Во таа прилика Јована со нас ги сподели своите импресии и ни раскажа нешто повеќе за понатамошните планови.
Како си ти, како се чувствуваш?
- Па искрено многу сум возбудена, и нормално горда на мене и на целиот мој тим дека овој месец славиме 10 години од постоењето на фирмата, на брендот. Така традиционално го отвараме и новото студио, затоа што пред 10 години го основавме брендот го отворивме првото студио, и ете сме после 10 години со ново студио.
10 години, тоа не е мала бројка, која е онаа вистинска порака или ина што те мотивира за да продолжиш да креираш и да опстануваш на оваа сцена?
- Имам многу мотивација во мене имам многу енергија и желба. Денска си посакав следното нешто што ќе го направам е една мала фабрика кадешто ќе имаме уште поголема фамилија „Јована Филиповиќ” и ќе работиме нормално и за Македонија и за странство и пошироко. А пораката е никогаш да не се откажувате од своите соништа, мислам јас не се откажав и не планирам да се откажам туку напротив да се борам уште повеќе и заедно со тимот да постигнеме уште многу поголеми работи.
Ме интересира дали тебе првичната идеја за студиото ти беше да се чувствуваш како дома?
- Тоа ни е секогаш поентата и со сите претходни студија, кога ќе дојдат луѓето да се чувствуваат добредојдено да се чувствуваат како дома.
И за крај ако може нешто да ми откриеш за твоите идни планови, некои нови колекции?
- Дефинитивно нова колекција ќе спремаме сега за новото студио. Овој период се фокусираме повеќе да го средиме новото студио, имаме некои нови парчиња меѓутоа немаме нова колекција. Така да тоа ќе биде следно дефинитивно.