Овие 10 намирници можат да го намалат ризикот од развој на деменција - Канал 5

Здравје

Овие 10 намирници можат да го намалат ризикот од развој на деменција

Од зеленолисести растенија до маслиново масло – овие намирници се поврзуваат со подобро здравје на мозокот и намален ризик од Алцхајмерова болест.

Овие 10 намирници можат да го намалат ризикот од развој на деменција

Деменцијата е здравствената состојба од која речиси половина од нас најмногу се плашат. Затоа е и разбирливо што постојано бараме начини како да ја избегнеме. Освен промените во животниот стил, постојат и други чекори кои можат да го намалат ризикот – вклучително и промени во исхраната.

Според ново истражување, луѓе на возраст од 45 до 75 години кои ја следеле т.н. MIND диета (повеќе за тоа подолу), имале помала веројатност да развијат Алцхајмер или други форми на деменција.

Истражувањето спроведено од Универзитетот на Хаваи во Маноа покажало дека колку построго се придржувале до диетата, толку повеќе се намалувал ризикот. Дури и мали подобрувања со текот на времето биле поврзани со просечно 9% намален ризик, а оние што ја подобриле својата исхрана во рок од 10 години имале 25% помал ризик од деменција.

„Нашите наоди потврдуваат дека здравите обрасци на исхрана во средниот и подоцнежниот живот, како и нивното унапредување со текот на времето, може да спречат Алцхајмерова болест и сродни деменции“, вели д-р Сонг-Ји Парк, пишува Јаху.

Што е MIND диета?

Ако веќе сте слушнале за медитеранската диета или DASH диетата, тогаш сте на пола пат.

MIND значи: „Mediterranean-DASH Intervention for Neurodegenerative Delay“.

Тоа е комбинација од двете диети што се поврзуваат со подобро срцево и мозочно здравје.

Наместо броење калории, се работи за долгорочно градење навики и намалување на внесот на помалку корисни намирници – како преработени грицки, газирани пијалаци и алкохол. Се фокусира на храна што го штити мозокот, го подобрува помнењето и го намалува воспалението.

Според „Alzheimer’s Research UK“, овој начин на исхрана носи низа здравствени придобивки, вклучително и подобро когнитивно здравје.

Клучни намирници од MIND диетата и како да ги внесувате:

Темнозелени лиснати растенија

Спанаќ, кељ, брокула – забавуваат когнитивна дегенерација. Цел: 6 порции неделно.

Овошје и зеленчук со силни бои

Моркови, домати, пиперки, папаја – богати со каротеноиди. Цел: разновидност секојдневно.

Јагоди и шумски овошки

Боровинки, малини – богати со антиоксиданси и флавоноиди. Цел: 2+ пати неделно.

Риба

Лосос, туна, сардини – богати со омега-3 и DHA масни киселини. Цел: 1+ оброк неделно.

Јаткасти плодови и семиња

Ореви, лен, бадеми – полни со витамин Е, магнезиум, цинк. Цел: 5 порции неделно.

Цели зрна

Овес, кафеав ориз, квиноа – со многу влакна и Б витамини. Цел: 3 порции дневно.

Маслиново масло

Главен извор на маснотии во оваа диета – богато со антиоксиданси и здрави масти.

Мешунки (грав, леќа)

Бели, црвени, црни гравчиња – изобилуваат со растителни влакна и фолна киселина. Цел: 4+ оброци неделно.

Живинско месо (пилешко, мисиркино)

Протеини без заситени масти од црвено месо. Цел: 2 порции неделно.

Темно чоколадо (слатко задоволство)

Не е формален дел од диетата, но богато е со флавоноиди – корисно во мали количини.

Овие намирници не само што се добри за мозокот, туку придонесуваат и за целокупно подобро здравје, особено во подоцнежните години од животот.

Тагови: намирници деменција здравје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдо му изразил сочувство на Меси по смртта на неговиот татко

Големи ривали, но и големи луѓе.

Роналдо му изразил сочувство на Меси по смртта на неговиот татко

Двете големи фудбалски ѕвезди кои со своето ривалство на зелениот терен ги одбележаа последните 15 години во светскиот фудбал Португалецот Кристијано Роналдо и аргентинскиот волшебник Лионел Меси покажаа дека нивното ривалството е само на теренот не и во приватниот живот.

Португалецот Кристијано Роналдо упати сочувство до Лионел Меси и неговото семејство.

Еден од најдобрите фудбалери на сите времиња, Кристијано Роналдо, испратил порака за поддршка до Лионел Меси по смртта на неговиот татко Хорхе.

Најважниот човек во животот на аргентинскиот волшебник почина на 69-годишна возраст, по борба со тешка болест.

Ситуацијата за семејството Меси била многу тешка уште за време на Светското првенство, а трагичната вест пристигнала овој викедн во саботата.

Сочувство до Лионел пристигнуваа од сите страни, а посебно внимание привлече емотивната порака од Кристијано Роналдо, со кого водеше големи битки на теренот, како и трката за титулата „најдобар на сите времиња“ (GOAT), која ја подели фудбалската јавност.

„Голема прегратка за тебе и твоите најблиски во овој тежок момент, Лео. Остани силен“, му порача Роналдо на Меси.

Тагови: Кристијано Роналдо Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЛДП: Додека се шири западнонилската треска, институциите молчат – кој ќе одговара?

Додека западнонилската треска се шири, имаме заболени и веќе еден починат пациент, надлежните институции повторно се однесуваат како проблемот да ќе исчезне ако доволно долго молчат.

ЛДП: Додека се шири западнонилската треска, институциите молчат – кој ќе одговара?

Ова не е тема за бирократски соопштенија и префрлање на топката од една институција на друга. Ова е јавно здравје и човечки животи.

Според досега објавените информации, епидемија е прогласена во Кисела Вода, Гази Баба, Аеродром, Бутел и Илинден, регистрирани се 26 случаи, а еден пациент е починат. Затоа прашуваме: што правеа институциите додека растеше бројот на заболени?

Кога го добиле првото предупредување? Кога сфатиле дека бројот на случаи расте? Дали и кога е извршена дезинсекција и со каков опфат? Кои биле утврдените ризични подрачја? Колку пари се обезбедени за итни мерки и, конечно, кој ќе понесе одговорност ако било задоцнето со превенцијата?

Не прифаќаме граѓаните да дознаваат од медиуми и социјални мрежи дека во нивната општина е прогласена епидемија, додека надлежните се кријат зад институционален молк.

Комарецот не знае каде завршува една, а почнува друга општина, па затоа е срамно Владата, Министерството, здравствените институции и општините да си ја префрлаат одговорноста додека заразата се шири.

Бараме Владата, Министерството за здравство, Институтот за јавно здравје, Центарот за јавно здравје – Скопје и локалните самоуправи веднаш и јавно да соопштат што презеле досега, што ќе преземат во следните денови и кој конкретно е одговорен за секоја мерка.

За епидемија не се реагира откако ќе почнат да се бројат заболени и починати. Се реагира пред тоа. Тоа се вика превенција. Сè друго е неодговорност што граѓаните ја плаќаат со сопственото здравје.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Сега Муцунски се занимава со полиција откако Тошковски беше задолжен за хиперхлорирање

Граѓаните се соочуваат со здравствени последици од труење со вода, со небезбедна вода во над 50 населени места, со загадени реки а сега и со епидемија од западно нилска треска.

СДСМ: Сега Муцунски се занимава со полиција откако Тошковски беше задолжен за хиперхлорирање

Што прави премиерот и министрите во Владата?

Прмеиерот Мицкоски е на екскурзија.

Министерот за полиција Панче Тошковски, беше задолжен за хиперхлокирање на водата во Гостивар и чистење на цевките.

Сега Тимчо Муцунски – министер за надворешни работи се занимава со полиција.

Тој кажува колку луѓе биле повикани на разговор во полиција за шпекулациите и лажните информации за водата во Скопје.

Па каде е Тошковски? Работи ли нешто? Да не е и тој на екскурзија?

Во ВМРО – ОКГ сите се занимаваат со туѓа работа само не со својата.

Како луѓето да имаат доверба?

Гледаат дека ништо не функционира, затоа здравјето на луѓето е под ризик.

Доцнат со реакциите, кријат информации од народот, потоа ескалира состојбата.

Неспособната Влада на Мицкоски ниту основните функции не ги извршува, не може да го заштити здравјето на луѓето.

Тотален институционален распад а сметката ја плаќаат граѓаните.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер