Отворен фестивалот „Пеце Атанасовски", гран-при за групата „Аманет" - Канал 5

Култура

Отворен фестивалот „Пеце Атанасовски", гран-при за групата „Аманет"

Седумдесетина учесници беа дел од синоќешната прва вечер на Фестивалот за народни инструменти и песни „Пеце Атанасовски" кој беше отворен во центарот на Прилеп, на камената бина на плоштадот „Александрија".

Отворен фестивалот „Пеце Атанасовски", гран-при за групата „Аманет"

Со сите мерки за заштита и за публиката и за учесниците протекна првата фестивалска вечер на 46-ото издание на Фестивалот кој поради пандемијата, наместо во почетокот на јули се одржува на 28 и на 29 август, прво во прилеп, а вечер на Рудина, Долнени.

Според уметничкиот директор Родна Величковска, Фестивалот ги следи сите препораки и протоколи за заштита.

– Годинава имаме преполовен број учесници од досегашните изданија на Фестивалот, токму поради пандемијата. Нљаправивме селекција на досега наградувани групи и учесници, познавајќи како го изведуваат изворниот мелос зашто не можеа да се направат теренски истражувања и селекционарање на пријавените. Групите се релативно мали, немаат контакт со другите додека настапуваат и потоа си заминуваат. Обезбедивме средства и заштитни маски за сите. Нашата цел останува: негување и одржување на богатиот фолклор. Таа обврска ја имаме спрема традиционалните вредности. Задоволство и духовно исполнување беше да се види дека се чува и се негува изворниот мелос и кај помладите генерации, рече Величковска.

За отворен фестивалот го прогласи прилепскиот градоначалник Илија Јованоски кој, меѓу другото, порача да се штитиме себе си, но и да ги зачуваме придобивките од богататата традиција и фолклорот.

-Овој фестивал е единствен во земјава и на Балканот од ваков вид и главна задача му е да ги сочува од исчезнување древните и драгоцените вештини на свирачите на народни инструменти и пејачите на изворните народни песни. Поради пандемијата, фестивалот годинава се одржува во специјални услови. Меѓутоа, верувам дека тоа нема да го намали квалитетот на оваа исклучително значајна манифестација, порача Јованоски.

За да се запазат мерките, учесниците добиваат дипломи и признанија за учеството, а гран при наградата е за вокално-инструменталниот состав „Аманет" од Скопје. Настапија групи и поединци-изведувачи на гајда, кавал, на зурла и тапан од повеќе градови и места од земјава: од Куманово, Неготино, Истибања, од Прилеп, од Чешиново.

Кире Ризоски е гајдаџија од Прилеп. Повеќе од 20 години е со гајдата, а ја има добиено и како награда од Фестивалот кој традиционално на најдобриот изведувач ја доделува „гајдата на Пеце" што ја обезбедува општина Долнени. Вели има гајдаџии, но имаме и обврска спрема новите генерации.

– Гајдаџиството сѐ уште живее, но ние треба постојано да го поттикнуваме интересот за изворните инструменти. не само што сс наша традиција, туку и наше богатство. А, верувајте, полна е душата кога ќе се чуе звукот на гајдата, кога ќе се разлее насекаде. Како постојано да си дома, вели Ризоски.

Во центарот за култура „Марко Цепенков" денеска се одржа и Симпозиум на темас „Фолклорот некогаш и денес" на кој еминентни етномузиколози ги изнесоа своите истражувања. Беше претставен и зборникот со трудови, втор по ред на темата за фолклорот. Наместо семинар за изучување на народните инструменти, поради пандемијата, фестивалот обезбеди и видео-презентации на етномузиколозите на тема „Традиционалната култура во Прилепско поле"

Вечер од 18 часот на Рудина, Долнени, лулката на Фестивалот и на гајдаџиството, ќе биде втората фестивалска вечер со уште 70-ина изведувачи на изворен мелос од земјава.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Само газење за Видиновски“ – нови закани за новинарот на Канал 5!

На социјалните мрежи повторно се појавија закани за физичко насилство кон новинарот Александар Видиновски, овој пат со повик за „газење“ под видео објавено од градоначалникот Орце Ѓорѓиевски.

„Само газење за Видиновски“ – нови закани за новинарот на Канал 5!

„Ај бе преку таквото со тој Видиновски… Што направил корисно, што снимал ѓубре?! Да не земал да исчисти? За џаболебари кои немаат што да направат во животот, само газење.“ Ова е содржината на последната закана јавно објавена на социјалните мрежи. „Газењето“ се препорачува под видео објавено на профилот на скопскиот градоначалник Орце Ѓорѓиевски.

Во последниот период зачестија заканите кон новинарот, а за овој и за сличните случаи поднесена е пријава до МВР. Досега неколку пати реагираа и Здружението на новинарите на Македонија (ЗНМ) и Македонската асоцијација на новинари (МАН).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЕК го потврди она што го зборува СДСМ - Мицкоски и ВМРО вршат системски притисок врз судствотото

Европската комисија го потврди она што го зборува СДСМ со месеци, - Христијан Мицкоски и ВМРО вршат системски притисок врз судството и обвинителството а корупцијата е неказнива.

ЕК го потврди она што го зборува СДСМ - Мицкоски и ВМРО вршат системски притисок врз судствотото

Европската комисија во својот најнов Извештај за владеење на правото јасно и недвосмислено нотира мешање и притисок врз судството и обвинителството од страна на претставници на власта.

Ова не е општа забелешка, ова е директна и сериозна дијагноза на состојбата во која се наоѓа правосудниот систем во Македонија.

Комисијата предупредува дека измените на Кривичниот законик повторно создаваат простор за неказнивост, дека постои политичко влијание врз постапките на судиите и обвинителите и дека независноста на правосудниот систем е сериозно загрозена.

Ова се случува во момент кога Македонија треба да ги исполнува најстрогите стандарди за владеење на правото доколку сака да продолжи кон Европската унија.

Она што Европската комисија го забележува како системски проблем е токму резултат на политиката која ја води Христијан Мицкоски и организираната криминална група ВМРО.

Наместо независно судство и обвинителство, граѓаните добиваат политичка контрола врз институциите, селективна правда и заштита на криминалот на власта.

Европската комисија јасно порачува дека без вистинска независност на правосудството нема напредок кон ЕУ. Мицкоски и ВМРО, наместо да ги спроведуваат реформите, продолжуваат со истата практика на притисок и контрола која ја имаа и во минатото.

Граѓаните на Македонија не смеат да дозволат правдата да биде во рацете на оние кои ја штитат криминалната мрежа.

Време е за одговорност. Време е за независно судство. Време е за Европа.

Скопје, 18.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ:По седум години обезбедени учебници по странски јазици, инвестирани над 70 милиони евра во училишта, спортски сали

По седум години обезбедени учебници по странски јазици, инвестирани над 70 милиони евра во училишта, спортски сали и задоволен наставен кадар со покачени плати

ВМРО-ДПМНЕ:По седум години обезбедени учебници по странски јазици, инвестирани над 70 милиони евра во училишта, спортски сали

Со ВМРО-ДПМНЕ на власт образованието се враќа во фокусот државните приоритети. Заврши времето на хаос во образованието и неизвесноста на наставниците и учениците.

Наставниците добија предвидливост и редовно покачување на платите, додека учениците стабилен наставен процес со учебници по сите предмети во своите раце.

За разлика од претходните седум години власт на СДС, кога имаше учебни години без отпечатени учебници, денес над еден милион примероци се на училишните клупи и истите се набавени по значително пониски цени, со што само во последните две години се заштедени околу 45 милиони денари.

Втора година по ред, учебниците за сите одделенија ги дочекаа учениците уште на првиот училиштен ден и за првпат по седум години, учениците повторно добија учебници по странски јазици.

Од друга страна, спротивно на минатото, кога платите се покачуваа исклучиво пред избори и никој не знаеше колку ќе изнесува покачувањето, денес постои јасен и предвидлив систем кој го вреднува и достоинствено го плаќа трудот на наставниот кадар и, со избор на звањата ментор и советник, се овозможи кариерен напредок за наставниците и стручните соработници во средното образование.

Со потпишаната спогодба со СОНК, во зависност од инфлацијата, обезбедено е гарантирано зголемување на платите во следните четири години од 40 до 60 проценти, со што само во првите две години платите на сите вработени во образованието се зголемија за повеќе од 20 проценти.

Забрзано се модернизира образовниот процес, така што над 160 училишта се опремени со современа ИТ опрема, дигитализирани се сите услуги за учениците и студентите, се воведе нов електронски дневник и електронски свидетелства и се обучија над 1.000 наставници за етичка примена на вештачката интелигенција.

Посебно внимание се посвети и на образовната инфраструктура, при што само во првата година од мандатот се инвестирани над 70 милиони евра во нови училишта, спортски сали, реконструкции и проширување на училишни капацитети.

Посебно внимание е посветено на инклузивното образование и за таа цел за прв пат се воведоа 150 образовни асистенти во средното и од 800 на 1.350 се зголеми нивниот број во основно образование.

Владата несебично се вложи за подобрување на состојбите, покажа одговорна политика и сериозни инвестиции кои го враќаат достоинството и квалитетот во образованието.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер