Отворено писмо од Солза Грчева до Африм Гаши, лидер на Алтернатива - Канал 5

Македонија

Отворено писмо од Солза Грчева до Африм Гаши, лидер на Алтернатива

Во продолжение го пренесуваме интегралниот текст од отвораното писмо до Африм Гаши.

Отворено писмо од Солза Грчева до Африм Гаши, лидер на Алтернатива

Господине Гаши,

Право на избор е на секоја партија да го одбере својот пат. Вие, пред само две недели одбравте да се борите против оваа, по секоја основа лоша и неуспешна влада. Посебно, според Вас, против погубните политики на Вашиот соперник во албанскиот блок, ДУИ. Често пати нагласувавте и дека ќе се борите за сите граѓани, а посебно за правата на Албанците.

Кога станува збор за Албанците, да Ве потсетам дека 60 ваши и наши сограѓани загинаа во стравична смрт, токму од негрижата, но и поради матните зделки на оваа власт. Никој не одговараше. Како се чувствуваат Вашите сограѓани Албанци после двете трагедии, каде единствено овде и оваа власт за несреќите најде виновник кабел, а најново дека виновни биле самите патници кои требале лично да ги проверуваат лиценците на возачот и Автобусот? Дали ова не Ви предизвикува гадење? Така се оди кон ЕУ?

Велите дека сте одговорни како партија и морате да придонесете таа да се движи на патот кон ЕУ. Целосна бесмисленост. Зарем оваа Влада со целата корупција, поништување на институциите, подгазеното судство, Ви дава некаква надеж, освен декларативна, која е како научена песничка во која веќе никој не верува? Датум добивме 6 пати, за да завршиме со делумно “Отворен Балкан“. Се резултат на неспособната и манипулативна Влада.

Ако должината на пат кон ЕУ, ja мерите во бројот на министри, директори и административци кои ги барате како услов, тоа е крајно не европско однесување од Ваша страна. ЕУ сто пати предупреди дека нема чекор напред со партизирани, заробени институции. Не барајте и не испитувајте која партија што зборува, туку што прави. Вашето однесување како партија, која се ценка за позиции, не враќа само назад. Исто како и партиите на власт на кои им е “ нормално“ да раздаваат се што им припаѓа на сите, а не на партиите. Тоа за Вас е ЕУ? Многу се лажете, но ја лажете и јавноста.

Немојте да се криете зад општи флоскули, дека ви било до вредностите на Европа, кога самите ги газите на старт. Покажавте за жал, дека Вам ви е само до власт.

И последна порака. Ако некој не придвижи кон ЕУ (која ја употребувате само како провиден изговор), тоа секако ќе биде опозицијата. Таа не повторува песнички, туку работи.

Најмудро ќе беше да бидете трпелив и на предвремени избори да ја добиевте довербата од граѓаните. Се друго е одржување на арати. Оваа Влада која не носи во провалија, а никако кон ЕУ, ќе падне побргу отколку што очекувате.

Денес Ви е краен момент да ја прекинете самоубиствената игра со ѓаволот и да се вратите на вистинските европски патеки од кои се тргнавте. Немојте да мислите дека јавноста нема да го казни ваквото Ваше однесување. Ако не денес, веќе за неколку месеци.Затоа, краен момент е да донесете исправна одлука!

Проф.др. Солза Грчева,

претседател на пп Глас за Македонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Стартува мундијалското четвртфинале, Франција - Мароко за првиот полуфиналист

Фудбалските селекции на Франција и Мароко вечерва од 22 часот го играат првиот натпревар од четвртфиналето на 23 Светски шампионат.

Стартува мундијалското четвртфинале, Франција - Мароко за првиот полуфиналист

Франција и Мароко ќе се борат за пласман во полуфиналето во Фоксборо, на стадионот „Џилет“, кој е домашен терен на легендарниот НФЛ-тим „Њу Ингланд Петриотс“.

Улогата на фаворит во дуелот меѓу втората и четвртопласинарана репрезентација од последниот Мундијал, ја има србрената Франција,предводена од големите светски фудбалски ѕвезди, Мбапе, Олисе, Дембеле...секако свои адути има и тимот на Мароко, како Хакими..., Но многупати досега фудбалот покажал дека на вакви средби не секогаш победувале посилните репрезентации, поради тоа вечерва се очекува дуел со многу возбудувања но и тактички надмудрувања.

Селекторот на Триколорите Дешан нагласи дека вечерва очекува исклучително тежок натпревар против Мароко.

„Мароко нема профил на екипа како Парагвај. Ќе мораме да бидеме многу ефикасни, бидејќи станува збор за врвна репрезентација. Како што се искачувате кон врвот на планината, така и нивото на противникот е сè повисоко. Менталитетот сам по себе не носи победи, но може да биде причина за пораз“, заклучи селекторот на Франција.

Инаку, според француските медиуми вечерва ќе биде жестоко низ земјата без разлика кој и да победи.

Кој и да победи на четврфиналето Париз, ќе „изгори“ пренесуваат поголем дел од медиумите. Полицијата Во Париз веќе прогласи вонредни мерки. Париската полиција подготвува посебни мерки пред натпреварот меѓу Франција и Мароко во САД.

Франција го елиминираше Парагвај во осминафиналето со голот на Килијан Мбапе, додека Мароко убедливо ја совлада Канада со 3:0.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска Давкова од Анкара: Се чудам како во НАТО има разбирање, а ЕУ 20 години нè држи во лавиринтот

Понекогаш се чудам како може исти државници, исти претседатели, исти премиери, на еден начин да се однесуваат во рамките на НАТО, да манифестираат разбирање, а кога се работи за Европската унија, 20 години да нè држат во лавиринтот.

Сиљановска Давкова од Анкара: Се чудам како во НАТО има разбирање, а ЕУ 20 години нè држи во лавиринтот

Порача претседателката Гордана Сиљановска-Давкова, по учеството на состанокот на Северноатлантскиот совет на ниво на шефови на држави и влади, во рамки на самитот на нато во Анкара.

Од кабинетот на претседателката информираат дека на маргините на самитот таа остварила средби со регионалните лидери. Синоќа имала кратка средба со бугарскиот претседател Румен Радев, во присуство на претседателот на Европскиот совет, Антонио Кошта. Според неа, Радев истакнал дека не сме само соседи, туку дека таа му е пријателка, што претседателката го оценила како инспиративно и охрабрувачко.

Подолг разговор Сиљановска-Давкова имала со унгарскиот премиер Петер Маѓар, кој најавил уште позасилена поддршка за западен балкан и намера за регионална турнеја, нагласувајќи дека стабилноста и мирот на балканот се неминовни без членство на овие земји во ЕУ.

Тагови: Сиљановска - Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Иран ги нападна американските воени бази во Кувајт и Бахреин

Иранската револуционерна гарда (ИРГК) објави дека нападнала американски воени бази во Кувајт и Бахреин како одговор на најновиот бран американски напади, според соопштението објавено од иранската државна телевизија ИРИБ, пишува Си-Ен-Ен. 

Видео: Иран ги нападна американските воени бази во Кувајт и Бахреин

Целите вклучуваат камп Арифџан и воздухопловната база Али Ал Салем во Кувајт, како и воздухопловната база Шеик Иса и Џуфер во Бахреин.

Џуфер е дом на Активноста за поморска поддршка, главната база на американската морнарица во Персискиот Залив и дом на Петтата флота на САД.

Револуционерната гарда соопшти дека нападите биле одговор на американските напади врз јужните крајбрежни провинции на Иран и два моста во источен Иран, објави IRIB. Претходно, според полуофицијалната новинска агенција Тасним, Револуционерната гарда објави дека САД погодиле железнички мост во Аккала, област североисточно од Техеран.

Иранските медиуми објавија видео од оштетениот мост, а CNN ја потврди неговата автентичност преку геолокација. CNN побара коментар за нападот врз мостот од Централната команда на САД (CENTCOM).

Во својата изјава, CENTCOM соопшти дека американските сили погодиле „90 ирански воени цели“ по должината на брегот, но не го спомена мостот.

Властите во Бахреин и Кувајт потврдија дека сирените за воздушен напад се огласиле во четврток наутро. Кувајтската војска соопшти дека нејзината воздушна одбрана реагирала на „закани од непријателски ракети и беспилотни летала“. Иранската револуционерна гарда предупреди дека ќе ги прошири своите операции во други американски бази во регионот доколку САД возвратат со возвратни мерки, според соопштението објавено од IRIB.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер