Живот

Отпечаток од рака стар 4.000 години пронајден на египетски глинен сад

Отпечаток од рака од пред 4.000 години, оставен на глинен сад, е откриен за време на подготовката за изложба во музеј во Египет. Отпечатокот бил оставен на основата на „куќа на душите“ - глинен сад за храна којшто бил поставен во гробница.

- Реткиот и возбудлив целосен отпечаток од рака, веројатно, го направил изработувачот на предметот, кој го допрел пред глината да се исуши... Забележавме траги од отпечатоци од прсти оставени на декорацијата. Тој наод е редок и возбудлив - да се најде целосен отпечаток од рака под оваа „куќа на душите“. Ова го оставил изработувачот кој го допрел пред да се исуши глината. Никогаш претходно не сум видел толку целосен отпечаток од рака на египетски предмет, изјави Хелен Страдвик, египтолог од музејот „Фицвилијам“ во Кембриџ.

Садот датирана од околу 2055 - 1650 година п.н.е., служел за оставање храна за душата на починатата личност, според истражувачката, која е и кустос на новата изложба под наслов „Направено во Древниот Египет“, објави „Стандард њуз“ (Standard News).

- Може, просто, да замислите како лицето кое го направило ова, го зема за да го изнесе од работилницата за да се исуши пред да се пече. Ваквите работи Ве водат директно до мигот кога е направен предметот и до лицето кое го направило, што е фокусот на нашата изложба, додаде Страдвик.

Куќата на душата ќе биде изложена на изложбата што ќе биде отворена на 3 октомври.

Тагови: Египет

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Објавена просечната плата во Црна Гора

Просечната плата без даноци и придонеси, или нето плата, во Црна Гора во мај 2026 година изнесувала 1.033 евра, додека просечната бруто плата била 1.234 евра, објави Заводот за статистика на Црна Гора Монстат.

Според податоците, просечната нето плата во мај се зголемила за 0,4 проценти во споредба со април 2026 година. Во споредба со истиот месец од претходната година, просечната нето плата забележала зголемување од 1,9 проценти.

Со оглед на тоа што потрошувачките цени во мај 2026 година се зголемиле за 0,4 проценти во споредба со април, произлегува дека реалните плати останале на исто ниво.

Извор: Б92

Тагови: Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Првиот електричен мотоцикл на „Honda“ пристигнува во Европа

Електричниот мотоцикл „Honda WN7“ пристигна на европските пазари во јуни 2026 година, придружувајќи се на електричните скутери „EM1 e:“ и „CUV e:“.

За разлика од скутерите кои користат систем на заменливи батерии, „WN7“ е првиот електричен мотоцикл на „Honda“ со фиксна батерија, поставена ниско и централно за оптимален центар на гравитација и подобри карактеристики на возењето.

Иако целосно го елиминира традиционалниот погонски склоп, „WN7“ го задржува фокусот на „Honda“ на динамиката на возењето. Отсуството на бучава и вибрации е искористено како можност за полинеарен одговор на гасот и подобра врска помеѓу возачот и околината, вели јапонската компанија.

Инженерските предизвици како што се пакувањето на батериите, термичкото управување и распределбата на тежината се адресирани холистички, што директно ја одразува стратегијата на автомобилскиот сектор каде што положбата на батеријата е клучна за управувањето.

Моделот „WN7“, исто така, носи висока практичност бидејќи ги усвојува стандардите за полнење во автомобилите, поддржувајќи брзо полнење „AC“ тип 2 и „CCS2“, што овозможува користење на постојната јавна мрежа за полнење. Покрај тоа, испораката на вртежниот момент е прилагодена низ четири режими на возење, со интегрирано регенеративно сопирање.

Оваа иновација е дел од поширокиот план на компанијата за постигнување целосна јаглеродна неутралност до 2050 година. Во текот на следната деценија, хибридните системи и целосно електричните возила ќе коегзистираат во гамата на „Honda“, нудејќи им на клиентите преодни решенија кои беспрекорно се интегрираат во секојдневниот живот.

Извор: Б92

Тагови: Honda

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода три лица под сомнение за сторено кривично дело предизвикување општа опасност на територија на скопски Чаир

По документирање на случајот, ќе биде поднесен соодветен поднесок.

Денеска (02.07.2026) на ул. “Јадранска магистрала” во Скопје, полициски службеници од СВР Скопје ги лишија од слобода Џ.Џ., А.А. и Ф.Љ. поради основи на сомнение за сторено кривично дело “предизвикување на општа опасност” по член 288 од КЗ. На 01.07.2026 околу 23:20 часот во ПС Чаир е пријавено дека во отпад за секундарни суровини на подрачје на ПС Чаир, бил запален багер.

Веднаш по добиената пријава, полициски службеници од СВР Скопје ги забележале лицата кои биле со патничко возило “бмв” со ресенски регистарски ознаки по што ги лишиле од слобода. По документирање на случајот, ќе биде поднесен соодветен поднесок.

Тагови: Чаир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.