Грејс Колинс открива како кон крајот на својата 5-та деценија одлучила по трет пат да стане мајка.

Во медицинските кругови со децении се води полемика за тоа колку е ризична бременоста во подоцнежните години од животот и дека жената би требало да се оствари во улогата на мајка пред 35-тата година. Грејс Колинс од Јужен Тексас со споделување на својата приказна ги разбива сите предрасуди во врска со бременоста во 5-тата деценија.

Во своето ексклузивно интервју за магазинот „People“, Грејс открива како во својата трета бременост влегла внимателно и се погрижила да биде доволно здрава пред да се подложи на третмани за вонтелесно оплодување. Оваа мајка на три деца, која е 15 години постара од својот сопруг, со кого е во брак 11 години, открива дека не се двоумела да забремени иако била на возраст кога зачнувањето и раѓањето на дете се исклучително тешки.

- Ги направив сите потребни прегледи - мамографија, колоноскопија, пап тест, ехокардиограм, анализа на крвта и сè останато што беше потребно за да се уверам дека сум целосно здрава и подготвена за уште едно бебе. Исто така, внимавав на тежината и бев физички активна. Секоја моја бременост имаше свои предизвици, но со секоја наредна ми беше полесно – ја започнува својата исповед оваа мајка.

Таа признава дека децата ја одржуваат млада и дека нејзиното тело сфатило како да се справи мајчинството.

- На 44 години, кога бев бремена, се чувствував поуморно отколку кога имав 50 години - открива таа во објавите на Тикток.

Доцната бременост со себе носи одредени ризици

Колинс на Тикток споделила детали од нејзината бременост, објаснувајќи им на жените со што се соочила за време на нејзината доцна бременост. Таа не крие дека многумина ја напаѓале, а некои жени ѝ признале дека се плашат да не завршат како неа.

-Сакам да нагласам дека ова не е спонтано зачнување. Долго време се обидувам да забременам, но на моја возраст е многу тешко да забременам по природен пат. Сите мои бремености беа резултат на ин витро оплодување и сите беа однапред испланирани – рекла таа, а пренесува „People“.

Со оглед на тоа што го запознала сопругот кога имала 40 години, јасно било дека доцна ќе го започне мајчинството и дека најверојатно ќе има проблем со неплодноста. Како што изјавила, поради возраста отишла на ин витро оплодување.

Првото дете го добила на 44 години, а второто две години подоцна. Тоа не ја спречило да забремени по трет пат како што планирала, на 50-годишна возраст.

Таа чувствувала потреба да го сподели своето искуство

Колинс на жените им порачува дека е свесна оти не е вообичаено да се раѓаат деца во подоцнежна возраст, но дека нејзиниот пример е надеж за многу жени кои сакаат да се остварат како мајки во подоцнежни години. Споделувајќи детали од својата бременост на социјалните мрежи, таа ги навела и позитивните аспекти од доцното раѓање деца.

- Би било одлично ако можете да замрзнете јајце-клетки пред 35-тата година. Тоа многу ги олеснува работите. Покрај тоа, мора да најдете проверена клиника за плодност каде ќе се чувствувате опуштено - им советува Колинс на сите жени кои планираат бременост во подоцнежни години.

Покрај сите овие работи, таа објаснила колку е важно да се грижите за себе, пред се физички.

@southtexasmom Turned 51 yesterday and currently 29 weeks pregnant. #advancedmaternalage #geriatricpregnancy #oldermom #over35andpregnant #over40andpregnant #over45andpregnant #over50andpregnant #over50andfabulous #pregnant #pregnantlife #pregnanttiktok #pregnacy #oldermomsoftiktok #fyp ♬ original sound - Southtexasmom

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.