Дел од иновацијата зад сосема новиот концепт автомобил на PEUGEOT – PEUGEOT POLYGON CONCEPT, е и околината во која првпат можете да го откриете.

По краткиот преглед на надворешниот дизајн на POLYGON минатата недела, PEUGEOT го објави своето претставување во универзумот на Fortnite.

Во партнерство со Gameloft, лидер во развој и издавање на мултиплатформски игри, PEUGEOT им овозможува на сите фанови и гејмери можност да ги откријат клучните карактеристики на PEUGEOT POLYGON CONCEPT.

Отворете Fortnite и од главното мени одете во табот “Discover”.

Внесете Island Code: [4592-5340-1652].

Fortnite е една од најпознатите и најмоќни онлајн игри.

Како и PEUGEOT POLYGON CONCEPT, така и PEUGEOT Island во Fortnite нуди импресивно и иновативно искуство за сите фанови и играчи. PEUGEOT продолжува со својата мисија да истражува нови аудитории и ја потврдува својата присутност во гејминг универзумот, овозможувајќи забавен и нов начин за откривање на концепт автомобилот кој ја прикажува визијата

на PEUGEOT за иднината. Официјалното претставување ќе се одржи на 12 ноември, преку дигитално откривање на YouTube каналот на PEUGEOT.

PEUGEOT POLYGON CONCEPT е претставен на спектакуларниот остров PEUGEOT POLYGON CITY.

Креиран од Gameloft, во тесна соработка со дизајнерскиот тим на PEUGEOT, овој остров ја има формата на Hypersquare – револуционерен систем за управување со steer-by-wire технологија, клучен елемент за идното задоволство во возење кај PEUGEOT возилата и самиот POLYGON CONCEPT.

Играчот се спушта на PEUGEOT POLYGON CITY, посебен остров каде што веднаш ќе ја препознае Hypersquare формата од воздушна перспектива.

Предизвикот: создај го својот POLYGON CONCEPT, персонализирајќи го со помош на токени заработени преку мини-игри расфрлани низ градот.

Овој концепт автомобил го носи персонализирањето на сосема ново ниво, овозможувајќи им на играчите да прилагодат голем број елементи на автомобилот – внатрешни и надворешни, како што се Hypersquare, тркалата, бојата на каросеријата и светлосните потписи.

Фил ЈОРК, Директор за маркетинг и комуникации во PEUGEOT, изјави:

„Возбудени сме што соработуваме со Gameloft за да го оживееме PEUGEOT POLYGON CONCEPT во оваа возбудлива и ексклузивна претпремиера. Со влегувањето во универзумот на Fortnite, не претставуваме само концепт автомобил – ги покануваме фановите и гејмерите да ја доживеат нашата визија за идниот дизајн и бројните можности за конфигурација што ги нуди PEUGEOT POLYGON CONCEPT. Едно возило со повеќе страни. Ова е начин да се поврземе со нови аудитории и да ја преосмислиме автомобилската иновација преку дигитална експлорација.“

Жан-Батист ГОДИНО, Извршен Потпретседател на Gameloft Brands, изјави:

„PEUGEOT POLYGON CITY не само што ја исполнува мисијата интерактивно да ги ‘преведе’ основните вредности на PEUGEOT на една од најголемите забавни платформи денес, туку и да создаде возбуда и поврзаност со помладите генерации. Ова е еден од најзначајните проекти што ги имаме.“

БИДИ ДЕЛ ОД POLYGON CITY ОСТРОВОТ ДЕНЕС!

Авантурa што спојува забава и умешност во футуристичка околина — исто како и POLYGON CONCEPT.

Откриј го PEUGEOT POLYGON CONCEPT на PEUGEOT POLYGON City островот во Fortnite, следејќи ги чекорите подолу:

Отвори Fortnite на уредот по твој избор.

Од главното мени оди во табот “Discover”.

Внеси го Island Code: [4592-5340-1652].

Притисни Play и нурни се во искуството.

*PEUGEOT POLYGON City е независно креиран остров во Fortnite и не е спонзориран, одобрен или управуван од Epic Games, Inc. PEUGEOT Polygon City Island е достапен само на избрани конзоли.

ЗА GAMELOFT

Лидер во развојот и издавањето на мултиплатформски игри, Gameloft® се има етаблирано како пионер во индустријата, создавајќи иновативни гејминг искуства веќе 25 години.

Gameloft создава игри за сите дигитални платформи — од мобилни, до крос-платформски наслови за PC и конзоли. Компанијата управува со свои познати франшизи како што се Asphalt®, Dragon Mania Legends, March of Empires и Dungeon Hunter, а истовремено соработува и со големи светски брендови и носители на права, вклучувајќи ги LEGO®, Universal, Illumination, Hasbro® и Fox Digital Entertainment.

Gameloft ги дистрибуира своите игри во повеќе од 100 земји и вработува 3.000 луѓе низ целиот свет. Секој месец, 1 милијарда уникатни корисници може да се достигнат преку рекламите во игрите на Gameloft, преку Gameloft for Brands — водечка B2B платформа посветена на брендовите и агенциите.

Gameloft е дел од Vivendi групацијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.