Отворена е традиционалната изложба „Цвеќиња на мирот“ на Живко А. Поповски – Цветин - Канал 5

Култура

Отворена е традиционалната изложба „Цвеќиња на мирот“ на Живко А. Поповски – Цветин

Изложбата е отворена од денеска, 11 декември - Денот на УНИЦЕФ, па се до петок, 15 декември во Кинотека.

Отворена е традиционалната изложба „Цвеќиња на мирот“ на Живко А. Поповски – Цветин

Со Цвеќињата на мирот на познатиот уметник и хуманист Живко А. Поповски – Цветин отворена е и неговата овогодишна изложба по повод 77 години постоење на УНИЦЕФ и 78 години од донесување на Универзалната декларација за човекови права од страна на Генералното Собрание на Обединетите нации.

Изложбата е отворена од денеска, 11 декември - Денот на УНИЦЕФ, па се до петок, 15 декември во Кинотека.

- На оваа изложба изложив Цвеќиња на мирот кои симболизираат една универзалност, да има разбирање и соживот меѓу децата, истакна авторот на изложбата, Живко А. Поповски – Цветин.

Цветин нагласи дека децата и цвеќињата имаат големо значење за него.

- Денот на детето многу значи за мене затоа што децата се нашата иднина и токму поради тоа треба да се обезбедат нивните права и да им се овозможат услови за правилен развој, за образование, сите деца да имаат топол дом и здрава храна, рече тој.

Цветин со оваа дејност се занимава уште од многу одамна. Во 1986 година имал изложба посветена на 40 годишнината на УНИЦЕФ на која подари 40 слики за Центарот за здравјето на детето во Варшава, потоа наредната година имал изложба посветена на младите спортисти во Загреб, на којашто подарил 30 Цвеќиња на мирот за најуспешните спортисти, како и изложбата во 1991 година во Домот на градежните работници која исто беше посветена на децата со порака за мир.

-Во 1998 година еден карван Цвеќе на мирот одеше низ градовите Охрид, Битола, Прилеп, Велес, Штип, Кратово, Гостивар, Тетово и Скопје за Унијата на средношколци, исто така истата година одеше и една изложба низ 130 училишта во нашата земја како карван, каде што се читаше поезија и се сликаа цвеќиња на мирот, истакна Цветин.

Тој ги спомена и изложбите посветени на децата во 2006 година која започна на 11 декември од градинката „Корчагин“ во Скопје, и заврши наредната година на истиот датум, како и сите изложби што ги имаше во декадата на културата на мирот, од 2000 до 2010, меѓу кои е и Карван изложбата која започна од Зрењан а заврши во Врање.

- Верувам дека овие Цвеќиња на мирот ќе продолжат, како и ова денешна мисија што ја организирам преку оваа изложба. Овие цвеќиња ќе продолжат да ја шират оваа убава порака за децата, да имама мир и леб, истакна Цветин.

На изложбата, покрај цвеќињата кои, како што рече, се универзален симбол на убавината, љубовта, почитта и радоста, имаше и векна леб како симбол на мирот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Шеснаесет маратонци пливаат на 39. Охридски пливачки маратон

Шеснаесет маратонци, од кои 11 во машка и пет во женска конкуренција, учествуваат на 39. Охридски пливачки маратон, што денеска се плива во водите на Охридското Езеро.

Шеснаесет маратонци пливаат на 39. Охридски пливачки маратон

25 километри долгата патека Климе Савин од Свети Наум до градското пристаниште во Охрди го пливаат маратонци од Македонија, Србија, Турција, Канада, Италија, Шпанија, Португалија и Аргентина.

Боите на Македонија ќе ги бранат Александар Илиевски, Петар Цеков, Леонид Мишевски и Росана Гошева.

Покровители на маратонот се Општина Охрид, Министерството за спорт и претседателката Гордана Силјановска Давкова, додека технички организатор е пливачкиот клуб „Охридски Бранови 2008“ од Охрид.

Наградниот фонд на годинашниот маратон изнесува 15 илјади долари, а паричните награди ќе бидат распределни соодветно за најдобрите пливачи во двете категории.

Тагови: Охридски пливачки маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Синоќа 262 сообраќајни прекршоци во Скопје, 102 санкции за возачи на мотоцикли, шест лишени од слобода

Сообраќајните контроли продолжуваат и во наредните денови.

Синоќа 262 сообраќајни прекршоци во Скопје, 102 санкции за возачи на мотоцикли, шест лишени од слобода

Во текот на изминатата вечер (21/22.08.2026) во периодот од 18:00 до 01:00 часот Одделението за безбедност на патниот сообраќај и полициските станици од општа надлежност при СВР Скопје, спроведоа зајакната акциска контрола во делот на сообраќајот со посебен акцент за преземање мерки за мотоцикли, мопеди трицикли и четирицикли при што санкционирани се 262 возачи. Од нив за возачи на мопеди и мотоцикли изречени се 102 мерки и тоа 93 санкции за управување мотоцикли без заштитна кацига, четири мерки за несоодветна категорија, пет санкции за управување без положен возачки испит и 160 останати мерки за други видови на прекршоци меѓу кои за не носење возачка дозвола, не носење сообраќајна дозвола, не истакнати таблици, минување на црвено...

Исто така привремено е одземен еден мотоцикл поради измината важност на регистрација повеќе од шест месеци, а шест лица се лишени од слобода по член 297 а од Кривичниот законик.

Сообраќајните контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Битола беше одбележан Денот на формирањето на седмата македонска ударна бригада

Заменик градоначалничката на Битола Марина Крстиќ денеска присуствуваше на свеченоста по повод одбележувањето на Денот на формирањето на седмата Македононска ударна бригада 22 август 1944 година.

Во Битола беше одбележан Денот на формирањето на седмата македонска ударна бригада

На свеченоста беше интонирана химната на Република Македонија, по што присутните положија свежо цвеќе пред спомениците.

Во име на општина Битола свежо цвеќе положи и се поклони пред спомениците на народните херои Васко Карангелевски и Пецо Гудовски во градското шеталиште во Битола, заменик градоначалничката Крстиќ.

Пригодно обраќање имаше претседателот на огранокот за формирањето на седмата Македонска ударна бригада, а свеченоста ја организираше Здружението на ветерани на одбраната и безбедноста на Република Македонија-огранок Битола.

Општина Битола

Тагови: Општина Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер