Овие три состојки буквално ја бришат убавината, уништувајќи ја кожата побргу отколку што кремите можат да ја заштитат - Канал 5

Здравје

Овие три состојки буквално ја бришат убавината, уништувајќи ја кожата побргу отколку што кремите можат да ја заштитат

Ги јадеме секојдневно, а последиците се сериозни.

Овие три состојки буквално ја бришат убавината, уништувајќи ја кожата побргу отколку што кремите можат да ја заштитат

Иако многумина веруваат дека убавата и здрава кожа се постигнува со скапи креми и серуми, дерматолозите предупредуваат дека убавината на кожата зависи од исхраната. Д-р Пуја Реди, дерматолог од Хајдерабад, специјализирана за ласерска медицина и регенерација на коса, открива дека три намирници имаат разорувачко дејство врз кожата и го забрзуваат процесот на стареење.

Како што објаснува, одредени видови храна директно го разградуваат колагенот, поттикнувајќи хронични воспаленија и намалувајќи ја способноста на кожата да се регенерира. Ако редовно се консумира оваа храна, ни најквалитетната козметика не може да ја поправи штетата.

Пченкарен сируп со висока содржина на фруктоза кој го има во газираните пијалаци, индустриските сокови, бисквитите, сосовите и брзата храна. Според д-р Реди, овој синтетички засладувач создава напредни продукти на гликација (AGEs), суптанци кои директно го оштетуваат колагенот. Последица се затегната кожа, рана појава на брчки и губење на еластичноста, а освен тоа го оптоваруваат и црниот дроб.

На второ место се повторно загреваните рафинирани масла. Со секое ново загревање, маслото ја губи хранливата вредност, додека мастите оксидираат. Оксидираните масти поттикнуваат воспалителни процеси во организмот, вклучувајќи ја и кожата, што доведува до пропаѓање на клетките и појава на сив и уморен тен.

Трета голема закана е крцкавата пржена храна: помфрит, чипс и слични грицки. Колку храната е потемна и покрцкава, содржи повеќе акриламид и AGЕs супстанци кои го забрзуваат стареењето на кожата и појавата на брчки.

Според дерматологот, ниедна крема или серум не може да ја надомести направената штета од лошата исхрана. Вистинската нега почнува однатре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Полициски глисер се заби во мост во Лондон- повредени се пет полицајци (ВИДЕО)

Петмина припадници на Метрополитенската полиција беа повредени во центарот на Лондон попладнево откако полициски глесер се заби во мостот Вестминстер. 

Полициски глисер се заби во мост во Лондон- повредени се пет полицајци (ВИДЕО)

Полицијата потврди дека несреќата се случила околу 15:40 часот по локално време и дека во неа учествувал пловило од нивната речна единица, пишува Би-Би-Си.

По судирот неколку полицајци паднале во реката, но набрзо биле извлечени. Прва помош им била укажана на гумен чамец врзан за брегот. Според првичните информации, ниту еден од граѓаните не учествувал во несреќата.

Голема интервенција во центарот на градот

Голем број полицајци, пожарникари и екипи за итни случаи биле распоредени на местото на несреќата. Сообраќајот преку мостот бил целосно запрен, а полицијата го блокирала делот што се наоѓа кон зградата на парламентот.

Полициски хеликоптер и хеликоптер на брза помош прелетале над областа. Транспортната компанија за Лондон потврди дека поради инцидентот се затворени и некои од влезовите на блиската метро станица Вестминстер.

Изјави на службени лица

Портпаролот на Метрополитенската полиција го потврди бројот на повредени. „Петмина од нашите полицајци беа повредени и им беше укажана помош. Очекуваме подетални информации за природата на нивните повреди. Според досегашните информации, ниту еден граѓанин не бил вклучен во несреќата, ниту пак бил повреден. Околностите на овој настан ќе бидат темелно истражени, но во овој момент наш приоритет е благосостојбата на нашите колеги“, рече тој.

Се огласи и портпаролот на Лондонската пристанишна управа. „Свесни сме за инцидентот со полицискиот глисер во близина на мостот Вестминстер. Помагаме во интервенцијата и ја обезбедуваме потребната поддршка. Тесно соработуваме со Метрополитенската полиција, Крајбрежната стража и другите партнерски агенции за решавање на ситуацијата“, се вели во нивното соопштение.

Тагови: Лондон мост

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ракета „Фламинго“ погоди воена фабрика во Русија- шест работници загинаа, 26 се повредени (ВИДЕО)

Голема фабрика за производство на делови за ракети и авиони во рускиот град Киров беше погодена во украински напад со крстосувачка ракета „Фламинго“. 

Ракета „Фламинго“ погоди воена фабрика во Русија- шест работници загинаа, 26 се повредени (ВИДЕО)

Гувернерот на Кировската област, Александар Соколов, рано наутро извести за ракетен напад врз градот, кој се наоѓа речиси 800 километри североисточно од Москва.

Набргу потоа, и покрај строгите казни за објавување на последиците од ваквите напади во Русија, на каналите на Телеграм се појавија фотографии и видеа на кои се гледа чад што се издига од фабриката „Авитек“ на север од градот.

„Авитек“, кој е дел од рускиот одбранбен гигант „Алмаз-Антеј“, произведува пресретнувачки ракети за советските противвоздушни системи „Тор“ и „Оса“, кои Русија ги користи во војната против Украина, како и други делови за авиони. Попладнето, Соколов објави дека шест фабрички работници биле убиени во нападот, додека уште 26 биле повредени, додавајќи дека пожарот е изгаснат.

Нападот врз Киров беше дел од поширок напад

Украинскиот претседател Володимир Зеленски го потврди нападот врз Киров и рече дека фабриката произведувала „компоненти за авиони и ракетни системи на окупаторите, кои се користат, меѓу другото, во масовни напади врз украински градови и заедници“.

Производителот на ракети „Фламинго“, „Фајер Поинт“ објави снимка од лансирањето, потврдувајќи ги претходните информации дека една од нивните крстосувачки ракети ја погодила фабриката.

Киров се наоѓа на околу 1.200 километри од најблиската територија под контрола на Украина. Според познатите можности на украинскиот ракетен арсенал, целта на тоа растојание можела да биде погодена само од ракетата „Фламинго“.

Нападот врз Киров беше дел од поширок напад врз руска територија, за време на кој беа уништени уште три магацини на рускиот гигант за онлајн купување „Вајлдбери“.

Ракетите „Фламинго“ главно се користат за напад врз големи воени фабрики

Украина постепено ги зголемува своите ракетни и беспилотни напади длабоко на руска територија во текот на изминатата година, насочени кон нафтена и гасна инфраструктура, објекти од одбранбената индустрија и други клучни логистички центри.

Додека дроновите главно се користат против помалку заштитени и лесно запаливи цели како што се рафинериите за нафта, крстосувачките ракети „Фламинго“ со боеви глави со тежина поголема од еден тон се наменети главно за напади врз големи воени фабрики.

Во еден од најголемите неодамнешни напади со ова оружје, ракетите „Фламинго“ ја погодија воената фабрика „Титан-Барикади“ во Волгоград на 27 јуни.

Тагови: русија Фламинго

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Аргентинска легенда се прости од репрезентацијата

Аргентинскиот дефанзивец Николас Отаменди (38) објави збогум со репрезентацијата за која играше 17 години и имаше 139 настапи. 

Аргентинска легенда се прости од репрезентацијата

Со Аргентина, тој ја освои светската титула во 2022 година, две изданија на Копа Америка во 2021 и 2024 година, а својата репрезентативна кариера ја заврши со сребрен медал на неодамна завршеното Светско првенство.

Порака за збогум

Тој ја објави својата одлука на социјалните мрежи. „Денес морам да ги напишам најтешките зборови во мојата кариера. Судбината сакаше мојот последен натпревар да биде финалето на Светското првенство. Тоа не беше резултатот што го сакавме, но си заминувам со крената глава и знам дека овој тим даде сè што можеше до последната секунда. Ти благодарам, Аргентина, што ми овозможи да го остварам мојот сон и да станам светски шампион“, напиша Отаменди.

Враќање дома по Европа

Отаменди неодамна му се придружи на аргентинскиот гигант Ривер Плата, завршувајќи го својот 16-годишен престој во Европа, каде што играше за Порто, Валенсија, Манчестер Сити и Бенфика. Тој играше за својата земја на четири светски првенства.

Тагови: репрезентација

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер