: Карлос Алкараз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Винисиус му се извини на Реал, потоа ги нападна судиите: „Каква срамота!

Бразилецот Винисиус Жуниор им се извини на соиграчите и на навивачите на Реал Мадрид поради исклучувањето на натпреварот против Виљареал, но набрзо потоа се огласи и ги критикуваше судиските критериуми.

Винисиус му се извини на Реал, потоа ги нападна судиите: „Каква срамота!

Бразилскиот фудбалер доби директен црвен картон во 72. минута, откако за време на натпреварот го повлече Нејтан Салиба за коса.

Реал Мадрид оствари минимална победа над Виљареал, но натпреварот го одбележа еден необичен потег на бразилскиот напаѓач. Винисиус влезе во игра во второто полувреме, а само 20 минути подоцна беше исклучен по проверка преку ВАР.

Инцидентот се случи близу средината на теренот, во ситуација кога топката не беше во непосредна близина.

Контроверзниот Вини го повлече Салиба за косата, поради што судијата, по прегледувањето на снимката, одлучи директно да му покаже црвен картон.

Поради исклучувањето, голот што Бразилецот го постигна во продолжението на акцијата беше поништен.

По натпреварот, Винисиус се огласи на социјалните мрежи и им се извини на Реал Мадрид и на навивачите. „Радоста продолжува, им се извинувам на тимот и на навивачите“, напиша Винисиус на Инстаграм.

Сепак, тој не застана тука. Во следната објава, тој сподели неколку ситуации за кои смета дека покажуваат нееднакви критериуми при судењето, тврдејќи дека токму тој бил казнет во случаи кога други играчи поминале без истите санкции.

„Кој доби жолти и црвени картони овде? Само Винисиус, каква штета!“, напиша Бразилецот.

Тагови: Винисиус Жуниор

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер