Овошје кое ќе ви помогне побргу да заспиете: Ако спиете лошо, едно парче овошје решава сè - Канал 5

Здравје

Овошје кое ќе ви помогне побргу да заспиете: Ако спиете лошо, едно парче овошје решава сè

Стручните лица тврдат дека одделни намирници можат да помогнат во борбата против несоницата овозможувајќи поквалитетен сон.

Овошје кое ќе ви помогне побргу да заспиете: Ако спиете лошо, едно парче овошје решава сè

Кога не можеме да заспиеме, последно нешто што ни паѓа на памет е да изедеме некое овошје. Иако можеби попрво ќе посегнеме по лекови отколку по нешто друго. Одделни студии покажаа дека одредени видови храна можат значително да помогнат и да го подобрат квалитетот на сонот, наместо користењето хемиски лекови.

- Откривме дека медитеранската исхрана е поврзана со подобар сон, што значи дека консумирањето разновидно овошје и зеленчук, во комбинација со целозрнестите житарки, како и замената на незаситените масти со здрави, како употребата на маслиново масло или авокадо, го подобрува квалитетот на сонот - вели Мелиса Кини, диететичар во здравствениот центар Хартфорд.

Таа додава дека истражувањата потврдиле оти постојат три овошја кои ни помагаат да спиеме подобро.

Киви

Една група истражувачи покажала дека ако јадеме две киви еден час пред спиење во текот на четири недели ќе ни се зголеми должината на сонот, како и неговиот квалитет, и тоа кај возрасните кои имаат нарушено спиење. Кивито содржи серотонин кој помага при спиење.

Вишни

Познато е дека вишните содржат високо ниво на мелатонин, хормон кој го регулира циклусот на спиење и будност. Покрај тоа, тие се богати со антиоксиданси, што ги прави корисни во борбата против слободните радикали во телото. Нивните антиинфламаторни својства исто така можат да помогнат во подобрувањето на квалитетот на сонот, а сокот од киселите вишни може дури и да го намали нивото на мускулната киселина и да го зајакне имунитетот.

Интересно е дека една помала студија спроведена на Универзитетот во Луизијана покажала дека консумирањето на кисел сок од вишни може значително да го продолжи времето на спиење кај постарите возрасни лица кои страдаат од несоница. Имено, резултатите од оваа студија покажале дека сокот од вишни го продолжил времето на спиење за неверојатни 84 минути кај испитаниците.

Ананас

Ананасот, освен што е вкусно овошје, содржи и мелатонин, хормон познат по тоа што го регулира деноноќниот ритам. Иако неговата ефикасност во овој поглед можеби не е толку силна како онаа на некои други овошја, ананасот има значителни придобивки поради неговите витамини, растителните влакна и антиинфламаторните својства.

Како што споменавме погоре, присуството на мелатонин во ананасот може да има корисен ефект врз деноноќниот ритам, што може да биде од особено значење за луѓето кои имаат проблеми со спиењето или страдаат од нарушен сон. Покрај тоа, ова содржината на растителни влакна и витамини во ова овошје го прави здрав избор во исхраната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Запросување на врвот на Емпаер Стејт Билдинг (ВИДЕО)

Една смела двојка се искачи на врвот на зградата „Емпаер стејт билдинг“ и развиори транспарент на врвот од нејзината кула во среда попладне.

Запросување на врвот на Емпаер Стејт Билдинг (ВИДЕО)

Анџела Николау и Иван Беркус, кои стекнаа онлајн следбеници поради нивните искачувања на облакодери низ целиот свет што, останаа на врвот на облакодерот неколку минути додека камерите го снимаа настанот пред да се спуштат, изјавија полициски извори за „ABC News“.

Потоа, како што изгледа, Биркус ѝ предложил брак на својата долгогодишна девојка пред да бидат приведени.

Црниот транспарент се повикува на цитат од Џими Хендрикс и со бели букви пишувало: „Кога моќта на љубовта ја победува љубовта кон моќта, светот го познава мирот“.

Испратен е хеликоптер од њујоршката полиција, а платформата за набљудување на зградата била испразнета од посетители кога пристигнала полицијата.

Извор: ABCnews

Тагови: Емпаер Стејт Билдинг запросување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

Лимонада како од старите слаткарници: Тајната е во еден чекор што го прави вкусот побогат

Овој рецепт е брз за подготовка, лесен за прилагодување на вашиот вкус и идеален за летните денови кога бараме природно освежување без газирани пијалоци.

Лимонада како од старите слаткарници: Тајната е во еден чекор што го прави вкусот побогат

Малку пијалоци потсетуваат на лето како добра ладена лимонада. Сепак, многу луѓе забележуваат дека лимонадата што ја пијат во слаткарница или кафуле има пополн вкус од онаа што ја подготвуваат дома, иако е направена само со неколку состојки.

Причината не е во скапите состојки или посебен вид лимон, туку во начинот на подготовка. Класичните слаткарници го користат истиот трик со децении - прво подготвуваат шеќерен сируп, кој потоа се комбинира со свежо исцеден сок од лимон.

На овој начин, шеќерот се раствора целосно, а вкусот станува освежителен и пријатно избалансиран, без кристали што остануваат на дното на чашата.

Зошто е важен шеќерниот сируп?

Многу луѓе едноставно ставаат шеќер во ладна вода дома, но тој често не се раствора целосно. Затоа професионалните слаткари прво готват едноставен шеќерен сируп.

Сирупот рамномерно го засладува пијалокот, ја нагласува аромата на лимон и ѝ дава на лимонадата карактеристичен, полн вкус што го паметиме од детството.

По желба, количината на шеќер може да се намали или зголеми, во зависност од тоа колку слатка сакате лимонада да биде.

Состојки:

• 1 чаша свежо исцеден сок од лимон (околу 4-6 лимони)

• 1 чаша шеќер

• 6 чаши ладна вода

• 1/2 чаша вода за подготовка на сирупот

• мраз по желба

• парчиња лимон за сервирање

• свежи листови од нане по желба

Подготовка:

Во мало тенџере, измешајте го шеќерот и половина чаша вода. Загрејте на средна температура, мешајќи додека шеќерот целосно не се раствори и не добиете бистар сируп. Оставете целосно да се олади.

Во меѓувреме, исцедете го лимонот и процедете го сокот за да ги отстраните семките и вишокот пулпа.

Истурете ладна вода во голем бокал, додадете сок од лимон и изладен шеќерен сируп. Добро промешајте за да се соединат сите состојки.

По желба, оставете ја лимонадата дополнително да се олади во фрижидер.

Како да ја сервирате?

Наполнете ги чашите со мраз, сипете ја лимонадата, а потоа додадете парче лимон и неколку свежи листови од нане.

Доколку сакате уште поинтензивен вкус, можете да додадете неколку тенки парчиња лимон директно во бокалот и да го оставите да отстои околу десет минути пред сервирање.

Лимонадата подготвена на овој начин е идеална за летни денови, семејни собири, скари или едноставно како природно освежување за време на жешкото време.

Извор: Б92

Тагови: Лимонада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лампард останува во Ковентри

Менаџерот на Англија, Френк Лампард, го продолжи договорот со Ковентри до 2029 година, соопшти клубот.

Лампард останува во Ковентри

Лампард е на чело на Ковентри од ноември 2024 година, а минатата сезона го водеше клубот во Премиер лигата за прв пат по 25 години.

„Воодушевен сум што потпишав нов договор, вистинска чест е да го претставувам овој клуб. Уживавме по неверојатниот напор и освојувањето на Чемпионшипот. Сега треба да се одмориме, а потоа добро да се подготвиме за следната сезона каде што ги знаеме целите. Има многу работа на и надвор од теренот. Едвај чекам повторно да ги видам играчите и да работам со нив“, рече Лампард.

Ковентри ќе биде домаќин на Арсенал во првото коло од Премиер лигата на 21 август.

Извор: Б92

Тагови: ЛАМПАРД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер