Овие 10 професии се најплатени во Германија: Нудат „чисто злато“ за овие занимања, бројките се огромни! - Канал 5

Свет

Овие 10 професии се најплатени во Германија: Нудат „чисто злато“ за овие занимања, бројките се огромни!

Германија е трета најголема економија во светот, со проектиран БДП од 4,74 билиони долари (4,12 билиони евра) во 2025 година.

Овие 10 професии се најплатени во Германија: Нудат „чисто злато“ за овие занимања, бројките се огромни!

Според проценките на ММФ од април, Германија се наоѓа меѓу 20-те најбогати земји по глава на жител, со БДП по жител од 55.911 долари, односно 47.206 евра, пренесува Инвеститор.

Германија е и најпосакувана дестинација за мигранти во ЕУ, како од земјите членки, така и надвор од Унијата, според податоците на Евростат. Меѓу нив има многу високообразовани работници кои бараат добро платени работни места.

Кои се најплатените работи во Германија и какви се просечните годишни плати?

Можеби ќе ве интересира: Еве колкава е просечната плата во Македонија во 2025 година

Авијација, здравство и правосудство – на врвот на листата

Според податоците на Сојузниот завод за статистика (Destatis) од април 2024 година, секторот за авијација е најплатен во Германија – со медијална годишна бруто плата од дури 336.000 евра. Платите во оваа област обично почнуваат од 132.000 евра.

Здравството е на второ место – просечните годишни плати се движат меѓу 108.000 и 156.000 евра, додека правниот и судскиот сектор нуди плати од 84.000 до 144.000 евра.

Во академијата и истражувањето, платите се движат меѓу 72.000 и 120.000 евра, а во ИТ и инженерство меѓу 72.000 и 114.000 евра. И вработените во јавната администрација се релативно добро платени – од 60.000 до 114.000 евра годишно.

Од друга страна, секторите за малопродажба и услуги се на дното на листата – со просечни плати од 30.000 до 42.000 евра годишно.

Пилотите – најплатено занимање во Германија

Пилотите се на врвот на листата со медијална плата од 342.072 евра годишно. Инструкторите за летање со комплексни задачи заработуваат околу 281.592 евра. Високо се позиционирани и контролорите на воздушен сообраќај, пилотите на патнички авиони и техничарите во комплексни авионски операции.

Здравството доминира – 11 позиции меѓу најплатените

Менаџерите во хуманата медицина и стоматологија заработуваат 165.576 евра годишно. Лабораториски и радиолошки експерти во сложени улоги заработуваат меѓу 129.000 и 131.000 евра. Хирурзите и општите лекари со комплексни задачи имаат годишни плати над 100.000 евра.

Правници, судии и обвинители – рамо до рамо

Менаџерите во правните служби имаат медијална плата од 149.280 евра, додека судиите, обвинителите и адвокатите во сложени случаи заработуваат околу 95.000 евра годишно.

Менаџерски позиции – доминираат во сите сектори

Меѓу најплатените 50 занимања се и менаџери од академскиот сектор, ИТ, државната администрација, развој на софтвер, сметководство, организација на бизниси и медиуми – скоро сите со плати над 100.000 евра.

Изненадување – маѓионичари и илузионисти во топ 10

Неочекувано, маѓионичарите и илузионистите се на осмото место, со вчудовидувачка плата од 134.316 евра годишно.

Високи плати и во огласите за работа

Според платформата Indeed, најплатени се даночните советници во компании – со плата од 145.000 евра. Следуваат директори за продажба и извршни директори со плати меѓу 107.000 и 138.000 евра. Адвокатите специјализирани за работно право заработуваат околу 105.000 евра, додека SAP консултантите и ИТ-безбедносните експерти се во ранг од 90.000 до 100.000 евра.

Вештачка интелигенција и зелена енергија – иднина на високите плати

Експертите предвидуваат дека во наредните 5 до 10 години, занимањата поврзани со вештачка интелигенција, зелена енергија, сајбер-безбедност и биотехнологија ќе доминираат со високите плати. Нови професии како AI етичар, GenAI инженер и аналитичар за климатски податоци може брзо да се најдат на врвот на листата, пренесува Биз портал.

Тагови: Германија плата работа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер