Отворена 20. Меѓународен стрип салон „Велес 2023“ и 5-тата Стрип колонија - Канал 5

Култура

Отворена 20. Меѓународен стрип салон „Велес 2023“ и 5-тата Стрип колонија

Македонскиот стрип центар од Велес синоќа во Европската куќа на млади свечено го  отвори традиционалниот 20 јубилеен Меѓународен стрип салон „Велес 2023 и 5-тата Стрип колонија која се одржува во Куќата на Касапови позната како Куќа на уметнста.

Отворена 20. Меѓународен стрип салон „Велес 2023“ и 5-тата Стрип колонија

На стрип салонот синоќа беа изложени стрипови на табли пристигната на Меѓународниот стрип конкурс, Наградите не беа врачени на поголем дел од наградените кои се Србија и Црна Гора, а кои се уште не беа пристигнале во Велес. Наградите во нивно име ги прими и ќе им го предаде Владимир Весовиќ професор во Школата „Ѓорѓе Лобачев“ од Белград. Првата награда насловена „Златен стрип“ им припадна на Марко Стојановиќ, Милорад Вицановиќ - Маза и Аљоша Томиќ –Pig Out кои се од Србија и Босна и Херцеговина. Втората награда исто така во нивно отсуство е за Ана и Сара Живковиќ од Србија и Даниел Данил од Романија. Третата награда ја делат тројца Миодраг Спасојевиќ од Црна Гора и Војдан Андонов, Цанко Стефанов од Македонија кои дојдоа и ги примија наградите. Беа доделени и наградата за уметнички израз, за сценарио, категорија до 18 и 14 години и пофалници. Награда за најдобар автор од земјава му е доделена на Методија Стојановски од Куманово. За најстар учесник на Тоде Блажевски од Скопје, а најмлад учесник шестгодишната Ивона Живковиќ од Лесковац, Србија. Наградените се избрани од жирито во силна конкуренција на 171 стрип од 21 земја.

Наградата „Љупчо Филипов“ му беше врачена на академскиот сликар, филмски работник стрип автор Коле Манев. Тој стрип работел во своите студентски денови во почетокот на седумдесетите години со појавата на „Наш свет “ во 1960 година. По текст на многу познати писатели во тоа време како Славко Јаневски и други, тој работи стрипови од херојските ликови на македонскиот народ меѓу кои Самоил, Карпош, Страшо Пинџур. Има нацртано повеќе од 60 стрипови. Со престанок на објавување на „Наш свет“, Манев никогаш не му се вратил на стрипот, но оставил траги за идните македонски стрип автори.

Тој за МИА информира дека преку стрипот на читателската публика сакал да и ги приближи бројните македонски херои низ историјата.

-Јас тогаш имав финансиска потреба, а и „Детска радост“ имаше потреба од млади ученици кои можеа да илустрираат книги и списанија и така долги години соработував со „Детска радост“ и Наш свет“. Од овој аспект после 60 години оваа награда ми е драга што ме враќа во времето. Има најава од организаторите дека моите стрипови од списанијата наскоро ќе ги издадат во книга. Тоа е добро и за организаторите и македонската култура и стрип култура, појасни Манев.

На отворањето на 20. Меѓународен стрип салон „Велес 2023“ беше промовиран и каталог од проектот 20. Меѓународен стрип салон „Велес 2023“-Стрип колонија од ВЕ-4 со љубов“, што го финансира од Вишеград фондацијата на групата: Полска,Словачка,Чешка и Унгарија, информира Томе Трајков од СЦМ-Велес

Од СЦМ-Велес нагласија дека оваа година посебно ја обележува и финансиската поддршка од страна на Интернационалниот ВИШЕГРАД ФОНД и WESTERN BALKAN FUND, покрај традиционалната поддршка од страна на Министерството за култура и Општина Велес.

Во Куќата на Касапови во стариот дел на Велес од денеска до 27 август ќе работи 5-та Стрип колонија од автори од повеќе земји - Полска, Чешка, Словачка , Унгарија, од Косово, Црна Гора, Србија, како и македонски автори од земјава.

Меѓу учесниците на стрип работилницата е и Анита Гочевска од Велес вработена во градинката која досега учествувала на неколку стрип работилници што ги организира СЦМ-Велес.Таа со своите колеги од Велес има изработено неколку ѕидни мурали покрај велешките главни улици во стариот дел на градот.Воедно на стрип салонот учествува со својот стрип „Волкот,лисицата и овчарчето“, а по сценарио на Ване Трајков. За МИА таа појаснува дека првпат црта стрип и многу напорно работела на него.Стрипот појаснува има силни пораки до читателската публика.

- Првпат правев стрип па ми требаше малку повеќе време да го изработам.Вежбав подолго и со голем труд го нацртав,Планирам и понатаму да работам стрипови, најави Гочевска. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ева Лонгорија укажува на проблем со кој се соочуваат милиони жени

По повод Денот на еднакви плати за жените од латиноамериканско потекло, кој се одбележува на 8 октомври, актерката и режисерка Ева Лонгорија преку социјалните мрежи го сврте вниманието кон јазот во платите во САД.

Ева Лонгорија укажува на проблем со кој се соочуваат милиони жени

Во својата објава, таа истакна дека жените од латиноамериканско потекло во просек заработуваат само 53 центи за секој долар што го заработуваат белите мажи кои не се од латиноамериканско потекло.

Жените имигранти се соочуваат со уште полоша ситуација

Лонгорија објасни дека оваа бројка се однесува на сите вработени жени од латиноамериканско потекло, вклучително и на оние што работат сезонски или со скратено работно време. Покрај објавата, таа сподели и своја фотографија на која носи бела маица со слоган за зајакнување на жените, како и неколку инфографици што го илустрираат јазот во заработката.

Според еден од инфографиците, жените имигранти се во уште понеповолна положба, бидејќи заработуваат само 43 центи за секој долар што го заработуваат мажите земени за статистичка споредба. Лонгорија исто така објави фотографија од група жени кои протестираат за своите права и држат транспаренти.

Тагови: Ева Лонгорија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Ријана откри дека во „сефот“ чува купишта нова музика, дури 170 необјавени песни

Се чини дека Ријана цело време чувала голем дел од својата музика за себе.

Ријана откри дека во „сефот“ чува купишта нова музика, дури 170 необјавени песни

38-годишната пејачка откри за време на преносот во живо на TikTok за нејзиниот бренд Fenty Beauty на 7 октомври дека има околу 170 необјавени песни, објави Пипл. Ова им даде на обожавателите увид во тоа колку музика собрала за време на нејзината долга пауза од објавување на целосен албум.

Зборувајќи за нејзината необјавена работа, Ријана рече:

„Ако има 10 производи во сеф, тогаш имам најмалку 17 сефови.“

Откритието доаѓа додека обожавателите продолжуваат со нетрпение да го очекуваат нејзиниот деветти студиски албум, кој треба да го наследи ANTI од 2016 година. Долгата пауза на Ријана од сцената е една од најгледаните и најочекуваните во историјата на поп музиката. Нејзиниот последен студиски албум донесе хитови како Work, Needed Me и Love on the Brain.

Сепак, пејачката јасно стави до знаење дека не ја оставила целосно музиката зад себе. Во август, нејзиниот партнер, раперот A$AP Rocky (38), потврди за време на гостувањето во „Шоуто на Џејсон Ли“ дека Ријана се вратила во студиото и работи на нов материјал. Кога го прашале дали е виновен за нејзината долга пауза, раперот одговорил:

„Никако. Таа е во студиото во моментов. Да, го кажав тоа. Извини, бејби.“

Потоа додаде:

„Човече, таа работи. Готви нешто, не се шегувам. Човече, ова ќе ме доведе во неволја.“

Ријана претходно зборуваше за плановите за нејзиниот деветти албум. Минатата година, таа за Harper’s Bazaar изјави дека конечно го „открила кодот“ за музичката насока на целиот проект. Таа рече:

„Ова време поминато подалеку од музиката мора да има влијание врз она што сите ќе го слушнат следно. Мора да вреди. Мора да биде важно. Морам да им покажам дека вредеше да се чека. Не можам само да издадам нешто просечно.“

Таа, исто така, наговести дека звукот на албумот нема да биде она што публиката го очекува:

„Нема да биде ништо што некој го очекува. И нема да биде комерцијален или радио-пријателски. Ќе биде токму таму каде што мојата уметност заслужува да биде токму сега.“

Во годините по ANTI, Ријана беше посветена на градење на својата модна и козметичка империја преку нејзините брендови Fenty Beauty и Savage X Fenty. Таа триумфално се врати на сцената во 2023 година со настап на полувремето на Super Bowl LVII, каде што изведе голем број од своите најголеми хитови, а исто така откри дека е бремена со своето второ дете.

Ријана и Асап Роки го добија својот прв син, RZA, во 2022 година, по што следеше нивниот син Рајот во 2023 година, а нивната ќерка Роки се роди во 2025 година.

Тагови: Ријана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Безос: „Можеме да стигнеме до Месечината за три дена“

Во Вашингтон се кројат големи планови – САД имаат намера не само да се вратат на Месечината, туку овој пат и да останат таму.

Безос: „Можеме да стигнеме до Месечината за три дена“

Сопственикот на „Амазон“, Џеф Безос, кој е и основач на компанијата за вселенски летови „Блу Ориџин“, неодамна зборуваше за американските медиуми за патувањата до Месечината.

„Овој пат одиме на Месечината за да останеме“, изјави Безос, додавајќи дека тоа нема да биде „само уште една мисија од која се враќате дома“.

„Ќе изградиме вистинска, одржлива база од која ќе можеме да ја истражуваме Месечината и да откриваме интересни работи“, додаде Безос.

Тој истакна дека мисијата на Месечината во 1969 година барала инвестиција од околу 3% од БДП на САД и наведе дека „луѓето ќе можат да летаат до Месечината уште во 2028 година“.

„Мораме да ја победиме Кина во ова и верувам дека ќе успееме“, рече Безос.

Тој исто така го изрази своето уверување дека Месечината – до која, како што напоменува, може да се стигне за три дена – ќе послужи како клучна логистичка станица за идните човечки мисии до Марс.

Извор: Б92

Тагови: месечината Џеф Безос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер