Ова го нема ни во филмовите: Полициска бркотница каква што досега не сте виделе - Канал 5

Живот

Ова го нема ни во филмовите: Полициска бркотница каква што досега не сте виделе

Од хеликоптер е снимена неверојатна бркотница во стил на „Брзи и бесни“ .

Ова го нема ни во филмовите: Полициска бркотница каква што досега не сте виделе

Полициски бркотници навикнати сме да гледаме само во добро режирани филмски сцени, во контролирани услови и со вешти каскадери зад воланот.

Сепак, ова видео од потера објавено на социјалните мрежи не е од филм, туку од реалниот живот и навистина е среќа што никој не е повреден.

Покрај осудувачките коментари, имаше и хумористични, па беше даден предлог возачот да не се апси, туку да се вработи во брзата помош поради неговите „вештини“ зад воланот.

Иако на видеото се изгледа забавно, како во видео игра, треба да се нагласи дека возењето на бегалецот, како и целата полициска потера на несовесниот возач, било опасно и во извесна смисла бесмислено, со оглед на тоа дека безбедноста на другите учесниците во сообраќајот била изложена на ризик.

Затоа што сè лесно можеше да заврши како несреќа со трагични последици.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Девојчето во Куманово брутално го претепале две малолетнички и една полнолетна девојка

Основното јавно обвинителство и СВР Куманово преземаат мерки за расчистување на случајот со врсничко насилство, откако вчера на социјалните мрежи беше објавена видеоснимка на која се гледа физички напад врз девојче.

Девојчето во Куманово брутално го претепале две малолетнички и една полнолетна девојка

Според првичните информации, настанот се случил пред околу четири месеци, но досега не бил пријавен во надлежните институции.

Шефицата на Основното јавно обвинителство куманово, Теута Бедиу – Рамадани, изјави дека веднаш по објавувањето на снимката е отворен предмет и се постапува по итна постапка. Според неа, едната инволвирана е полнолетна, додека другите две се малолетнички.

Од свр куманово потврдија дека интензивно работат на случајот и најавија дека по завршување на проверките ќе соопштат повеќе детали.

Тагови: Обвинителството

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Емиратите го обвинија Иран за напад врз два танкера во Ормутскиот теснец при што загина едно лице

Емиратите вчера го обвинија Иран за напад врз два танкера во Ормутскиот теснец  при што загина едно лице, а осум беа ранети.

Емиратите го обвинија Иран за напад врз два танкера во Ормутскиот теснец при што загина едно лице

Трамп најави дека САД ќе воведат царина од 20% како дел од новата блокада на водниот пат.

Американскиот претседател рече дека тие го напаѓаат Иран „многу силно“. Нападите беа извршени трета ноќ по ред, во услови на ескалација на нападите меѓу двете земји. Иранскиот министер за надворешни работи одговори на најавата за блокада велејќи дека Техеран ќе остане „чувар“ на протокот .

Спорот околу контролата врз Ормутскиот теснец се заканува да ги попречи напорите за завршување на војната иако Трамп инсистираше дека договор е сè уште можен.

Со зголемувањето на тензиите околу меѓународниот воден пат, Обединетите Арапски Емирати синоќа соопштија дека иранските крстосувачки ракети погодиле два национални танкери, при што загинал еден индиски член на екипажот и ранети се осум други, од кои четворица се во сериозна состојба.

Денеска цените на нафтата се зголемија на азиската берза цената на суровата нафта „Брент“ порасна за 0,7% на 83,87 долари за барел, додека цената на нафтата што се тргува на американскиот пазар беше за 0,9% повисока на 79,04 долари.

Тагови: Иран Ормутскиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Распишана потерница за Александар Лазаров – Цуната што им избега на полицајците низ прозорец

Министерството за внатрешни работи распиша меѓународна потерница по 41-годишниот Александар Лазаров викан „Цуната“, кој што во петокот избега од полициската станица во Кочани, каде што бил на распит откако бил фатен со дрога..

Распишана потерница за Александар Лазаров – Цуната што им избега на полицајците низ прозорец

Според информациите, тој го отворил прозорецот и се дал во бегство и уште не е пронајден.

Директорот на БЈБ, Александар Јанев, објави дека бил во полициската станица во Кочани за лично да се информира за сите детали и околности поврзани со настанот, кој, како што вели, сериозно ја наруши довербата во полициската служба.

-Бегството од полициската станица на лице познато на полициските служби е сериозен инцидент кој бара целосно расчистување на сите околности и преземање на соодветни мерки. Сакам јасно да порачам: ова е недозволиво. Доколку се утврди намерно постапување, помагање, прикривање или несовесно извршување на службените задачи, ќе има одговорност. – објави Јанев..

Опозиската СДСМ преку соопштени ја обвини власта дека намерно го пуштала Лазаров и побараа оставка од министерот Панче Тошковски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер