Оваа се најслабо платени професии во Германија: Работниците едвај врзуваат крај со крај - Канал 5

Свет

Оваа се најслабо платени професии во Германија: Работниците едвај врзуваат крај со крај

Во Германија многу професии се толку слабо платени што работниците едвај врзуваат крај со крај со своите месечни приходи.

Оваа се најслабо платени професии во Германија: Работниците едвај врзуваат крај со крај

Според податоците на Сојузниот завод за статистика, објавени како одговор на барањето на групата „Алијанса на Захра Вагенкнехт“ во Бундестагот, најслабо платените работни места се во областа на чистењето, со просечна бруто плата од 2.493 евра за полно работно време, по што следуваат земјоделските работи со просечна плата од 2.531 евра месечно, а потоа и туризмот, хотелиерството и угостителството со 2.634 евра.

Можеби ќе ве интересира: Германија планира да им воведе данок на богатите пензионери, за да ги финансираат сиромашните

Загрижувачки е што многу од овие слабо платени работи вклучуваат секојдневни и системски важни активности неопходни за нормално функционирање на општеството, но сепак добиваат неадекватна финансиска надомест.

Не постои универзален одговор на прашањето колку пари му се потребни на човек за живот, бидејќи тоа зависи од индивидуалниот начин на живеење, но важно е приходот да биде доволен за покривање на основните потреби како што се сместување, храна и социјални интеракции.

Еден од начините за справување со ниските плати е воспоставување на минимална часовна стапка, која според Германската конфедерација на синдикати моментално изнесува 12,82 евра, а друга опција е воведување на безусловен основен приход, каде што сите граѓани би добивале одреден неопорезуван износ без оглед на нивната професионална активност, со цел да се заштитат самовработените, да се поддржи изборот на кариера и да се намали товарот врз нископлатените работници, иако оваа идеја сè уште се соочува со предизвици во нејзиното спроведување во Германија.

Можеби ќе ве интересира: Бројот на банкроти на компании во Германија на највисоко ниво од 2005 година

Што можете да направите во врска со ниските плати?

Не постои универзална изјава за тоа колку пари му се потребни на човек за живот. Секој мора сам да ја донесе таа одлука според својот индивидуален начин на живот. Важно е приходот да биде доволен за покривање на основните потреби како што се сместување, соодветна исхрана и социјални интеракции, пишува Феникс магазин.

Тагови: Германија плата работа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер