Оваа храна ја спречува дијареата моментално, а многумина ја заобиколуваат! - Канал 5

Здравје

Оваа храна ја спречува дијареата моментално, а многумина ја заобиколуваат!

А еве и кои намирници треба да ги избегнувате зашто предизвикуваат стомачни тегоби

Оваа храна ја спречува дијареата моментално, а многумина ја заобиколуваат!

Освен што треба да внимавате што јадете, важно е да пиете и доволно течност.

Вообичаените симптоми на дијареа вклучуваат честа водена столица, стомачни грчеви и надуеност. Дијареата често е начин на кој телото се справува со нарушувања во гастроинтестиналниот систем. Доколку моментално се борите со дијареа, постои начин да ја запрете оваа тешка состојба на природен начин, без употреба на лекови.

Хидратација

Хидратацијата е многу важна кога имате дијареа. Дехидрацијата од дијареа може да биде фатална, особено кај малите деца и старите лица. Некои истражувања покажале дека кај возрасните со поблаги симптоми на дијареа, спортските пијалоци и растворите за рехидратација, кои може да се набават од аптека без рецепт, се подеднакво ефикасни.

Алкохолот, млекото, газираните сокови и пијалаци кои содржат кофеин, не би требало да се користат за хидратација, бидејќи може да ги влошат симптомите.

Пробиотици

Пробиотиците се извори на добри бактерии кои работат во цревниот тракт за да создадат здрава средина во цревата. Тие во суштина се живи микроорганизми кои постојат во одредени видови храна како што се меките сирења, свежите сирења, темното чоколадо, зелените маслинки и јогуртот.

Добрите бактерии, кои живеат во цревниот тракт, се неопходни за нормално функционирање на гастроинтестиналниот систем. Тие играат важна улога во заштитата на цревата од инфекции.

Кога системот ќе се промени поради користење антибиотици или ќе се преплави со нездрави бактерии или вируси, може да добиете дијареа. Пробиотиците можат да помогнат при дијареа така што ја враќаат рамнотежата на бактериите во цревата.

Ѓумбир

Постои една намирница која со години е погодна за секакви стомачни проблеми - ѓумбирот! Може да се користи свеж, во форма на суплементи или како чај, ѓумбирот ги ублажува мачнините од хемотерапија, мачнините во бременоста, а ефикасно делува и против болки во мускулите добиени при вежбање.

Храна

Иако можеби ќе ви звучи контраинтуитивно, порталот Healthline наведува дека одредена храна може да помогне во ублажувањето на симтопмите на дијареа.

Диета BRAT

Придржувањето до храна со ниска содржина на растителни влакна, познато како BRAT диета, може да ви помогне да ја зацврстите столицата. Ова вклучува:

Банани

ориз (бел)

сос од јаболка

тост

Всушност, името на диетата потекнува од англискиот јазик. Банани (Б), „rice“ (ориз на англиски), „applesauce“ (сос од јаболка) и тост како последна ставка од диетата.

Други намирници кои се препорачуваат кога имате дијареа:

овесна каша

варени или печени компири (со излупена кора)

печено пилешко без кожа

пилешка супа

Храна која треба да се избегнува

Постојат намирници кои не се препорачуваат и кои луѓето не ги поднесуваат добро кога имаат дијареа. Тие вклучуваат пржена и мрсна храна, а исто така треба да ја ограничите храната богата со растителни влакна, како што се целозрнестите житарки, овошјето и зеленчукот кои можат да ја зголемат надуеноста.

Храната што треба да се избегнува:

алкохол

вештачки засладувачи (се наоѓаат во гуми за џвакање, диетални безалкохолни пијалоци)

грав

бобинки

брокула

зелка

карфиол

наут

кафе

пченка

сладолед

зелен лиснат зеленчук

млеко

грашок

пиперки

суви сливи

Кога да одите на лекар

Во повеќето случаи, симптомите на дијареа ќе престанат во рок од 5-7 дена. Сепак, луѓето треба да се јават на лекар ако дијареата опстојува неколку дена или ако домашното лекување нема ефект.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Далиќ емотивен по елиминацијата: „Малите направија чудо двапати, сега не смеат“

Хрватската фудбалска репрезентација го заврши учеството на Светското првенство со пораз од Португалија (1:2) во осминафиналето, а селекторот Златко Далиќ не го криеше своето разочарување по елиминацијата.

Далиќ емотивен по елиминацијата: „Малите направија чудо двапати, сега не смеат“

На прес-конференцијата, тој беше видливо емотивен, истакнувајќи дека неговиот тим не заслужува таков епилог и дека одлуките на судијата оставиле горчлив впечаток.

„Прво, им честитам на Португалија и им посакувам многу среќа во остатокот од натпреварувањето. Планот за првото полувреме беше да ја зачуваме мрежата, но не сакавме да се браниме толку ниско. Успеавме да издржиме без да примиме гол. Во продолжението целосно ја презедовме контролата, создадовме многу шанси и мислам дека не го заслуживме овој резултат. Можам само да им честитам на моите играчи. На претходните две големи натпреварувања имавме малку среќа во одредени моменти“, рече Далиќ.

Тој беше особено незадоволен од судењето и од критериумите на судијата за време на натпреварот.

„Судењето беше многу лошо. Не ги добивме прекршоците или прекините што ги заслуживме. Сепак, Хрватска загуби и немаме право премногу да коментираме. Жал ми е“, изјави селекторот.

Најголемо внимание привлече неговата изјава за иднината на хрватската клупа, која за многумина звучеше како најава за негово заминување.

„Она што го постигнавме во изминатите години е неверојатно. Остваривме резултати што долго ќе се паметат и доживеавме многу убави моменти. Мислам дека дојде крајот на една ера. Време е за нови почетоци. Малите двапати направија чудо, но сега не смеат“, рече емотивниот Далиќ, без да потврди дали навистина ќе ја напушти селекторската функција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претворање на одржливоста во конкурентност: Градење отпорни бизниси во неизвесен свет“

Премиерот Мицкоски утринава се обрати на настанот„Претворање на одржливоста во конкурентност: Градење отпорни бизниси во неизвесен свет“, во организација на канцеларијата на ОН.

Претворање на одржливоста во конкурентност: Градење отпорни бизниси во неизвесен свет“

Премиерот Мицкоски утринава се обрати на настанот„Претворање на одржливоста во конкурентност: Градење отпорни бизниси во неизвесен свет“, во организација на канцеларијата на ОН во соработка со Стопанската комора и министерството за надворешни работи и надворешна трговија.

YouTube video

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Нова пјацета на улица „Коле Неделковски“, Дебар Маало добива три урбани катчиња за дружење и одмор

Општина Центар започна градежни активности за уредување нова мини пјацета на улица „Коле Неделковски“ во Дебар Маало, како дел од проектот за создавање јавни простори за одмор, дружење и рекреација на жителите.

Герасимовски: Нова пјацета на улица „Коле Неделковски“, Дебар Маало добива три урбани катчиња за дружење и одмор

Градоначалникот Горан Герасимовски информира дека во населбата се предвидени три слични мали плоштади, а веќе се гради на две локации.

Покрај улица „Коле Неделковски“, се уредува мини пјацета на улица „8 Март“, а се планира слично катче и на улица „Коста Веселинов“.

„Со уредувањето на овие јавни простори го враќаме препознатливиот дух на Дебар Маало. Создаваме современи и функционални места каде што соседите ќе можат да се среќаваат, да одморат и да поминуваат квалитетно време. Вложуваме во повеќе зеленило, урбана опрема и подобри услови за живот во секое маало“, вели Герасимовски.

Мини пјацетата на улица „Коле Неделковски“ , на површина од околку 100 квадратни метри, ќе биде поплочена со гранитни плочи во различни тонови со што ќе се добие визулена динамика на просторот, а ќе биде поставена и нова урбана опрема , клупа со метално-дрвена конструкција, корпи за отпадоци и држачи за велосипеди.

Проектот предвидува и хортикултурно уредување со ново зеленило, како и поставување современо осветлување што ќе придонесе за поголема безбедност и пријатен амбиент во вечерните часови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер