Отворени културно-научните средби „Десет дена Крушевска Република“ - Канал 5

Култура

Отворени културно-научните средби „Десет дена Крушевска Република“

На Гумење во Крушево синоќа свечено беше отворена манифестацијата „Десет дена Крушевска Република“. На отворањето присуствуваше и претседателот на Собранието на Република Македонија, Трајко Вељаноски.

Отворени културно-научните средби „Десет дена Крушевска Република“
На платото на Гумење до столбот на Крушевската Република од центарот на Крушево пристигнаа коњаницата и делегациите предводени од градоначалникот на Крушево Ѓорѓи Дамчески и од потпретседателот на Манифестацијата Маноил Јаковлевски. Околу 50 коњаници ги поминаа врвиците на славните илинденци.

- Им благодарам на сите учесници и поддржувачи на Илинденскиот марш што беа со нас и помогнаа да стигнеме во Крушево. Мотивот започна уште од далечната 1978 година кога сите на возраст од 21 до 23 години тргнуваа од Горно Лисиче за да го одбележат празникот по патеките на славните илинденци. Го обновивме Илинденскиот марш. Секоја година ни се придружуваат и други коњаници од Свети Николе, од Бигорскиот манастир, од други градови Штип, Гевгелија. Вкупно сме околу 50 коњаници, изјави Гоце Трпкоски, генерален секретар на здружението „Илинденски марш“.

Делегациите на локалната самоуправа, на манифестацијата „Десет дена Крушевска Република и на коњаниците положија цвеќе на средината во криптата на илинденските востаници, пред бистата на Веле Марков, на гробот на Питу Гули, пред споменикот на партизанските гробишта и на гробот на Тоше Проески.

Во своето обраќање пред присутните градоначалникот на Крушево, Ѓорѓи Дамчески нагласи дека годинава прославуваме два јубилеја - 111 години од Илинденското востание и 70 години од одржувањето на Првото заседание на АСНОМ кое ги сплоти генерациите илинденци во создавањето на македонската држава.

- Слободата не дојде сама, за неа се изборија генерации македонски револуционери и дејци десетлетија пред тоа. Слободата и државноста не ни ги подари никој, неа ја извојувавме ние самите. Првиот Илинден 1903 година е задушен со крв, вториот Илинден 1944 година конечно е крунисан со вековниот сон на македонскиот народ за сопствена држава, рече Дамчески.

Според него, судбоносниот Илинден опстојува зашто иако сме мали можеме да кренеме глава, да пуштиме глас и да избориме свое место под сонцето.

- Со еден збор, Илинден ни е светост, икона, реликвија што докажува дека не има. Тоа е традиција што не обединува, што не задолжува и не испирира. Колку што се поголеми нападите да не снема како народ и држава, толку е поголемо значењето на Илинден како штит, како браник кон сон, рече Дамчески.

За потпретседателот на Манифестацијата „Десет дена Крушевска Република“ Маноил Јаковлевски Илинденското востание и создавањето на Крушевската Република е еден од најсветлите и најсилните манифестации како спомен од херојската борба на македонскиот народ за слобода и независност.

- Илинденското востание беше историски настан без преседан, повик до сите обесправени, без оглед на вера и нација да застанат заедно пред знамето на востанието. Формирањето на Крушевската Република претставува аманет да не заборавиме кои сме и што сме, рече Јаковлевски.

Аманетот на првиот Илинден, нагласи, беше исполнет со вториот Илинден 1944 година.

- Ако во 1903 година на првиот Илинден македонскиот народ во Крушево ја формира првата демократска Република на балканот, ако на вториот Илинден во манастирот „Прохор Пчински“ ги положи темелите на македонската државност, тогаш на 8 септември 1991 година македонскиот народ се стекна со целосна самостојност, независност и сувереност, рече Јаковлевски.

Тој им порача на крушевчани во наредните 10 дена да бидат добри домаќини.

- Пречекајте ги гостите со насмевка, покажете им дека во ова славно Крушево разликите меѓу луѓето не се проблем, туку предност за дружење и хармонија, рече Јаковлевски, прогласувајќи ги Научно-културните средби „Десет дена Крушевска Република“ за отворени.

На отворањето на манифестацијата „Десет дена Крушевска Република“ беше прочитан Манифестот на Републиката, а потоа на столбот на Крушевската Република на Гумење беше издигнат бајракот на Републиката.

На Гумење настапија и Ѓоко Таневски, музичката група „Црешово топче“ и групата „Нова бенд“. Отворањето на Манифестацијата заврши со огномет и со импровизирано пукање од црешовото топче./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

18-годишен делчевец за пример- пронашол документи и поголема сума пари и ги предал во полиција

На 24.10.2026 година, во 14:00 часот, во Полициската станица Делчево, 18-годишен жител на Делчево предал пронајдени лични документи и парични средства во износ од 114.000 денари и околу 2.000 евра.

18-годишен делчевец за пример- пронашол документи и поголема сума пари и ги предал во полиција

Имено, младиот делчевец на булеварот „Македонија“ во Делчево пронашол патна исправа и лична карта на лице од Делчево, како и наведените парични средства, по што совесно постапил и истите ги предал во полициската станица.

Министерството за внатрешни работи ја поздравува оваа постапка, која претставува позитивен пример за чесност, совесност и високо развиена граѓанска одговорност, особено кај младите.

Ваквите постапки заслужуваат јавно признание и претставуваат поттик за негување на општествените вредности, меѓусебната доверба и одговорното однесување во заедницата, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Манасиевски: Филипче лаже за анкетите, лаже и за тоа дека има автомобил од 6.000 евра, за што уште лаже Венко?

Синоним за Филипче е лага, малверзација и корупција.

Манасиевски: Филипче лаже за анкетите, лаже и за тоа дека има автомобил од 6.000 евра, за што уште лаже Венко?

Човекот едноставно не може, а да не излаже.

Филипче лажеше за мигрантите, за ИПАРД програмата, за извештајот на Вајц, за банкрот на државата, за анкети, лажеше дека вакцинираше внуче, лажеше дека нема златна виза, сега последно излажа дека имал кола од 6.000 евра.

Филипче е роден лажго.

Во анкетниот извештај доставен до ДКСК, Филипче нема автомобил од 6.000 евра, туку две моторни возила, едно на брачен другар, мерцедес од 44 илјади евра и еден мотор од 25 илјади евра, сличен како оној што го возеше со Заев.

Зошто Филипче рече дека има автомобил од 6.000 евра, а не му е вметнат во анкетниот лист? Дали можеби цената на автомобилот е повисока и е марка АУДИ добиена како подарок за тендер? Дали Филипче крие нешто од јавноста? Дополнително, што ли уште Филипче ќе излаже?

Ако лаже за ваква работа, којзнае за што друго ќе лаже понатаму ако дојде на власт.

На ваквите митомани како Венко Филипче не смее да има место во политиката, рече Валентин Манасиевски, портпарол на ВМРО-ДПМНЕ.

YouTube video

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Големи протести во Израел против Нетанјаху во пресрет на изборите (ВИДЕО)

Илјадници луѓе се собраа во Тел Авив на големи антивладини протести, три дена пред општите избори што се сметаат за референдум за премиерот Бенјамин Нетанјаху. 

Големи протести во Израел против Нетанјаху во пресрет на изборите (ВИДЕО)

Протестот беше организиран од Октомврискиот совет, група основана од семејства на жртви и заложници киднапирани од палестинските милитанти на 7 октомври 2023 година, за да побара одговорност за неуспехот да се спречи нападот на Хамас што ја предизвика војната во Газа.

„Три дена пред изборите, ќе одржиме последен настан за да одбележиме три години борба за откривање на вистината, барање одговорност и формирање државна истражна комисија“, напиша Октомврискиот совет на X пред митингот.

Тесна трка

Анкетите покажуваат тесна трка помеѓу десничарскиот блок на Нетанјаху, кој е на власт од крајот на 2022 година, и блокот на централнодесничарскиот ривал Гади Ајзенкот. Најновите анкети покажуваат дека ниту еден блок нема да освои мнозинство места во израелскиот парламент.

Репортер на АФП изјави дека илјадници луѓе марширале од центарот на плоштадот Рабин кон Плоштадот на заложниците, каде што се одржал собирот и кој бил централна точка на минатите антивладини протести со барање за ослободување на заложниците од Газа.

„Кој и да нè водеше во изминатите четири години, завршил ужасна работа“, изјави 68-годишната Хадас Фојерштајн за АФП кратко пред почетокот на собирот. „Израел никогаш не бил во ситуацијата во која се наоѓа сега“, додаде таа. Советот од октомври ја предупреди полицијата за можни „провокации“ од страна на провладините агитатори.

Пропусти на 7 октомври

Собирот доаѓа по години застапување од страна на израелското граѓанско општество и опозициските партии за формирање независна истражна комисија за да ги испита безбедносните пропусти што доведоа до настаните од 7 октомври.

Владата на Нетанјаху одби да формира такво независно тело, како што Израел честопати формирал во минатото за да истражува големи пропусти на државно ниво. Наместо тоа, таа предложи формирање „политички“ комитет, во кој половина од членовите би биле назначени од владејачката коалиција, а другата половина од претставници на опозицијата. Опозициските лидери изјавија дека ќе го бојкотираат комитетот назначен од политичарите.

Тагови: Бенјамин Нетанјаху

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер