Отворен 54. МТФ „Војдан Чернодрински" - Канал 5

Отворен 54. МТФ „Војдан Чернодрински"

Со доделување на наградите за животно дело и со првата претстава во конкуренцијата, „Макбет" на МНТ од Скопје, синоќа во Центарот за култура „Марко Цепенков" беше отворен 54. Македонски театарски фестивал „Војдан Чернодрински".

Отворен 54. МТФ „Војдан Чернодрински"

Фестивалот го поздрави прилепскиот градоначалник Илија Јованоски, а за отворен го прогласи заменик-министерот за култура Владимир Лазовски.

-Време е да се да си дозволиме уживање со естетиката на говорот, на актерската игра, костимографијата, на сценографијата, сето предводено од режисерската палка. Во храмот на Талија ќе уживаме 8 вечери, ќе ги впиваме храбрите пораки на драматурзите, на сценаристите, изговорени од извонредните актери, мајсторите назанаетот. Сето истовремено е рефлексија на случувањата во општеството. Од ова место извираат безвременски пораки, мудрости, вредности, вткаени во ризницата на нашето богато културно творештво, негувајќи го нашиот културен идентитет. Прилеп ја продолжува традицијата да биде расадник на реномирани театарски имиња, да создава публика со истенчен театарски вкус, давајќи свој придонес во одржувањето на високо поставените критериуми на театарската уметност и на културните вредности, рече Јованоски.

За заменик-министерот, Прилеп по 54-ти пат е нашата најголема театарска арена.

-Овде, во Прилеп, врвните македонски уметници ги испраќаат своите пораки кои со илјадници години покажуваат дека се едни од најсилните корективи на актуелните општествени случувања. Во, само за Прилеп, автентичната фестивалска атмосфера, професионалните продукции ги претставуваат своите најнови претстави. Се натпреваруваат пред стручното жири и критиката, но и пред публиката, најврвното жири кое со истанчан вкус, но и со најискрена љубов е спрема театарџиите. На сите колеги уметници им посакувам креативен натпревар кој ќе донесе нов триумф на театарската уметност во земјава, порача Лазовски.

Лауреатите, добитници на наградата за животно дело, режисерот Владимир Милчин и актерот Бајруш Мјаку порачаа дека наградите, многу драги, не ја прекинуваат театарската уметност.

-Наградите се секогаш пријатно изненадување, доколку не ги сфатиме како нешто што треба да нѐ промени. Ниедна награда во животот не ме променила. Едно знам: дури и да не беше наградата, јас ќе продолжам да правам претстави, зашто тоа е посилно од сѐ. Наградата е убава работа, ама не значи точка, туку е две точки и потоа следува уште нешто. театарот е живот и не завршува со наградите, рече Милчин.

-Секоја награда си има своја тежина. Кога говориме за оваа награда, награда за животно дело, има една посебна тежина, зашто доаѓа од колегите, од театарските луѓе и од Фестивал кој има долг век на траење. Оваа награда ми е драга од речиси другите кои сум ги добивал, изјави актерот Мјаку.

Музичкиот виртуоз Влатко Стефановски кој пред претставата „Макбет" приреди воодушевувачки концерт со театарска и филмска музика смета дека театарот и музиката се тесно пшоврзани уметности и секогаш е задоволство да се создава музика за театар и за душа.

-Голем дел од мојата музика или настанала како театарска или била користена за разни театарски облици. Вечерва свирам една нумера која неодамна ја направив за една театарска претстава за МНТ и значи, со големо задоволство настапувам во Прилеп на отворањето на Фестивалот. Јас не правам разлика дали музиката ми е нарачана или сум ја компонирал затоа што така ми дошло, најбитно е песната да е добра, без разлика дали е нарачана или самата се појавила. Живеење во музичко-треатарско семејство, би рекле, дава насоки што да прави човек понатаму. Јас бев опкружен со театарџии, не го продолжив тој пат, но одвреме-навреме наминувам во театар. И да свирам и да компонирам музика за театарска претстава. Така што, инспирира да си опкружен со луѓе кои се занимаваат со уметност, рече Стефановски.

Прилепската публика која има „стаж од 54 години за следење театарски претстави, годинава првпат ќе има можност да гласа и да додели награда за најдобра, според нејзина оцена, претстава. Првите разговори на критиката, пак, за претставата „Макбет" од Вилијам Шекспир во режија на Нела Витошевиќ се одржуваат денеска од 11 часот. Вечер на програмата на Фестивалот од 19.30 часот е втората претстава „Бакхи-краток преглед на распадот" според Еврипид, во режија на Игор Вук Торбица, во изведба на Народниот театар Битола./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Министерството за финансии објави Проспект за нова Граѓанска обврзница

Министерството за финансии денеска објави Проспект за издавање нова емисија Граѓански обврзници. 

Министерството за финансии објави Проспект за нова Граѓанска обврзница

Станува збор за четврта емисија Граѓански обврзници коишто ќе бидат со рок на доспевање 2 години и каматна стапка од 4,6% годишно.

Граѓаските обврзници може да се запишат во филијалите на деловните банки во земјава до 1 декември 2026 година и да учествуваат на аукцијата која е закажана за 3 декември 2026 година.

Миниманиот износ што граѓаните може да го запишат е 10.000 денари, односно една граѓанска обврзница. Проспектот е објавен на износ од 100 милиони денари.

Датумот на достасување на обврзниците е 11 декември 2029 година. Каматата за првата година достасува на 11 декември 2028 и за втората година на 11 декември 2029 година.

Министерството за финансии досега има издадено три емисии Граѓански обврзници. Првата емисија беше издадена на 13 јули 2023 година во износ од 23,5 милиони евра. Втората емисија беше издадена на 7 ноември 2023 година во износ од 17,6 милиони евра и третата емисија е издадена на 12 декември 2025 година во износ од 33 милиони евра. Граѓанските обврзници од првата и втората емисија заедно со каматата се исплатени во целост.

Линк до објавениот Проспект:

https://portal.mdt.gov.mk/post-body-files/prospekt-aukcija-na-drzavni-xartii-od-vrednost-file-0ib9.pdf

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Јанев на средба со претставници на Амбасадата на Обединетото Кралство и IPAS

Денеска (18.11.2026), директорот на Бирото за јавна безбедност, Александар Јанев, оствари средба со претставници на Амбасадата на Обединетото Кралство и на Меѓународната служба за полициска помош (IPAS) на Обединетото Кралство.

Јанев на средба со претставници на Амбасадата на Обединетото Кралство и IPAS

На средбата беше изразено заемно задоволство од досегашната успешна соработка меѓу двете држави, како и подготвеност за нејзино продолжување и натамошно интензивирање во областа на безбедноста и полициското работење.

Во таа насока, беше истакнато дека се одржани повеќе работни состаноци со претставници на релевантните организациски единици во рамки на Министерството, со цел унапредување на меѓусебната координација, идентификување на приоритетите и реализација на конкретни заеднички активности.

Двете страни ја потврдија подготвеноста за продолжување и продлабочување на партнерската соработка, со посебен акцент на реализација на конкретни заеднички активности во областа на безбедноста и полициското работење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Заштита на децата од сексуална злоупотреба: Можности за воспоставување национална линија за пријавување

Настанот се реализираше во рамки на проектот „Безбеден интернет за деца и млади“, кој го спроведува Првата детска амбасада во светот „Меѓаши“, во партнерство со ИМПЕТУС.

Заштита на децата од сексуална злоупотреба: Можности за воспоставување национална линија за пријавување

По повод Светскиот ден за спречување и заздравување од сексуална експлоатација, злоупотреба и насилство врз децата, денеска во Собранието се одржа настанот насловен „Заштита на децата од сексуална експлоатација и онлајн и офлајн злоупотреба: Можности за воспоставување национална линија за пријавување CSAM“.

Настанот се реализираше во рамки на проектот „Безбеден интернет за деца и млади“, кој го спроведува Првата детска амбасада во светот „Меѓаши“, во партнерство со ИМПЕТУС. Целта на проектот е воспоставување одржлив и интегриран национален систем за заштита на децата и младите во дигиталната средина, преку унапредување на постојните механизми за помош, советување и пријавување штетни и незаконски содржини на интернет.

Настанот го отвори пратеничката и претседателка на Клубот на жени пратенички во Собранието, Јованка Тренчевска, која во своето воведно обраќање ја истакна важноста од подигнување на јавната свест за ова исклучително значајно прашање. Таа се осврна и на Предлог-законот за заштита на малолетните лица при користење дигитални услуги и социјални мрежи, кој во моментов е во собраниска процедура.

Гонце Јаковлеска, претставничка на Цивика мобилитас, истакна дека нивниот фокус во овој период е премин од дијалог кон конкретни постигнувања. Таа нагласи дека веќе постојат истражувања и податоци кои ја потврдуваат сериозноста на проблемот и дека преку вакви иницијативи се очекува да се придонесе кон промени и воспоставување соодветни механизми за заштита.

Претседателката на ИМПЕТУС, Лилјана Пецова Илиеска, ја истакна улогата на организацијата во поддршката на младите, особено како поврзувачка точка меѓу граѓаните и институциите. Таа посочи дека граѓаните можат да се обратат до ИМПЕТУС за проблемите со кои се соочуваат на дигиталните платформи и да добијат соодветна консултација и насоки за понатамошно постапување.

Меѓу клучните предизвици што ги посочи беа сложеноста на механизмите за пријавување проблеми на дигиталните платформи, недоволната информираност за постојните механизми, како и поврзаноста меѓу заканите во дигиталниот простор и последиците во реалниот живот.

Директорот на Првата детска амбасада во светот „Меѓаши“, Жарко Змијанац, нагласи дека основната улога на организацијата е застапување на правата и потребите на децата, поради што е неопходно да се изнајдат функционални механизми и соодветни форми на заштита.

Тој посочи дека, само 0,2 проценти од постојните случаи се пријавени на СОС-линијата, што укажува на сериозен проблем со недоволната доверба кај младите и нивната информираност за тоа каде и кому можат да се обратат.

Како еден од приоритетите ја истакна потребата од унапредување на платформата „Ало Бушавко“ и линијата 116 - 111, со цел нивно зајакнување како доверливи контакт-точки преку кои децата и младите ќе можат да пријават различни форми на насилство и да добијат соодветна поддршка.

Во продолжение следеше онлајн презентација на Клои Комсток од Меѓународната мрежа на линии за пријавување материјали со сексуална злоупотреба на деца – INHOPE, на тема „Како функционираат линиите за пријавување и меѓународната соработка“. Презентацијата ги опфати функционирањето на овие механизми, нивната улога во откривањето и пријавувањето незаконски содржини, како и значењето на меѓународната соработка.

Во рамки на понатамошната дискусија беа опфатени улогите и надлежностите на клучните институции во процесот „Од пријава до институционално постапување“, со посебен осврт на Министерството за внатрешни работи, Јавното обвинителство и институциите надлежни за заштита на децата.

Беше разгледана и судската перспектива во постапувањето по предмети поврзани со материјали со сексуална злоупотреба на деца (CSAM), при што беше истакнато значењето на навременото пријавување и зачувувањето на доказите.

Како клучни заклучоци од настанот беа издвоени: Подготовка на нацрт-модел за воспоставување национална линија за пријавување материјали со сексуална злоупотреба на деца (CSAM), кој ќе биде доставен до надлежните институции; Зајакнување на капацитетите на институциите и стручните служби преку специјализирани обуки; Унапредување на координацијата и соработката меѓу институциите и граѓанските организации; Подобрување на информираноста и довербата кај децата и младите во постојните механизми за пријавување и поддршка; Зајакнување на стручните служби во образованието во препознавањето и соодветното постапување во случаи на насилство и злоупотреба.

Настанот ја потврди потребата од координиран пристап, функционални механизми за пријавување и институционална подготвеност, со цел секое дете да има пристап до навремена, доверлива и соодветна заштита, како во дигиталната, така и во реалната средина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер