Автомобилизам

Ова е последниот примерок на еден од најубавите спортски автомобили (ФОТО)

Половина век по смртта на легендата, уште еден иден класик е пензиониран.

Автомобилите од оваа марка можат многу да се пофалат, но не и по спортските гени и дизајн. Погодувате, зборуваме за Jaguar, чиј најпопуларен модел беше пензиониран пред точно половина век. Тоа беше E-Type, а сега истата судбина го чека и F-Type.

F-Type нема да добие наследник, а моторот 5.0 V8 ќе влезе во историјата со него. И не е важно дали зборуваме за основната верзија или верзијата SVR која произведува 575 КС. Единствено важно е што ова е последниот Jaguar V8 во историјата. Сè после него ќе биде електрифицирано или целосно електрично.

Конкретната прославена копија нема да се продава, туку на Jaguar Daimler Heritage Trust, која зачувува стотици специјални Јагуари. На купувачите им е понудена верзијата 75 Special Edition, а токму оваа верзија ќе ја затвори продажбата до крајот на годината, која веќе ја надмина десетгодишната продажба на моделот E-Type со 87.731 продадени примероци.

Кошарка

Димитријевиќ по две години го напушти УНИКС

Македонскиот кошаркар Ненад Димитријевиќ по две години го напушти УНИКС, соопштија од рускиот клуб.

Во претходните две сезони Димитријевиќ беше најдобар играч на клубот и во ВТБ лигата. Тој одигра вкупно 50 натпревари во ВТБ лигата со просек од 18,6 поени, 3,6 скока и 1,2 украдени топки на 30 минути игра.

Италијанските медиуми објавија дека Димитријевиќ веќе има договор со челниците на Олимпија и дека до крајот на неделата ќе стане член на клубот од Милано. /МИА

Свет

Во Пакистан експлодира бомба крај пат, при што загинаа пет војници, а двајца се повредени

Најмалку пет војници загинаа, а двајца други се повредени денеска при експлозија на бомба покрај пат во близина на безбедносен конвој во северозападен Пакистан, соопштија официјални претставници.

Нападот се случил во областа Курам, поранешно упориште на милитантите во провинцијата Хајбер Пахтунхва, која граничи со Авганистан.

Во соопштението на армијата се наведува дека во тек е потрага по сторителите на нападот со цел да се елиминираат терористите присутни во тоа подрачје и дека „сторителите на овој грозоморен чин ќе бидат изведени пред лицето на правдата“./МИА

Свет

Бајден ја поддржа одлуката за забрана на огнено оружје во случаи на семејно насилство

Американскиот претседател Џо Бајден ја поздрави одлуката на американскиот Врховен суд со која се поддржува забраната за поседување оружје на лица на кои им е наложена забрана за семејно насилство.

Во исто време, Бајден рече дека ќе продолжи да врши притисок врз Конгресот да ја зајакне заштитата на жртвите на семејно насилство.

„Никој што бил малтретиран не треба да се грижи дали неговиот насилник ќе добие пиштол. Како резултат на денешната одлука, преживеаните на семејно насилство и нивните семејства ќе можат да продолжат да се потпираат на заштита, исто како што тоа го правеа во изминатите три децении“, додаде Бајден. /МИА