Отворена изложба на фотографии од Македонија и од Израел на Скопско лето - Канал 5

Култура

Отворена изложба на фотографии од Македонија и од Израел на Скопско лето

Изложба на фотографии од авторите Кери Харт од Израел и Љупчо Благоевски од Македонија насловена „An Israeli eye on Macedonia, a Macedonian eye on Israel“ беше отворена синоќа на платото пред Меморијалниот центар на холокаустот на Евреите од Македонија, во рамки на Скопско лето.

Отворена изложба на фотографии од Македонија и од Израел на Скопско лето
Постановката се организира во соработка со Амбасадата на Израел и Министерството за надворешни работи на Република Македонија по повод одбележување 20 години од дипломатските односи меѓу двете земји.

- Државата Израел е наш голем пријател и поддржувач, земја со која во изминатите 20 години градевме релации кои континуирано се унапредуваа на сите политички нивоа и во сите општествени сфери. На полето на културата во последните две децении беа реализирани бројни настани и проекти кои овозможија запознавање на нашите две култури и промоција на врвните културни вредности кои ги поседуваме како држави, рече министерката за култура Елизабета Канческа Милевска во обраќањето на отворањето на изложбата.

Посочи дека е убедена дека сите програмски содржини кои се реализирале и кои ќе се случуваат до крајот на годината уште еднаш ќе го потврдат континуитетот на искреното пријателство и довербата кои се негуваат меѓу двете земји и ќе бидат значаен придонес во интензивирањето и продлабочувањето на врските помеѓу македонскиот и израелскиот народ.

Изложбата насловена како „Пријателски објективи“ на професионалните фотографи Љупчо Благоевски и Кери Харт, истакна министерката, претставува еден убав панорамски преглед на специфичноста на културите на нашите две држави видени преку очите на посетителот.

- Преку објективите на двајцата исклучително талентирани мајстори на фотографијата, регистрирани се најубавите културни и туристички предели на Република Македонија и Државата Израел, претставена е традицијата на двете држави која е симбиоза на многу аспекти преку кои се презентира посебноста и убавината на нашата различност, но и сличност како култури. Преку фотографиите кои се содржани во оваа изложба се претставени Охрид и Ерусалим, градовите кои имаат суштинската паралела и цивилизациска поврзаност како центри на религиската духовност, рече Канческа Милевска.

Според неа, изложбата на овие фотографии е навистина едно впечатливо патување низ вековната историја и сегашност на Македонија и Израел.

Неодамна, појасни Канческа Милевска, македонската културна јавност имаше можност да го проследи извонредниот настап на националниот танцов театар од Тел Авив со претставата „Ојсер“.

- Навистина радува фактот што по оваа исклучителна претстава и изложбата вечерва, во наредните денови македонската публика во рамките на реномираните фестивали со децениска традиција „Охридско лето“, „Скопско лето“ и „Битфест“, ќе има можност да проследи и други ексклузивни настани, гостување на двете најголеми национални театарски куќи од Израел, театрите „Хабима“ и „Камери“ од Тел Авив кои ќе ја изведат претставата „Нашиот клас“ која го обработува Холокаустот како трајна врска меѓу македонскиот и израелскиот народ, рече Канческа Милевска.

Таа истакна дека до крајот на годината следат и уште две исклучително значајни претставувања на македонските културни вредности во Државата Израел кои се дел од оваа комплексна програма. Кон крајот на септември, потенцира министерката, Народниот театар од Битола со претставата „Среќен крај“, ќе учествува на реномираниот фестивал за алтернативен театар „Акко“, а големиот јубилеј помеѓу двете земји ќе биде одбележан и со концерт на еден од најистакнатите македонски камерни ансамбли, Скопскиот дувачки квинтет.

- Република Македонија и во иднина останува силно посветена на негувањето и унапредувањето на традиционалното пријателство со народот на Државата Израел, остануваме посветени на грижата и промоцијата на нашите вредности кои се дел од светското културно наследство, додаде министерката Канческа Милевска.

На отворањето на изложбата присуствуваа амбасадорот на Државата Израел во Република Македонија, Дан Ориан, градоначалникот на град Скопје, Коце Трајановски, заменик-министерот за надворешни работи Драгана Кипријановска и директорот на Дирекцијата за култура и уметност, Мирко Стефановски. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Мазда вгради звучник што му овозможува на возачот да им се обрати на пешаците

Новите автомобили од „Mazda CX-6e“ е опремена со необична функција која му овозможува на возачот да испраќа гласовни пораки до пешаците и велосипедистите преку надворешен звучник. 

Мазда вгради звучник што му овозможува на возачот да им се обрати на пешаците

Сепак, системот дозволува и внесување на сосема произволен текст. Функцијата, наречена „External Announcement“ (Надворешно соопштение), е дизајнирана како начин возачот да ги предупреди другите учесници во сообраќајот.

Меѓу претходно дефинираните пораки се вклучени опции како „Еј пријателе, тука сум“ и „Те молам, погледни нагоре и внимавај на патот; чувај се“.

Проблемот е во тоа што системот им овозможува на корисниците и сами да креираат пораки. Возачите го внесуваат текстот преку големиот централен дисплеј од 26,45 инчи, без очигледен филтер што би спречил употреба на навредлива или несоодветна содржина. Како резултат на тоа, функцијата наменета за добронамерна комуникација лесно може да се претвори во алатка за провоцирање на пешаците, пренесува *Revija HAK*.

Оваа функција е преземена од кинескиот пазар, каде што се продава технички сродниот модел Deepal S07. Како што пренесува B92, Mazda можеби ќе го реши проблемот преку софтверско ажурирање.

На одредени пазари, CX-6e користи литиум-железо-фосфатна батерија со капацитет од 78 kWh, која поддржува брзо полнење со моќност до 200 kW. Неговиот деклариран досег изнесува до 484 км според WLTP циклусот.

Достапен е во една конфигурација на погонскиот систем, која вклучува електромотор со моќност од 255 КС и погон на задните тркала. Сè уште не е потврдено дали функцијата за надворешен звучник е достапна кај европската верзија на CX-6e.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Видео: Чудо од Англија: Тиква тешка речиси 1.300 кг

Чудо на нива во Англија. Ако мислите дека сте виделе сè во градинарството, оваа глетка од Англија може целосно да ве разубеди.

Видео: Чудо од Англија: Тиква тешка речиси 1.300 кг

Британецот Јан Патон повторно го собори својот личен светски рекорд одгледувајќи огромна тиква тешка неверојатни 2.856,8 фунти, што изнесува речиси 1.295 килограми.

Како што пренесува „БроБајбл“ (BroBible), овој џин, кој тој го нарече „Багира“, го надмина неговиот минатогодишен рекорд за речиси 18 килограми.

Колку труд е потребен за да се одгледа ваква џиновска тиква?

Одгледувањето на таков џин воопшто не е едноставна задача. Според информациите што Јан Патон ги сподели со „Би-би-си њуз“ (BBC News), на тиквата ѝ биле потребни дури шест часа интензивна нега секој ден, а „пиела“ околу 130 галони вода дневно.

Зачудувачки е фактот дека тиквите со оваа големина, во фазата на најбрз раст, можат да добијат и до 22 килограми тежина за само 24 часа. Иако со години учествувал на овие натпревари заедно со својот брат близнак Стјуарт, оваа година Јан одлучи да настапи самостојно и победи.

Откако официјално беше потврдено дека е најтешка во светот, „Багира“ е изложена на фармата „Санифилдс“ во близина на Саутемптон.

https://www.instagram.com/p/DeEui7Pqsqs/?utm_source=ig_embed&utm_campaign=embed_video_watch_again

Сепак, судбината на овој рекордер е веќе запечатена. По завршувањето на изложбата, тиквата ќе биде исечена и искористена како храна за крави. Тиквите се сметаат за високохранливи, што ги прави идеален оброк за добитокот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Линекер има предлог за Сити за „спас на Премиер лигата“

Поранешниот англиски репрезентативец Гери Линекер смета дека Манчестер Сити треба да признае дека ги прекршил финансиските прописи и да ја прифати паричната казна, со цел да се зачува угледот на клубот и на Премиер лигата.

Линекер има предлог за Сити за „спас на Премиер лигата“

Богатиот англиски фудбалски великан, Манчестер Сити се соочува со обвиненија за 115 наводни прекршувања на финансиските правила во периодот меѓу 2009 и 2018 година.

Клубот ги оспорува обвиненијата и настојува да докаже дека не ги прекршил правилата. Линекер, кој сега работи како спортски коментатор, смета дека признавањето на грешката и прифаќањето на евентуалните санкции би било најдоброто решение за завршување на случајот.

„Оваа ситуација секако изгледа лошо за ’Сити‘ и лошо за фудбалот. Би сакал ’Манчестер‘ да излезе во јавноста и да каже: ’Да, згрешивме. За доброто на играта и на Премиер-лигата, ќе ја прифатиме каква било казна што ќе ни биде изречена и ќе продолжиме понатаму‘“, изјави Линекер.

Според него, таков потег би можел да помогне во зачувувањето на угледот на англиското првенство, но тој смета дека е малку веројатно оти клубот ќе се одлучи на таков чекор.

„Мислам дека тоа би било добра работа и донекаде би ја зачувало нивната репутација, како и угледот на лигата. Сепак, такво нешто изгледа малку веројатно. Разочарувачки е; ми е жал за играчите и за нивните навивачи“, додаде поранешниот англиски напаѓач. Линекер зборуваше и за можноста на Манчестер Сити да му бидат одземени титулите освоени во периодот опфатен со обвинувањата.

„Не би се изненадил доколку дојде до таква казна. Но, повторувам, на крајот на краиштата, кој најмногу страда поради тие санкции? Играчите и навивачите“, заклучи Линекер.

Тагови: Манчестер сити

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер