Овцата Доли – симбол на развојот на науката, но и на етичките дебати - Канал 5

Живот

Овцата Доли – симбол на развојот на науката, но и на етичките дебати

На денешен ден пред 29 години постигнат е огромен напредок во науката, медицината и биотехнологијата, што предизвика исто така големи етички дебати, кои се актуелни и денес.

Овцата Доли – симбол на развојот на науката, но и на етичките дебати

На 5 јули 1996 година „родена“ е овцата Доли, првиот цицач успешно клониран од возрасна клетка. Доли е создадена со помош на техника позната како трансфер на јадро на соматски клетки.

Научниците од Институтот Рослин во Единбург, предводени од Иан Вилмут и Кит Кембел, зедоа јадро од клетка на млечна жлезда од возрасна овца Фин Дорсет и го префрлија во јајце клетка на која ѝ беше отстрането сопственото јадро. Јајцеклетката потоа беше имплантирана кај сурогат мајка, што резултираше со раѓање на Доли. Овој процес докажа дека диференцираните клетки од возрасен организам можат да се репрограмираат за да се создаде комплетен организам.

Клонирањето на Доли покажа дека е можно да се создаде генетски идентичен примерок на возрасен цицач.

По Доли почнаа истражувањата во регенеративната медицина, генетските терапии, а го поттикна и развојот на технологии за матични клетки, кои имаат потенцијал за лекување на различни болести.

Овцата Доли живееше 6,5 години, а на 14 февруари 2003 година е еутаназирана поради тумор на белите дробови.

Клонирањето на Доли предизвика загриженост дали слична технологија може да се примени и на луѓето. Голем број земји воведоа закони со кои се регулира или забранува клонирањето на луѓе, додека клонирањето на животни и понатаму се истражува.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски го претстави стариот кабинет со нови фотелји

Шефот на организираната криминална група- Христијан Мицкоски го претстави стариот кабинет со нови фотелји.

СДСМ: Мицкоски го претстави стариот кабинет со нови фотелји

Нема резултати – има театар со реконструкција. Ова не е реформа на владата туку козметичка промена на истата криминална структура.

Некои министри се преместуваат, некои нови имиња доаѓаат на сцена, а клучните луѓе и клучните ресори остануваат исти“, велат од опозициската СДСМ.

Според нив „внатрешни работи, одбрана, финансии, надворешни работи, образование – сè во исти раце. Само се вртат столчиња за да се создаде впечаток дека нешто се менува. Ова е тактиката на Мицкоски: кога економијата е во колапс, кога буџетот е празен, кога нема пари ни за пензии, кога европскиот пат е блокиран – тогаш се прави „реконструкција“ за да се одвлече вниманието велат од опозициската партија.

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Судењето за пожарот во „Пулс“ продолжува со презентација на докази за државниот пазарен инспекторат

Судењето за пожарот во „Пулс“ продолжува со презентација на материјални докази од Обвинителството кои се однесуваат на Државниот пазарен инспекторат.

Судењето за пожарот во „Пулс“ продолжува со презентација на докази за државниот пазарен инспекторат

Судењето за трагедијата во кочанската дискотека „се одвива во судницата во „Идризово“.

Обвинителството презентира материјални докази, вклучувајќи документи и снимки кои откриваат пропусти во безбедноста и контролите од институциите. “, во пожарот загинаа 63 лица, а над 200 беа повредени.

Тагови: Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѕвездено небо и „Некогаш и негде“ пред платото на „Борис Трајковски“ – последен поздрав за Владо Јаневски

Денеска на градските гробишта во Бутел ќе биде погребан македонскиот пејач и автор, Владо Јаневски.

Ѕвездено небо и „Некогаш и негде“ пред платото на „Борис Трајковски“ – последен поздрав за Владо Јаневски

Сите кои ќе сакаат да се збогуваат со Јаневски за последен пат, ќе можат тоа да го направат во капелата на градските гробишта во бутел во периодот од 10 до 11 часот.

Синоќа пред платото на Спортскиот центар „Борис Трајковски“ во Скопје граѓаните се собраа за да му оддадат последна почит на легендарниот македонски пејач, кој почина во неделата на 66-годишна возраст.

Со минута молк и со неговите најубави песни фановите се простија од својот омилен пејач.

Со вклучени светилки на телефоните стотиците присутни направија „ѕвездено небо“ додека заедно го пееја најголемиот хит на Јаневски, „некогаш и негде“.

Присуствува и повеќе негови колеги и пријатели, меѓу кои Силви и Влатко Плевнеш, Слаткар, Антониа Гиговска и Роберт, Спасеновски, Лара Иванова, Пајак, Валентино Скендеровски, Стево Чепишевски, Стефан Филиповски, Ѓорѓе Давид…

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер