Отворен 63. Балкански фестивал на народни песни и игри во Охрид - Канал 5

Култура

Отворен 63. Балкански фестивал на народни песни и игри во Охрид

Со традиционално дефиле на учесниците и целовечерен концерт на Националниот ансамбл за народни песни и игри „Танец“ синоќа во Охрид беше отворено 63. издание на Балканскиот фестивал на народни песни и игри.

Отворен 63. Балкански фестивал на народни песни и игри во Охрид

Со традиционално дефиле на учесниците и целовечерен концерт на Националниот ансамбл за народни песни и игри „Танец“ синоќа во Охрид беше отворено 63. издание на Балканскиот фестивал на народни песни и игри, една од најстарите и најреномираните манифестации од тој вид во земјава.

Фестивалот за отворен го прогласи Антонио Милошовски, потпретседателот на Собранието што е генерален покровител на манифестацијата.

- Секоја држава освен тоа што има класична дипломатија, влада, министерство за надворешни работи и други институции е многу добро кога има и културна дипломатија во своето функционирање, затоа што преку културната дипломатија како што е овој Балкански фестивал се создаваат уште поцврсти врски и на мнбогу подобар начин се претставуваат културното богатство и особеностите на една држава како што е Македонија, но и на сите држави коишто биле и ќе бидат дел од овој меѓународен фестивал на народни игри и песни, рече Милошовски пред публиката во Центарот за култура „Григор Прличев“.

Од има на градот Охрид учесниците на Балканскиот фестивал и посетителите ги поздрави Перчо Божиновски, претседателот на Советот на Општина Охрид.

- Во Охрид оваа вечер го славиме 63 издание на најстариот Меѓународен фолклорен фестивал – Балканскиот фестивал на народни песни и игри. Овој настан е од огромно значење за одржувањето на фолклорните, обичајните, етнолошките, културните и над се пријателските врски со сите земји на Балканот чии што играорци ќе продефилираат овие денови низ охридската чаршија и низ древнината на нашиот град, рече Божиновски.

Во рамки на манифестацијата денеска на програмата се настапите на „Севернашки ансамбл“ од Република Бугарија, КУД „Илинден“ од Битола со музичко-сценскиот проект „На Панигир“ – ора и песни од Јужномакедонска етнографска целина и Фолклорниот ансамбл „Љупчо Сантов“ од Оризари, што ќе настапи со сплет на ора од Осоговијата.

На „Долни Сарај“ утре ќе настапат „Севернашки ансамбл“ од Бугарија, Фолклорното студио „Блажески“ од Скопје, Фолклорниот ансамбл „Бисери“ од Охрид, КУД „Круг“ од Сиднеј и КУД „Бенџо“ од Мелбурн, Австралија.

Влезот за сите настани е слободен, а aлтернативна сцена на „Долни Сарај“ е големата сала во НУЦК „Григор Прличев“ во Охрид.

Балканскиот фестивал на народни песни и игри е меѓународна фолкорна манифестација, основана 1962 година. Првобитното име на фестивалот е „Охридски фестивал на аматерските ансамбли на народни песни и ора“. Свеченото отворање се одржа на 20 јули 1962 година на Градскиот плоштад. Од 1967 година Фестивалот добива концепција на него да учествуваат вокално-инструментални состави и солисти кои ќе го презентираат автентичното народно творештво и традиционалната култура низ ората, игрите, песните, обредите, обичаите, народните носии, инструментите што се употребуваат во музиката и ракотворбите.

Над дваесеттина години Балканскиот фестивал на народни песни и игри е член на двете асоцијации во рамките на УНЕСКО - Интернационалниот совет на организациите за фолкорни фестивали и фолкорна уметност и Меѓународната организација за фолкорна уметност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Соборен е рекорд на позната аукција во Франција- ждребе достигна неверојатна цена (ВИДЕО)

Ждребе од францускиот одгледувач Монсо постави нова рекордна цена на престижна аукција на едногодишни ждребиња во Довил, продадено за 4,6 милиони евра, објавија организаторите на аукцијата.

Соборен е рекорд на позната аукција во Франција- ждребе достигна неверојатна цена (ВИДЕО)

Фармата за ждребиња во Нормандија повторно „ги испиша рекордите“, бидејќи „го сруши својот претходен рекорд од три милиони евра, поставен во 2025 година“, објавува „Ле Фигаро“.

Роден од кобилата Дедли Најтшејд и пастувот Вутон Басет, ждребето беше продадено на ирскиот милијардер МВ Менгер и американската штала Вајт Берч Фарм.

„Едногодишници“ се едногодишни англиски чистокрвни коњи кои се наменети за трки на рамна патека.

Августовските распродажби во Довил, во северозападна Франција, се меѓу најпрестижните во Европа и привлекуваат купувачи од целиот свет.

Според организаторите, на аукцијата беа продадени 236 едногодишни коњи, за кои новите сопственици платија повеќе од 65 милиони евра, со просечна цена од близу 278.000 евра.

Тагови: аукција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

На најпосетената плажа на светот дневно доаѓаат по 200.000 луѓе- се жалат дека не можат да стигнат до морето (ВИДЕО)

Плажата Дамеиша во Шенжен, Кина, се смета за најпосетувана во светот.

На најпосетената плажа на светот дневно доаѓаат по 200.000 луѓе- се жалат дека не можат да стигнат до морето (ВИДЕО)

Песочната плажа е долга само 1,8 километри, но во шпицот на сезоната ја посетуваат 200.000 луѓе истовремено, според „Одити Централ“.

За време на летните викенди, плажата е преполна со капачи, а некои туристи пријавуваат дека едвај можат да стигнат до водата. Поради ограничениот простор, луѓето се збиени, а песокот не е видлив од пешкирите и чадорите.

Ситуацијата е уште потешка во текот на топлите денови, кога побарувачката за место на плажата значително се зголемува.

За да се избегне пренатрупаност, властите во Шенжен воведоа задолжителен систем за резервации и ограничен пристап на 80.000 посетители дневно помеѓу мај и октомври.

Пристапот е бесплатен, а плажата е лесно да се најде, со неколку автобуски линии и метро станица во непосредна близина. Овие карактеристики ја прават исклучително популарна и кај локалното население и кај туристите.

YouTube video

И покрај гужвите и негативните критики на интернет, Дамеиша продолжува да привлекува многу посетители секое лето. Фотографиите од преполната плажа честопати стануваат вирални на интернет, додека критиките од туристите се поделени.

Некои се жалат дека не можеле ниту да стигнат до морето поради гужвите, додека популарноста на местото продолжува да расте.

Дамеиша е дел од крајбрежната туристичка област на Шенжен, каде што посетителите можат да најдат и други атракции, ресторани и места за забава.

Во близина е Сјаомеиша, уште една позната плажа во градот, што ја прави оваа област една од главните дестинации за оние кои сакаат да избегаат од градските гужви и да поминат време покрај морето.

Тагови: морето плажа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Енди Грин во „ѕвер“ од 1.600 КС на чист водород напаѓа три светски рекорди (ВИДЕО)

Британскиот возач Енди Грин, единствениот човек што го пробил звучниот ѕид со автомобил, се враќа во Солените рамнини Бонвил во САД за да сруши повеќе светски рекорди за брзина.

Енди Грин во „ѕвер“ од 1.600 КС на чист водород напаѓа три светски рекорди (ВИДЕО)

Тој вози JCB Hydromax со 1.600 коњски сили што работи на чист водород, објави Тајмс.

Официјалниот обид се спроведува под надзор на ФИА. На неодамнешната тренинг сесија, Грин достигна брзина од 592 километри на час, објавувајќи дека ги срушил претходните рекорди во неколку различни категории.

Мотор од градежна механизација за екстремни брзини

Возилото долго речиси десет метри е напојувано од два прилагодени мотори земени од тешката градежна механизација на JCB. За разлика од стандардните електрични возила со горивни ќелии, овој систем го меша водородниот гас со воздух и го пали директно во цилиндрите.

Компанијата инвестираше повеќе од 134 милиони долари во развој на технологијата, која е без штетни издувни гасови. Претседателот на компанијата, Ентони Бамфорд, вели дека пустинскиот проект ја докажува применливоста на водородот во тешката индустрија каде што батериите се премногу тешки и непрактични.

YouTube video

Висок ризик на пресушеното солено езеро

Главниот предизвик за време на возењето е слабото прилепување на пресушеното солено езеро во Јута. Грин се потпира на падобран за да го запре чудовиштето при екстремни брзини, додека возењата се планирани за рано наутро пред да се зголеми пустинската топлина.

Водородот се складира под висок притисок и е екстремно запалив, што создава дополнителни безбедносни предизвици за тимот. 64-годишниот возач вели дека внимателно управуваат со сите ризици за да го демонстрираат максималниот дострел на горивото во пракса.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер