Свет

Оваа земја ја зголемува старосната граница за пензија, граѓаните бесни: „Мислам дека тоа не би било фер“

Данска донесе одлука до 2040 година старосната граница за пензионирање да се подигне од сегашните 67 на 70 години.

Оваа реформа предизвикува различни реакции меѓу граѓаните, а експертите предупредуваат на можни последици.

Кирстен Еванс, 53-годишна службеничка во банка, е една од оние што ќе мора да чекаат до 70 години за да добијат полна пензија. Сепак, таа планира да се пензионира порано – на 65 или 66 години – иако тоа значи дека нема да го добие полниот износ.

– Мислам дека на 70 години веќе сте стари. Сакате да имате добар живот по пензионирањето – изјави таа за AFP.

Според новиот закон, старосната граница ќе се усогласува со очекуваниот животен век и ќе се ревидира на секои пет години. До 2030 година ќе биде 68 години, а до 2035 година – 69. Сите родени по 31 декември 1970 ќе мора да чекаат до 70-годишна возраст.

Податоците покажуваат дека веќе постои значителна разлика помеѓу официјалната и реалната возраст за пензионирање. Во 2022 година, иако границата била 67, просечната старост на пензионирање била околу 64 години, според ОЕЦД.

Аске Јул Ласен, етнолог од Универзитетот во Копенхаген, напомена дека околу 20 проценти од пензионерите заминуваат порано поради болест или неможност да најдат работа.

– За тие 20 проценти е многу важно дали старосната граница повторно ќе се зголеми – вели тој и додава дека нееднаквоста расте со годините на живот.

Економистот на Данската синдикална конфедерација, Дамун Ашурнија, истакнува дека може да се зголеми јазот меѓу оние кои имаат доволно средства да се пензионираат порано и оние што не можат.

Камила Расмусен, медицинска сестра од Копенхаген, смета дека физички нема да може да работи до 70 години.

– Тоа би било навистина тешко за мене, да одам по 10.000 чекори секој ден. Ако би била тука на 70 години, мислам дека тоа не би било фер за пациентите – вели таа.

Данскиот пензиски систем се состои од универзална јавна пензија, моментално 7.198 круни (околу 960 евра), дополнителни пензии финансирани од работодавачите, како и приватни заштеди.

Ашурнија смета дека зголемувањето на старосната граница е единствениот начин да се одржи социјалниот систем.

– Како што населението старее и очекуваниот животен век расте, ако сакаме да ги задржиме истите услуги како денес, мораме да обезбедиме јавни финансии – наведува тој.

Сепак, тој го критикува автоматското зголемување на старосната граница на секои пет години, што би значело граница од 74 години до 2070 година.

Ерик Симонсен, заменик-претседател на Конфедерацијата на данските работодавачи, смета дека тоа е единствениот вистински пат напред.

– Тоа би било најпаметно, за да се зачува системот. Така, колку што сме постари, ќе работиме малку подолго – изјави тој, пренесува Poslovni.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Променливо облачно и топло, попладне локален пороен дожд, грмежи и ветер

Времето денеска ќе биде променливо облачно и топло со сончеви периоди. Попладне ќе има локален пороен дожд, грмежи и засилен ветер.

Наместа ќе има услови за невреме со силен ветер и појава на град. Ќе дува слаб до умерен ветер од југоисточен правец, информира УХМР.

Минималната температура ќе биде во интервал од 13 до 22, а максималната ќе достигне од 30 до 38 степени.

Во Скопје, сончево и топло со мала до умерена облачност. Попладне во делови од котлината ќе има услови за краткотраен пороен дожд и појава на грмежи. Ќе дува слаб до умерен ветер од северен правец. Минималната температура ќе се спушти до 18, а максималната ќе достигне до 37 степени.

Во текот на новата седмица времето ќе биде претежно стабилно и сончево со мала до умерена облачност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 24. август 2026 година

Дневен хороскоп за понеделник, 24. август 2026 година.

Девица 23.8.-23.9.

Љубов

На дневен ред ќе испливаат некои работи од минатото од вашето семејстов , што ќе мора денеска да ги решите.

Кариера

Подготвени сте привремено да се повлечете , зашто насетувате дека така би ви одговарало.На некој начин сте во право.

Здравје и совет

Сѐ повеќе работи ве заморуваат.

Вага 24.9.-23.10

Љубов

Веројатно ќе ви се отворат нови љубовни шанси , а со своето однесување вие ќе ги поттикнувате.

Кариера

Понекогаш ви се чини дека пред вас се задачи што не сте ги очекувале, но тие ќе ве надополнат и збогатат.

Здравје и совет

Прифатете сѐ што доаѓа.

Шкорпија 24.10-22.11.

Љубов

Пред вас е уште еден успешен љубовен ден.Секој вид контакт добро е поставен , па обидете се да бидете меѓу тие луѓе.

Кариера

Вашата драматичност на многумина им е здодевна. Сега ви преостанува нов стил , што значи да работите тивко и професионално.

Здравје и совет

Јадете помалку , движете се повеќе.

Стрелец 23.11.-21.12.

Љубов

Отворени сте за луѓе и нови познанства , релативно лесно ги среќавате , но емотивното исполнување е многу тешко.

Кариера

Калкулациите околу млади луѓе или креативност на работата ќе потраат и денеска. Ќе насотјувате да ви биде интересно.

Здравје и совет

И натаму сте во добра состојба.

Јарец 22.12.-20.1.

Љубов

Можен е разговор за една сериозна тема со блиска личност. Ќе знаете да дадете совет или да пружите поддршка.

Кариера

На работното место се повеќе покажувате наклоност кон забави , а се помалку кон сериозна работа. Се наоѓате во свој свет и како да не ве интересира ништо друго.

Здравје и совет

Сконцентрирајте се на целта.

Водолија 21.1.-19.2.

Љубов

Мали нервози малку ќе ви ја разнишаат самодовербата, но само ако вие тоа го дозволите. Контролирајте се и се ќе биде во ред.

Кариера

Денеска заработените пари ќе ви изгледаат како да се малку , но разберете и дека тие не се цел сама за себе. Поважно е да работите нешто што го сакате.

Здравје и совет

Се засилува вашиот интерес за козметика.

Риби 20.2.- 20.3.

Љубов

Пред вас е уште еден ден во кој ќе бидете склони кон зголемена чувствителност и се поголеми барања од партнерот.

Кариера

Не грижете се за малото затишје на работата. Тоа добро ќе ви дојде за малку да се реорганизирате.

Здравје и совет

Повеќе сон и одмор.

Овен 21.3-20.4.

Љубов

Се што не ви се допаѓа во вашиот љубовен живот ќе се обидете да го турнете под тепих или едноставно да го скриете од другите. Тоа не е добро.

Кариера

Недостаток на интерес за работата е резултат на вашиот недостаток на енергија. Пробајте подобро да се организирате , па ќе ви се врати желбата за работа.

Здравје и совет

Треба уредно да живеете.

Бик 21.4- 20.5.

Љубов

Ако денеска се впуштите во њротска авантура , треба да знаете дека сигурно ќе промашите. Затоа задржете ја потребната дистанца.

Кариера

не се обидувајте со сила да докажувате дека сте во право. Подобро прифатете ги советите на другите , кои се посериозни од вас.

Здравје и совет

Поважни се зборовите отколку делата.

Близнаци 21.5.-21.6.

Љубов

Трошокот поради вашата организација на заенички ручек или вечера малку ќе ве загрижи.

Кариера

Се повеќе работи одат во ваша корист и ви го прават работниот ден попријатен. Но , вие и натаму работите со сите сили.

Здравје и совет

Можете малку да здивнете.

Рак 22.6-22.7.

Љубов

Препознавате нови љубовни шанси , а во тоа ви помагаат вашите пријатели. Денеска немојте да бидете сами , туку излезете.

Кариера

Можеби ќе ви се чини дека другите не ве поддржуваат , но тоа не е точно. Тие само се внимателни и ви покажуваат каде се грешките.

Здравје и совет

Немојте да се грижите.

Лав 23.7-22.8.

Љубов

Ќе бидете во фаза на повлекување и најдобро ќе се чувствувате во некое скришно катче самите со себе. Тоа е само преодно расположение.

Кариера

Обидете се сите поважни работи да ги привршувате , зашто наскоро за нив ќе ви треба двојно поголема енергија од вообичаеното.

Здравје и совет

Наполнете си ги батериите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сања Лукаревска во „Вести плус“

Почитувани, вечерва во „Вести плус“ ќе гостува Сања Лукаревска.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.