Отворен конкурс за наградата за најдобар превод „ДРАГИ“ 2025 - Канал 5

Култура

Отворен конкурс за наградата за најдобар превод „ДРАГИ“ 2025

Издавачката куќа Антолог од Скопје со големо задоволство соопшти дека е отворен конкурс за наградата за најдобар превод „ДРАГИ“ 2025.

Отворен конкурс за наградата за најдобар превод „ДРАГИ“ 2025

За наградата може да се учествува со прозни книги во превод на македонски јазик објавени во периодот меѓу 1 јули 2024 година и 30 јуни 2025 година. Објавените книги мора да бидат преведени од оригинален јазик, а може да се конкурира со дела преведени од „живи“ и од класични јазици (арапски, старогрчки, санскрит и латински јазик). Конкурсот е отворен до 1 јули 2025 година.

Наградата за најдобар превод на македонски јазик „Драги“ е воспоставена за да се направи вреднување на преведувачката дејност во Македонија, како и да се истакне вредноста и важноста на преведувањето за нашиот културен простор.

-Наградата до минатата година се доделуваше за превод на дела од сите книжевно-уметнички видови: проза, поезија, книги за деца и драма. Со цел порамноправен мериторен систем и соодветно вреднување на различните предизвици што секој книжевен вид го поседува, од годинава ќе се воведе приоритетна категорија која ќе се менува секоја година. За 2025 приоритетна книжевна категорија ќе биде прозата (фикцијата) и ќе опфаќа: романи, збирки раскази, есеистика, дневници и сл. Следната година приоритетен вид ќе биде поезијата и ќе опфаќа поетски дела во превод објавени во периодот од 1 јули 2024 година до 30 јуни 2026 година. Во 2027 приоритетна категорија ќе биде книжевноста за деца и ќе може да се конкурира со книги за деца во превод (сликовници, раскази, поезија, романи за деца и млади) објавени во периодот од 1 јули 2024 година до 30 јуни 2027 година. Конечно во 2028 во фокус ќе биде драмата и ќе може да се конкурира со драми во превод објавени во периодот од 1 јули 2024 година до 30 јуни 2028 година, велат од издавачката куќа.

Право на номинација за наградата имаат издавачки куќи, здруженија на граѓани и преведувачи. Секоја издавачка куќа или здружение на граѓани имаат право да номинираат најмногу пет книги, а секој преведувач има право да номинира најмногу две книги.

Номинираните книги може да бидат објавени во хартиена форма или како електронски изданија и мора да имаат CIP-запис од Националната и универзитетска библиотека „Свети Климент Охридски“ – Скопје.

Книгите објавени во хартиена форма треба да се достават во четири примероци на адресата на издавачката куќа „Антолог“ (улица „Ѓорѓи Пулевски“ број 29, локал 1), а електронските изданија во електронска форма на имејлот [email protected].

Доставените преводи ќе ги оценува тричлена комисија составена од преведувачи, писатели или книжевни критичари.

Наградата се состои од плакета и статуетка „Драги“ и паричен дел кој изнесува 40.000 денари.

Годинашното издание на наградата „Драги“ е реализирана од страна на издавачката куќа „Антолог“ со поддршка на Министерството за култура и во соработка со Филолошкиот факултет „Блаже Конески“ – Скопје.

Тагови: превод ДРАГИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Тошковски го осуди настанот со палењето на возилата пред бугарската амбасада

Министерот за внатрешни работи Панче Тошковски утринава го осуди настанот со палењето на возилата пред бугарската амбасада.

Тошковски го осуди настанот со палењето на возилата пред бугарската амбасада

Во контекст на тоа вели тој оди и брзото приведување на сторителот. Инцидентот претходно најостро го осудија од македонската влада и го оценија како недозволив и вандалски чин, рекоа дека секој обид за предизвикување тензии и ширење омраза ќе биде максимално санкциониран. Тошковски најави дека обвинителството ќе го води случајот како приоритетен.

YouTube video

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Украински дрон ја проби одбраната на Москва, гори рафинерија

Вонредна состојба на аеродромите, украински дрон ја оштети московската рафинерија за нафта, објави денес градоначалникот на Москва, Сергеј Собјанин. 

Видео: Украински дрон ја проби одбраната на Москва, гори рафинерија

„Во текот на изминатите 24 часа, нападите на непријателските дронови врз Москва продолжија. Едно од дроновите оштети објект на територијата на Московската рафинерија за нафта.

Немаше жртви“, напиша Собјанин на платформата Max, пренесува РИА Новости.

Седиштето на Министерството за вонредни ситуации во Москва потоа објави дека пожарот на територијата на компанијата е локализиран и дека ситуацијата е под контрола.

Собјанин рече дека од почетокот на денот, системите за воздушна одбрана собориле 60 дронови што летале кон градот.

Аеродромите Домодедово, Шереметјево и Внуково привремено воведоа ограничувања за пристигнување и заминување на авиони, според руската агенција.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Јошко Гвардиол останува во Манчестер Сити

Хрватскиот репрезентативец Јошко Гвардиол дефинитивно решил да го одбие Реал мадрид и да остане верен на Манчестер Сити до 2031 година.

Јошко Гвардиол останува во Манчестер Сити

Јошко Гвардиол останува во Манчестер Сити. По месеци шпекулации за можен трансфер во Реал Мадрид, хрватскиот репрезентативец стави крај на сите гласини и потпиша нов договор со англискиот гигант.

Веста прв ја објави познатиот фудбалски инсајдер Фабрицио Романо, кој потврди дека договорот е склучен и дека Гвардиол ќе остане на „Етихад“ до летото 2031 година.

Раководните луѓе на Манчестер Сити одлучија да го наградат хрватскиот дефанзивец со подобрени финансиски услови, сметајќи го за еден од најважните играчи на клубот за сегашноста и иднината.

Откако пристигна во Манчестер Сити во 2023 година, Гвардиол прерасна во еден од најпочитуваните дефанзивци во европскиот фудбал.

Неговата способност да игра како централен и лев бек, како и сигурноста при изнесување на топката од својата половина, го направи важен дел од системот. Новиот спортски директор Уго Вијана и тренерот Енцо Мареска наводно инсистирале клубот што поскоро да го заврши продолжувањето на договорот со хрватскиот репрезентативец.

Тагови: Манчестер сити

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер