Технологија

Ова е најголемиот хоризонтален облакодер во светот

Кина го изгради најголемиот хоризонтален облакодер во светот. Кина долго време ги поместува границите на модерната архитектура со изградбата на неверојатен „хоризонтален облакодер“ наречен Кристал, кој се наоѓа на 250 метри над земјата.

Оваа футуристичка структура е долга 300 метри и се смета за најголем и највисок небесен мост во светот. Сместен во огромниот кинески град Чонгкинг, на вливот на реките Јангце и Џиалинг, Кристалот е еден од најсмелите градежни проекти на нашето време. Самата локација, во една од најнаселените урбани области, дополнително ја нагласува големината и сложеноста на проектот.

Иако концептот на хоризонтални облакодери не е сосема нов, Кристалот ја подигна летвата многу повисоко од познатите згради како што се Марина Беј Сендс во Сингапур или комплексот Линк Хибрид во Пекинг.

Она што го издвојува е фактот дека поврзува четири огромни кули и се наоѓа на поголема висина од кој било сличен проект.

Зад проектот стои азискиот гигант за недвижности КапитаЛенд, а вредноста на изградбата се проценува на околу 1,1 милијарда долари. За надворешноста на структурата беа употребени околу 3.000 стаклени панели и приближно 5.000 алуминиумски елементи, чие склопување претставуваше вистински инженерски предизвик.

Огромната хоризонтална конструкција е составена од седум масивни делови. Поединечните сегменти прво се направени на земја, а потоа се подигнати до висина од 250 метри со помош на специјална хидраулика, каде што се прецизно споени. Другите делови се монтирани директно на кулите што ја држат целата структура. Самата челична конструкција тежи околу 12.000 тони, речиси колку Ајфеловата кула, што најдобро покажува колку проектот бил тежок за архитектите и инженерите. Кристал не е замислен само како мост помеѓу облакодерите, туку и како луксузен простор за живеење и забава.

Во комплексот има ресторани, барови, кровни градини, простори за настани, приватен клуб, па дури и два импресивни базени од 50 метри.

Посебно внимание привлекува големата стаклена опсерваторија со површина од 1.500 квадратни метри, која нуди спектакуларен поглед на панорамата на Чонгкинг. Многу експерти веруваат дека Кристал ја претставува иднината на урбаниот развој и доказ дека облакодерите повеќе не треба да растат само во висина, туку и хоризонтално, создавајќи сосема нов начин на поврзување на големите урбани области.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Тешка несреќа на обиколницата кај Загреб, автомобил целосно смачкан (ФОТО)

Денес се случи сообраќајна несреќа на автопатот А3, меѓу клучката кај мостот на Сава и клучката „Загреб-исток“, во правец кон Липовац.

Поради сударот, сообраќајот беше целосно запрен накратко, што предизвика колона долга околу два километра. Возилата моментално се движат низ овој дел од автопатот со ограничена брзина од 60 км/ч.

Загрепската полиција за „Индекс“ потврди дека во несреќата учествувале два камиона и три патнички возила. Екипите на итната помош се на терен, но засега нема информации за загинати или повредени лица.

Еден автомобил целосно смачкан

Црвен шлепер директно удрил во задниот дел на бел автомобил; силината на ударот целосно го смачкала автомобилот и го заглавила под камионот, додека жолт камион со кран е позициониран веднаш до нив. Во далечината се гледаат запрени возила на итните служби, како и колона од автомобили наредени по лентата за застанување во итни случаи и по сообраќајните ленти.

Извор: Индекс.хр

Тагови: Загреб несреќа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Светскиот шампион Шпанија донесе одлука за селекторот Де ла Фуенте

Селекторот на светскиот шампион Шпанија, Луис де ла Фуенте постигна огромен успех со најдобрата селекција и сега треба да биде награден за тоа.

Де ла Фуенте е многу блиску до нов договор со Шпанската фудбалска федерација, според кој би требало да остане на чело на репрезентацијата до 2030 година, пренесува „Атлетик“.

Преговорите траат веќе два месеца, а извори запознаени со ситуацијата тврдат дека двете страни сега влегле во завршната фаза.

Де ла Фуенте ја презеде репрезентацијата во декември 2022 година и многу брзо почна да ниже успеси. Првиот голем успех дојде уште во 2023 година, кога Шпанија ја освои Лигата на нации.

Една година подоцна следеше Европското првенство во Германија. „Фуријата“ ја совлада Англија со 2:1 во финалето и се искачи на европскиот трон, а ова лето, освојувањето на Светското првенство дојде како шлаг на тортата.

Продолжувањето на соработката до 2030 година би имало и посебна симболика. Токму тогаш Шпанија ќе биде еден од домаќините на Светското првенство, заедно со Португалија и Мароко.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: СДС мора да научи дека тендер, набавка или прослава за ден на независност може да биде на легален и чесен начин организирано

СДС мора да научи дека тендер, набавка или прослава за ден на независност може да биде на легален и чесен начин организирано, а не на криминален и коруптивен начин како што тие знаеја и умееја да направат .

СДС по се изгледа не ја научи лекцијата, а таа народот многу добро им ја предаде. Лекцијата е многу јасна, а таа е дека времето на криминалот и корупцијата е завршен.

Нам ни е јасно дека во СДС работи Фројд, бидејќи во нивно време секој тендер, набавка или било каков друг вид на договор беше проследен со низа на сомнежи, коруптивни методи и провизии.

Во нивното владеење парите од Лотарија наместо за прослави за независноста, наместо да одат кај македонските артисти, уметници и пејачи, одеа во џебовите на Артан Груби и Перпарим Бајрами.

Тоа е разликата меѓу ВМРО-ДПМНЕ и СДС. Ние инвестираме, работиме и вложуваме за граѓаните, а СДС и ДУИ, парите на граѓаните и институциите одеа во џебовите на Заеви, Филипче, Груби и останатите пајташи.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.