Забава

Овие три хороскопски знаци се најнаивни во зодијакот

За овие 3 хороскопски знаци велат дека секој може да ги мами како сака.

Бик

Тие се осаменици и релативно тешки кога станува збор за односи со други луѓе, па токму затоа нивната осаменост може да биде причина за тие да наседнат на одредена превара. Кога станува збор за трошење пари, Биковите се многу внимателни за сите оние нешта кои се рекламираат, но доколку налетаат на личност во која гледаат пријател или потенцијален љубовен партнер тие без размислување се расфрлаат со парите.

Заљубениот Бик не прашува колку чини нешто пред да го купи тоа. Тој без проблем ќе позајми и 1.000 евра на личност која ја смета за блиска доколку верува дека со тоа ќе ги реши нејзините проблеми. Бикот без размислување ќе ви даде пари доколку верува дека имате искрени емоции кон него и доколку љубезно ветите дека ќе му ги вратите парите. Тоа што се познавате многу малку не игра никаква улога во неговата одлука.

Кога личноста која тој ја ценел ќе избега со неговите пари и веќе никогаш нема да му се јави, тој на најтешкиот можен начин ќе сфати дека е измамен. Сепак Биковите добро учат од искуство, па токму затоа нема да ја повторат истата грешка два пати. Барем тие така мислат. За два пати да наседнат на истата финта, потребно е секоја следна лага да биде обвиена во друго пакување.

Вага

Верувале или не, знакот кој најмногу одмерува, ги проучува ситуациите и луѓето, оној на кој му е потребна цела вечност да донесе одлука е и оној знак кој најчесто паѓа на измами. Причината е малку необична, овие луѓе едноставно „касно палат“.

Без разлика од која причина вие ќе чукнете на нивната врата, тие веднаш ќе ви поверуваат во она што ќе го кажете и доколку набрзина ја завршите работата која сте ја намислиле и не им дадете простор да сфатат за што навистина станува збор, вие можете да се извлечете со сè што ќе намислите. Доколку го земете предвид нивното бавно однесување, брзо ќе заклучите дека вагата е идеална „овца за стрижење“.

Тие со тек на време ќе сфатат дека се измамени, но тогаш веќе ќе биде доцна. Нивната способност да навлезат подлабоко во тајните на другите луѓе, само дополнително ќе ги изнервира бидејќи сите овие заклучувања ќе дојдат откако веќе ќе ја направат глупоста. Тие лесно им веруваат на сите ветувања кои ги поставуваат политичарите, веруваат во сите вести кои ќе се појават онлајн и паѓаат на сите маркетинг трикови на кои ќе налетаат. Додека истражат дополнително и соберат доволно информации за да ја сфатат вистината, штетата веќе ќе биде направена.

Нивниот мозок е премногу зафатен со обработката на различни информации и прашања, што многу често немаат капацитет да размислуваат и за она што во моментот им се случува, па токму затоа знаат да направат лоша проценка и да ја донесат погрешната одлука за која подоцна ќе се каат.

Риби

Бидејќи поголемиот дел од нивниот живот го поминуваат во некаква паралелна реалност каде што владеат сосема поинакви закони, кои им се познати само ним, Рибите многу често стануваат ранливи на секојдневните измами, кои дури и некое мало дете би ги открило.

Тие се најнаивни кога станува збор за понуди за брза заработка, бидејќи токму тоа е она за кое тие цел живот фантазираат. Овие луѓе не се подготвени целиот свој живот да вложуваат време и труд во банални нешта како што е работата и материјалната сигурност, но од друга страна, парите им се многу потребни. Можеби дури и повеќе отколку на останатите бидејќи апсолутно немаат чувство за штедење.

Лотаријата, слот машините и рулетот се како измислени за нив, како и сите оние работи од дома кои можат да ги извршуваат преку интернет, мислејќи дека животните проблеми и потешкотии можат да се решат со парите заработени од неколку кликови.

Поради своето однесување, тие ги трошат своите тешко заштедени пари на жетони, кредити и поени додека некој друг задоволно ги трие своите раце. Нив им се потребни и по неколку месеци да го сфатат трикот со кој ги мамат, па токму затоа дотогаш ќе ги навлечат и сите свои пријатели на оваа бајка за богатство и лесна заработка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Откриено зошто портпаролката на Трамп беше отпуштена по само пет дена

Закарија беше отпуштена од функцијата портпаролка на Белата куќа по само пет дена на работа.

Кејти Закарија беше отпуштена од функцијата портпаролка на Белата куќа по само пет дена на работа, по критиките за нејзиното прво интервју со новинарите и прашањата за нејзиното прикажување како адвокат, иако не го положила правосудниот испит, објавува „CBS News“.

Службеник изјави за „CBS“ дека Закарија била невообичаено изолирана во текот на неделата и не ги извршувала своите должности како портпаролка на очекуваниот начин.

„Никој не мислеше дека ќе остане доволно долго за да биде вклучена во вистинското донесување одлуки“, рече помошник на Белата куќа.

Закарија, која беше избрана од американскиот претседател Доналд Трамп да ја замени Каролин Левит, се најде под оган по нејзиниот прв и единствен брифинг во Белата куќа во вторник, за време на кој таа читаше подготвени изјави околу десет минути, а потоа одговараше на прашања од новинари од три медиуми.

Прашањата за нејзините професионални квалификации привлекоа дополнително внимание.

Закарија дипломирала на Правниот факултет на Универзитетот Пепердин, но не го положила правосудниот испит во Калифорнија во 2011 година, тврдење што го изнела.

Таа ги негираше тврдењата дека се претставила како адвокат, велејќи дека никогаш не тврдела дека има лиценца за практикување адвокатура.

Според извори запознаени со дискусиите, се очекува Закарија наскоро да заземе друга позиција во администрацијата на американскиот претседател Доналд Трамп.

Во петокот, Трамп за нејзината позиција рече дека ја советувал да размисли дали сака да продолжи како прес-секретар во Белата куќа.

„Тие беа толку груби кон неа“, рече Трамп, осврнувајќи се на медиумите, додавајќи дека ѝ рекол да ја преиспита својата одлука, со оглед на нејзиното семејство и притисокот под кој се наоѓаше.

Пократок мандат од Скарамучи

Закарија му се заблагодари на Трамп и ја изрази својата поддршка за американскиот претседател во објава на социјалните мрежи.

„Беше чест да работам за него“, напиша таа.

Белата куќа сè уште не објавила кој ќе ја наследи како прес-секретар во Белата куќа.

Нејзиното заминување потсетуваше на краткиот мандат на Ентони Скарамучи, кој помина само 11 дена како директор за комуникации во Белата куќа за време на првиот мандат на Трамп, потсетува американскиот телевизиски канал.

„Рекордите се тука за да се соборат, но јас не уживам во страдањето на другите“, напиша Скарамучи на социјалната мрежа „X“.

Извор: Б92

Тагови: Доналд Трамп Кејти Закарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Microsoft“ ги изненади сите со својот најмал „Xbox“ контролер

Полесен е од вашиот телефон, лесно се става во џеб и сè уште ги има сите копчиња што ви се потребни.

„Xbox“ го најави „Nano Controller“, најмалиот контролер што компанијата некогаш го направила. Дизајниран е за деца, гејмери со помали раце и луѓе кои сакаат да играат игри надвор од дневната соба. „Nano“ е долг нешто повеќе од 12 сантиметри и тежи околу 99 грама.

We've got a little something new to show you! Hop into your favorite games with our pocketable XBOX Nano Controller: https://t.co/DPU58BuTEm https://t.co/c2jYeeaLI4
— XBOX (@XBOX) October 14, 2026

И покрај својата големина, „Xbox“ не отстранил никакви контроли. Ги добивате сите 18 стандардни влезови, така што распоредот на копчињата се совпаѓа со „Xbox“ контролерот со кој веќе сте запознаени.

„Nano“ користи батерија што може да се полни, иако „Xbox“ не откри колку долго ќе трае едно полнење. Исто така, постои и програмабилно копче за акција што можете да го поставите да прави снимки на екранот, да снима игра или да стартува кратенка што често ја користите.

Се поврзува преку „Xbox Wireless“ и „Bluetooth“, така што можете да го користите со кој било компатибилен уред. „Xbox“ го позиционира и „Nano“ како контролер за целото семејство.

„Xbox Nano Controller“ е достапен за преднарачка за 50 долари. Испораката започнува во ноември во 36 земји, вклучувајќи ги САД, Велика Британија, Канада, Јапонија и Австралија, а дополнителни пазари ќе бидат додадени подоцна. Цените ќе варираат во зависност од пазарот.

Извор: Б92

Тагови: Microsoft Xbox

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника во Русија: Шпионски авион кружел со часови во близина на границата

Американски шпионски авион денес кружел два часа над Естонија и Латвија, десет километри од нивната граница со Русија, по што се вратил во својата база во Романија, според податоците од летот од авионот.

Според податоците пренесе РИА Новости, авионот полетал од меѓународниот аеродром „Михаил Когалничеану“ во Констанца, Романија, околу 9:42 часот наутро и прелетал над Унгарија, Словачка, Полска и три балтички земји, каде што неколку пати кружел во близина на нивните граници со Русија.

Авионот, за кој РИА Новости вели дека редовно се користи за летови околу регионот Калининград и над Црното Море, долж Крим и други јужни региони на Русија, се вратил во својата база во Романија денес околу 16:33 часот.

Руските власти изјавија дека во последните години се забележани досега невидени активности на НАТО долж западните граници на земјата и дека НАТО ги проширува своите иницијативи, нарекувајќи го тоа „одвраќање од руската агресија“.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.