ОУ „Крум Тошев“ во Трубарево ќе добие нови училници, санитарен јазол.... - Канал 5

Македонија

ОУ „Крум Тошев“ во Трубарево ќе добие нови училници, санитарен јазол....

ОУ „Крум Тошев“ во Трубарево ќе добие нови училници, санитарен јазол, просторија за технички персонал, проширена кујна, наставнички кабинет и библиотека.

ОУ „Крум Тошев“ во Трубарево ќе добие нови училници, санитарен јазол....

Доградба на три нови училници во Основното училиште „Крум Тошев“ во село Трубарево, санитарен јазол, просторија за технички персонал, како и проширување на кујната, наставничкиот кабинет, библиотеката и останати други пропратни простории, е предвидено со проектот, што се реализира со поддршка на вториот јавен повик на Владата за финансирање инфраструктурни проекти и ова е уште еден пример како со партнерство меѓу локалната и централната власт се реализираат конкретни проекти.

Ова денеска го изјави градоначалникот на Општина Гази Баба, Бобан Стефковски, кој заедно со министерката за образование и наука Весна Јаневска, извршија увид во градежните активностите.

- Вршиме увид во доградбата на ОУ „Крум Тошев“, проект кој силно ја отсликува нашата заложба образованието да биде темел на развојот на општината, но и на државата. Вкупната инвестиција на овој проект е 22 милиони и 850 илјади денари и се надевам дека ова е уште еден доказ дека силно инвестираме во образованието. Освен овој проект на територија на општина Гази Баба се реализираат и други проекти за развој на образовната инфраструктура. Интензивно се работи на доизградбата на новата училишна зграда на ОУ „Крсте Мисирков“ во Ченто, и дополнително се градат две нови спортски сали во ОУ „Глигор Прличев“ во Железара и во ОУ „Наум Охридски“ во Црешево. Со јасен план и визија продолжуваме да ја развиваме нашата Гази Баба, рече Стефковски.

Министерката Јаневска рече дека во изминатиот период посетила повеќе општини за да направи увид во градежните работи за подобрување на инфраструктурата на образованието во земјата. Посочи дека градежните работи во ОУ „Крум Тошев“ во село Трубарево одлично напредуваат и се убедени дека на 1 септември учениците ќе почнат да учат во новите простории, што е погодно за нив и за наставниците и родителите.

- Ова е еден од 80-тина инструктурни објекти, 50-тина од вториот повик на Владата и 30-тина на МОН, што значи интензивно ја подобруваме инфраструктурата насекаде низ целата држава. Во мај почнуваат уписите на првачињата, па да ги потсетиме родителите дека за тоа е неопходно да се обезбедат офталмолошки и стоматолошки преглед и вакцинален картон и заедно со тие документи да пристапат кон упис на учениците и уште еден повик до родителите и до градоначалниците и училиштата, да се држат до реонизацијата за да не добиеме училишта кои ќе бидат пренатрупани со ученици и некои кои ќе бидат полупразни. Тоа е во корист првенствено на децата, кои се нашата основна грижа и приоритет, рече Јаневска.

Додаде дека годинава се очекува да се запишат околу 18.000 првачиња.

Директорката на ОУ „Крум Тошев“ во село Трубарево, Александра Димитриевска рече дека училиштето во моментот има 300 ученици, а со доградбата ќе се овозможат услови за сите ученици. Посочи дека секоја година имаат и зголемување на бројот на ученици со зголемен број доселени луѓе, со новите домови кои се градат во тоа населено место..

Одговарајќи на новинарско прашање градоначалникот Стефковски рече дека проектот се реализира со вториот повик на Владата со средства од унгарскиот кредит.

- Како локална самоуправа во двата повика имаме добиено близу 12 милиони евра. Динамиката на исплата е согласно реализација во времена ситуација. Како што изведувачите реализираат одредена фаза така се врши исплата преку надлежното Министерство, а потоа и преку општината на наменски сметки, додаде Стефковски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Расте бројот на загинати во тешката автобуска несреќа во Египет (ВИДЕО)

Најмалку 21 лице загина во автобуска несреќа на брегот на Црвеното Море во Египет.

Расте бројот на загинати во тешката автобуска несреќа во Египет (ВИДЕО)

Десетици лица се повредени кога автобусот се превртел помеѓу крајбрежните градови Дахаб и Нувеиба утрово, соопшти египетското Министерство за здравство.

Официјални извори изјавија дека меѓу загинатите има 10 Јорданци. Националноста на другите сè уште не е позната.

Д-р Хосам Абдел Гафар, портпарол на Министерството за здравство, изјави дека 20 амбулантни возила се испратени на местото на несреќата во популарна област за нуркање.

Локалните медиуми објавија дека автобусот припаѓал на египетска компанија специјализирана за превоз на патници помеѓу Каиро и јорданскиот главен град, Аман.

Автобусот превезувал 43 лица

„Десет Јорданци загинаа откако патнички автобус се превртел на патот Дахаб-Нувеиба во египетската покраина Јужен Синај“, објави официјалниот јордански канал Ал-Мамлака.

Автобусот превезувал 43 лица, вклучувајќи 22 Јорданци.

Јужниот Синајски Полуостров е популарна туристичка дестинација позната по нуркањето во Црвеното Море и одморалиштата, вклучувајќи го и Шарм ел-Шеик.

Сообраќајните несреќи се чести во Египет, а честопати се обвинуваат за несовесно возење, лошо одржување на возилата и лабаво спроведување на сообраќајните закони. Минатиот месец, 15 лица загинаа, а 32 беа повредени во сообраќајна несреќа во египетската покраина Исмаилија.

Според Националната агенција за статистика на Египет, речиси 6.000 луѓе загинаа во сообраќајни несреќи низ целата земја минатата година, што е зголемување од 10,8 проценти во однос на претходната година.

Во декември, египетската влада ги заостри казните за сообраќајни прекршоци како одговор на зголемениот број на жртви, вклучително и повисоки казни за брзо возење и возење без дозвола.

Британски „Телеграф“ контактираше со Министерството за надворешни работи за коментар.

Тагови: автобуска несреќа Египет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Андоновски: Се бара соодветна локација за приватен дата центар во индустриски капацитет, надвор од населено место

Во напредна фаза се преговорите за склучување меморандум за соработка со приватна компанија за отворање на дата центар во Македонија, информираше мининситерот за дигитална трансформација Стефан Андоновски за време на гостувањето во „Вести Плус“.

Андоновски: Се бара соодветна локација за приватен дата центар во индустриски капацитет, надвор од населено место

Посочи дека се уште се бара соодветна локација на отворање на таков дата центар, кој како што потенцираше, нема да ги загрози на ниту еден начин природните ресурси.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Германија прв пат тестираше балистичка ракета (ВИДЕО)

Германскиот Бундесвер успешно ја тестираше израелската балистичка ракета LORA во вторник вечерта, објави германското Министерство за одбрана.

Германија прв пат тестираше балистичка ракета (ВИДЕО)

Ракетата е произведена од израелската компанија Israel Aerospace Industries (IAI), а нејзиниот дострел е до околу 430 километри. Тестот беше спроведен во Северниот Атлантски Океан.

Доколку Берлин одлучи да го набави системот, LORA ќе стане првата балистичка ракета во арсеналот на германските вооружени сили, објавува Дојче Веле.

Инспекторот на германската морнарица, вицеадмиралот Јан Кристијан Как, го оцени тестот како успешен и рече дека, од перспектива на заштитата на Германија и нејзините сојузници, тој претставува „ново поглавје во областа на одвраќањето и борбената готовност“.

Тестот се одржа само неколку часа откако германскиот министер за внатрешни работи Александар Добринт ја обвини Русија за обид за саботажа на дрон во близина на аеродромот Лајпциг/Хале, додека министерот за надворешни работи Јохан Вадефул најави мерки против Москва.

Бундесверот веќе ги има германско-шведските крстосувачки ракети Taurus, кои имаат дострел од над 500 километри. За разлика од балистичките ракети, Taurus се лансираат од борбени авиони. Главната разлика е во тоа што балистичките ракети достигнуваат значително поголеми брзини и следат висока балистичка траекторија за дел од нивниот лет, додека крстосувачките ракети генерално летаат повеќе како авиони, на пониски височини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер