Токму таква одлука, донесена од едно семејство минатиот месец, денес значи нов почеток за двајца пациенти. Со нивната хумана согласност за органодарителство, беше извршена трансплантација – и два живота добија нов, квалитетен продолжеток.

Зад секоја трансплантација стои приказна за храброст. Приказна за семејство, кое во моментот на најголема загуба, помислило на некој друг. И приказна за пациенти кои денес дишат, живеат и се враќаат кон своите најблиски благодарение на тој гест.

Органодарителството не е само медицински чин, тоа е чин на длабока човечност. Секое „ДА" за донирање е потенцијална втора шанса за некој што чека.

"Секоја трансплантација е доказ дека и во најтешките мигови луѓето наоѓаат сила да мислат на другите. Благодарност до секое семејство што избра да подари живот, потенцира министерот за здравство, Сашо Клековски.

"Зад секојa трансплантација стои тим, но пред сè стои една хумана одлука. Таа одлука е она што го прави можно чудото на новиот живот, порачува проф. д-р Билјана Кузмановска, национален координатор за трансплантација.

Во пресрет на 13 август - Светски ден на органодарителство, се приклучуваме на светската иницијатива за подигнување на свесноста за значењето на дарувањето органи и им се заблагодаруваме на сите семејства кои со својата одлука подариле живот.

[❣️] Бидете дел од промената. Бидете причина за нечиј нов почеток.

Министерство за здравство

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Нивото на водата во реката Рајна во Германија се спушти на ново најниско ниво – соопшти денес тамошната Агенција за внатрешна пловидба (WSV) – поради што сопствениците на товарни бродови се принудени да ја прекинат пловидбата на јужните делници од реката.

WSV објави дека пловната длабочина кај Кауб, во близина на Кобленц, изнесува 15 сантиметри, што е под претходното најниско забележано ниво од 25 сантиметри во 2018 година, пренесува Ројтерс.

Како што се наведува, реката е за околу еден метар подлабока од пловната длабочина, комерцијалната пловидба низ Кауб е практично запрена, а веќе не е можно да се резервираат пратки со товар на Рајна во близина на Кауб.

Ниското ниво на водата по овогодишниот топлотен бран и оскудните врнежи значи дека товарните бродови можат да пловат низ реката со само 20 проценти од својот товар, што ги зголемува трошоците за сопствениците на товарот.

Пловниот сообраќај на северниот тек на реката продолжува, но големи количества товар се пренасочуваат кон патниот транспорт, а некои германски власти ги ублажија забраните за движење на камиони за време на викендот.

Аналитичарите оценија дека рекордно ниското ниво на водата во Рајна може да го ограничи економскиот раст на Германија, токму во моментот кога таа покажуваше првични знаци на закрепнување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Во последните недели, претседателот на ФИФА, Џани Инфантино, е на удар на критики од фудбалските навивачи ширум светот – има такви што му замеруваат за низата контроверзни одлуки што ги донесе, има такви што тврдат дека им прави отстапки на Американците поради пријателството со Доналд Трамп, а има и такви што повеќе не сакаат да го гледаат.

Можеби заминувањето на првиот човек на ФИФА е поблиску отколку што очекувавме. Најпрво реагираше УЕФА, која има моќ да води „војна“ против Инфантино, а потоа слични вести пристигнаа и од други делови на светот.

Сепак, има и такви што го поддржуваат Инфантино – тоа е неговиот пријател Доналд Трамп, кој одлучи јавно да застане во одбрана на својот соработник во пресрет на организацијата на Светското првенство во САД, Канада и Мексико.

„ФИФА би направила огромна грешка ако, од која било причина, воопшто размисли за смена на претседателот Џани Инфантино. Тој е фантастичен, предмалку го предводеше најуспешното Светско првенство – и тоа убедливо – што некогаш се одржало. Без него, тоа никогаш повеќе нема да биде толку успешно или профитабилно! Ви благодарам за вниманието посветено на ова прашање. Претседателот DJT“, напиша актуелниот американски претседател и голем пријател на Џани Инфантино, контроверзниот Доналд Трамп.

Доналд Трамп смета дека заминувањето на Џани Инфантино од челната позиција во ФИФА би било лош потег за таа организација, бидејќи таа повеќе не би била истата.

Ова е интересно, со оглед на тоа што сè уште не се знае кои би можеле да бидат кандидатите што би го наследиле човекот кој веќе најави дека ќе се бори за четврт мандат на чело на најважната организација во светот на фудбалот.

„Ако тој си замине, ФИФА нема да биде истата“, заклучи Доналд Трамп со својата карактеристична самоувереност, дури и кога зборува за теми што воопшто не му се блиски. Оние што внимателно ги следат јавните настапи на актуелниот американски претседател веќе го знаат образецот според кој тој зборува – секогаш цврсто верувајќи дека е единствениот човек во светот што го има вистинското мислење. Швајцарскиот адвокат Џани Инфантино е на чело на ФИФА од 2016 година, кога го наследи Сеп Блатер како најмоќен човек во светскиот фудбал. Пред тоа, Инфантино со години работеше во УЕФА, на различни позиции. Меѓу другото, тој учествуваше во креирањето на Европското првенство со 24 екипи и турнирот што се играше низ цела Европа во 2021 година, како и во проширувањето на Светското првенство на 48 екипи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.