Други спортови

Отворен Национален тренинг центар за спортско стрелаштво

Министерот Борко Ристовски го отвори новиот Национален тренинг центар за спортско стрелаштво.

Министерот за спорт Борко Ристовски заедно со министерот за внатрешни работи Панче Тошковски, денеска присуствуваше на свеченото отворање на новиот Национален тренинг центар за олимписко спортско стрелаштво со воздушно оружје на 10 метри. Тренинг центарот е лоциран во подземниот дел на салата „Наум Наумовски Борче“ во Скопје и е комплетно опремен со најсовремена опрема според стандардите на Светската стрелачка федерација.

Министерството за спорт го обезбеди најголемиот дел од финансиските средства потребни за реализација на овој проект кој доби поддршка и од европската и светската стрелачка федерација како и од домашни спонзори и поддржувачи на стрелаштвото.

-Националниот интерес и континуираното учество на македонските стрелци на меѓународните натпревари вклучително и на Олимписките игри, се доволен мотив да обезбедиме ваков квалитетен тренинг простор за нашите репрезентативци, клубови и идни шампиони. Министерството за спорт ја поддржа реализацијата на овој проект кој е од огромна важност за македонското стрелаштво и за македонскиот спорт воопшто. Овој тренинг центар ќе го користат македонските стрелци, како и припадниците на полицијата. Најважно од сè – стрелиштето ќе биде отворено и за сите граѓани, од најмладите стрелци што сакаат да се занимаваат со овој спорт, па сè до највозрасните ентузијасти од Скопје и од цела Македонија – истакна министерот Ристовски.

Од Македонската спортска стрелачка федерација посочуваат дека ова стрелиште е од национален интерес за Македонија и за државните репрезентативци во македонското спортско стрелаштво. Тоа е едно од најмодерните и најсофистицираните стрелишта на Балканот за олимписката дициплина стрелаштво со воздушно оружје на 10 метри, бидејќи истото е опремено со најмодерни електронски мети набавени од производителот SIUS од Швајцарија и поставено согласно правилата на Светската стрелачка федерација.

-Новиот тренинг центар е уште еден мотив повеќе за клубовите и спортистите да се вложат максимално и да ја оправдаат поддршката што ја има македонското спортско стрелаштво од Министерството за спорт, како никогаш досега – велат од Македонската спортска стрелачка федерација

Новиот национален тренинг центар во иднина ќе биде домаќин на многу меѓународни натпревари. Прв голем настан што ќе се одржи на овој нов современо опремен центар ќе биде претстојниот Европскиот Младински Олимписки Фестивал (ЕМОФ) на кој според програмата, натпреварите во стрелаштво ќе се одржуваат во период 20-25 јули.

Тагови: Борко Ристовски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Специјализираните совети во Хаг им го продолжија притворот на Вејсели и Красниќи

Судскиот совет на Специјализираните совети во Хаг ги отфрли барањата за привремено ослободување на поранешните водачи на терористичката ОВК, Кадри Вејсели и Јакуп Красниќи.

Судскиот совет на Специјализираните совети во Хаг ги отфрли барањата за привремено ослободување на поранешните водачи на терористичката ОВК, Кадри Вејсели и Јакуп Красниќи, на кои им се суди за воени злосторства, и нареди продолжување на нивниот притвор.

Советот утврди дека сè уште постојат ризици обвинетите да ја попречат постапката или да извршат нови злосторства, објави веб-страницата на Специјализираните совети, пренесе Телеграф.

Специјализираната обвинителка Кимберли Вест во своето образложение наведе дека постои ризик обвинетите да ги заплашуваат сведоците и потсети дека пресудата против четворицата поранешни водачи на таканаречената ОВК ќе биде изречена на 16 септември, така што продолжениот притвор не е непропорционален.

Поранешните водачи на таканаречената ОВК, Хашим Тачи, Кадри Вејсели, Реџеп Селими и Јакуп Красниќи се обвинети врз основа на индивидуална кривична одговорност со шест точки за злосторства против човештвото и четири точки за воени злосторства.

Тие се во притвор во Хаг од нивното апсење во ноември 2020 година.

Терористичката ОВК изврши бројни злосторства, убиства и киднапирања во текот на 1998 и 1999 година против припадници на армијата и полицијата на тогашна Југославија, Срби и други неалбанци, како и Албанци кои не прифатија да бидат нејзини помагачи или членови.

Тагови: Хагг Красниќи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Во Гудвуд е претставен електричниот Ренџ Ровер Спорт (ФОТО)

Land Rover ја претстави електричната верзија на Range Rover Sport на саемот во Гудвуд.

Новиот модел ќе им се придружи на постоечките варијанти со шестцилиндричен, V8 и plug-in хибриден погон. Производителот ветува дека електричниот SUV ќе биде „подинамичен и побрз од кога било“ без да се прави компромис со можностите за теренско возење. Целосните спецификации ќе бидат објавени подоцна оваа година, веројатно како дел од редизајн на целата линија.

Демонстрација на способностите во Гудвуд

Извршниот директор на Range Rover, Мартин Лимперт, рече дека електричната варијанта ќе „ги редефинира високо-перформансните SUV“ кога ќе се појави на пазарот подоцна оваа година.

За време на приватната презентација во Гудвуд, компанијата ги подложи прототипите на серија тестови. Едниот беше извлечен од товарниот простор на авионот, другиот беше однесен по скалите, а потоа тестиран на тркачката патека. Целта беше да се покаже дека електричната верзија лесно може да извршува тешки задачи, исто како моделите со мотори со внатрешно согорување.

Дизајн и технологија

Land Rover вели дека теренецот „интегрира напредни технологии кои ослободуваат поголема моќност и вртежен момент. Перформансите се подобрени со напредни поставки на шасијата и звучен систем, сите комбинирани за да создадат искуство во возењето кое е уникатно и инстинктивно на кој било терен“.

Прототипите прикажани на Гудвуд ја имаа каросеријата на тековниот модел, кој е во продажба од 2022 година. Тие се одликуваа со нови алуминиумски тркала и специфични светла што ја осветлуваат земјата. Се очекува дека производствената верзија ќе изгледа поинаку кога ќе стигне до клиентите.

Неодамна, камуфлирани прототипови на освежениот Ренџ Ровер Спорт беа фотографирани на Нирбургринг. Фотографиите откриваат модифицирани браници, редизајнирани LED светла и други мали промени во дизајнот. Се очекува редизајнот да донесе и технолошки подобрувања во кабината.

Погонски склоп и остатокот од гамата

Производителот не ја откри моќноста на електричниот погон, но се претпоставува дека ќе биде слична на погонскиот склоп од 405 kW (550 КС) што се наоѓа во електричниот Range Rover. Целосните спецификации ќе бидат објавени подоцна во 2026 година, најверојатно заедно со воведувањето на редизајнот.

JLR потврди дека гамата на Range Rover Sport ќе продолжи да вклучува опции со шестцилиндрични бензински и дизел мотори, благ хибриден V8 бензински мотор и plug-in хибрид. Со ова се задржува истиот опсег на погонски склопови како и претходно.

Тагови: Ренџ Ровер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Со украдени лични податоци на граѓани подигнале околу три милиони денари брзи кредити – обвиненение за шестмина

Шестмина се обвинети, а уште 33 ќе одговараат со казнени налози во случајот со незаконско подигнување брзи кредити преку злоупотреба на туѓи лични податоци..

Основното јавно обвинителство Скопје соопшти дека осомничените користеле лажни исправи и внесувале невистинити податоци во системите на финансиските друштва за да добијат кредити на име на други лица..

Во информатичкиот систем на повеќе оштетени финансиски друштва внесувале невистинити податоци, за кои секој од нив знаел дека не се вистинити и дека се постигнати со дејствија од други кривични дела“..

Во измамничката шема, според обвинението, учествувал и вработен во ФЗО, кој на останатите им ставил на располагање податоци кои претходно ги обезбедил преку електронскиот систем на институцијата..

Најголемиот дел од обвинетите дејствувале во периодот 2022 до јуни 2024 година.. Според обвинението, четворица од нив прибавиле противправна имотна корист од над два и пол милиони денари, додека останатите со поединечни дејствија дополнителни над 650 илјади денари..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.