Култура

Откриени се записи на дрво, 30.000 години постари од најстарото писмо- германските археолози зачудени

Знаци на предмети стари повеќе од 40.000 години, кои долго време се сметале за обична декорација, би можеле да претставуваат рана форма на запишување информации, десетици илјади години пред првото писмо.

Тоа е она што го веруваат лингвистот Кристијан Бенц од Универзитетот во Сарланд и археологот Ева Дуткевич од Музејот за праисторија и рана историја во Берлин, по анализата на палеолитските артефакти, соопшти Универзитетот во Сарланд.

Тие анализирале повеќе од 3.000 записи на околу 260 предмети кои датираат од пред 34.000 до 45.000 години, објави „Тајмс“.

Многу од артефактите доаѓаат од пештери во планинскиот венец Швабска Јура во југозападна Германија, регион познат по уметноста од ледено доба. Меѓу нив е мала фигура на мамут од слонова коска и фигура на „човек лав“ од пештерата Холенштајн-Штедел, кои се обележани со правилни редови крстови, точки и запирки. Слични низи се појавуваат на алатки и предмети низ цела Европа.

- Нашите анализи покажуваат дека овие низи на знаци немаат никаква врска со денешните системи на пишување, кои се говорни јазици и се карактеризираат со висока густина на информации. Спротивно на тоа, знаците на археолошките предмети често се повторуваат - крст, крст, крст, линија, линија, линија. Овој вид повторување не е карактеристика на говорниот јазик - објасни Кристијан Бенц и додаде:

- Сепак, нашите наоди покажуваат и дека палеолитските ловци-собирачи развиле систем на симболи кој има густина на информации статистички споредлива со најраните протоклинести плочки од древна Месопотамија, кои биле создадени 40.000 години подоцна. Низовите на знаци во протоклинестото писмо се исто така повторувачки, а поединечните знаци се повторуваат со слична фреквенција. Во однос на сложеноста, овие низи на знаци се споредливи.

- Фигурините покажуваат поголема густина на информации од алатките - известува археологот Дуткевич, кој претходно бил кустос на Археолошкиот парк Фогелхерд во Швапската Јура.

Примената на методите на компјутерска лингвистика покажа дека низите на овие знаци се исклучително структурирани и имаат сличности со праклинестото писмо, систем на пишување што се појавил во јужна Месопотамија околу 3000 година п.н.е. Научниците објаснуваат дека многу предвидлива низа на знаци (како што се „крст, крст, крст, крст“) може да носи многу помалку информации од поразновидна (на пример: „крст, точка, крст, линија“).

Понатаму, истражувачите нагласуваат дека овие откритија не значат дека Европејците од камено доба „користеле зборови или граматика“, туку сугерираат дека развиле способност за визуелно снимање информации, десетици илјади години пред пронаоѓањето на вистинското писмо.

Археолозите и лингвистите нагласуваат дека ова се само првите чекори во разбирањето на значењето на овие знаци - дали тие запишувале имот, записи за лов, ритуално знаење или нешто друго, сè уште не е утврдено.

„Постојат многу теории, но досега е направена многу малку емпириска работа“, рече Кристијан Бенц.

Како што се нагласува, студијата не открива што луѓето од камено доба запишувале со овие знаци.

- Откритието ни помага да ги стесниме можните толкувања - рече Ева Дуткиевич.

Студијата е објавена во списанието „Proceedings of the National Academy of Sciences“.

Тагови: записите писмо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Нискиот и уличарски речник на СДС – доказ дека талогот е целосно поразен

Нискиот и уличарски речник на СДС е само опис на состојбата во која се наоѓаат Венко Филипче и неговото раководство, кои несомнено го претставуваат талогот во општеството.

СДС и Венко Филипче не пропуштија прилика да пропуштат прилика за да демонстрираат државотворност и политичка зрелост. Тие дури отидоа против прославата на 35 години независна држава. Тие директно се спротивставија на илјадници луѓе кои беа дел од прославата и кои ја поддржаа. Со нивните небулозни тврдења за некаков криминал, и покрај целата отчетност и транспарентност, само покажуваат колку се ситнодушни и без идеја во политичкиот настап.

За крај, ако нешто не им е јасно, нека го погледнат видеото на светски познатиот диџеј Дејвид Гета за Македонија, името кое, патем, СДС го промени.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Покачување на пензиите 16 пати, трета економија во Европа, прва по туризам… во која бајка живее Мицкоски?

Шефот на ВМРО-ОКГ повторно излезе пред камери и ја вклучи машината за бајки.

Овој пат пензиите му пораснале „16 пати“ повеќе отколку во времето на СДСМ, а граѓаните наводно живееле подобро отколку пред три години.

16 пати. Не процент. Пати.

Како да зборува за казино, не за држава. А со оглед дека Државната лотарија веќе му е приватна каса, речникот му е логичен.

Оттаму излегоа 5,5 милиони евра за прослава на независноста и концерт на Дејвид Гета, откако истиот човек претходно рече „нула денари“.

Нема провизии од Лотарија, вели. Ги нема затоа што повеќе не се кријат. Сега се викаат спонзорство, дивиденда и патриотизам.

Македонија кај него е економски тигар. Само народот тоа уште не го видел на сметката.

Затоа арамијата Мицкоски не го мери животот на граѓаните со паричник и фрижидер. Го мери со табла, како Вучиќ: црта стрелки нагоре, додека дома сметките одат нaгоре.

Веќе сме „меѓу првите“ во туризам и авиосообраќај, „трети“ по економија во Европа.

Тоа го нема во животот на граѓанинот. Тоа го има само на неговата табла.

Едно прво место не го кажува: први сме по срам поради него и по најниска плата во Европа - повторно поради него.

Реалната состојба е сосема спротивна од бајките на Мицкоски.

Во касата нема пари за достоинствени пензии, па се задолжуваат од недела на недела.

Парите се топат во криминални тендери и во спектакли. Дупката во ПИОМ зема замав. Вториот столб повеќе не е сигурност на работникот, туку резерва од која ВМРО-ОКГ сака да се нахрани - да ги одземе заштедите на граѓаните и да ги претвори во крпење на сопствениот дефицит.

Со пензиите си играат, а најранливите ги држат во страв. Класична десничарска банда: крупниот капитал се штити, сиромаштијата се украсува со бројки.

Ова не е економија. Ова е пропаганда на организирана криминална група која државата ја води како сопствен штанд, статистиката како рекламен постер, а Лотаријата како благајна за журки.

Пензионерот не живее во кабинетот на арамијата Мицкоски. Пензионерот живее во продавница, во аптека, на сметка за струја и во редици пред шалтер. А таму нема 16 пати ништо - освен повисоки цени. Таму има поскап живот и евтина лага.

Ако навистина се живее подобро, зошто шефот на бандата мора секој втор ден да го објаснува тоа со калкулатор и фломастер?

Луѓето што јадат не им треба предавање. Им треба намалување на цените, не бајка за пензии и диџеи платени од народна каса.

ВМРО-ОКГ го прави класичниот трик: укради го буџетот, укради ја Лотаријата, потоа укради ја и бројката.

Земи ја пензијата како ПР-алатка. Фрли ја вината на СДСМ. Прогласи победа. И барај аплауз затоа што граѓанинот добил парче од тоа што претходно му го зеле.

Нема 16 пати поголем раст. Има 16 пати поголем цинизам.

Нема подобар живот од пред три години. Има само режија на лагата.

Нема трета економија во Европа. Има прва банда на власт.

СДСМ нема да се расправа со бајките на Мицкоски, ќе ја расчисти маглата, затоа што граѓаните ја знаат вистината.

Граѓаните не гладуваат затоа што немале консултант.

Гладуваат затоа што ВМРО-ОКГ ја претвори државата во плен, Лотаријата во касичка, а премиерот во раскажувач на бајки.

Кога арамијата вели дека тече мед и млеко, проверете му ги џебовите. Медот е кај него. Сметката е кај народот.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

13 возачи лишени од слобода за „безобѕирно управување со возило“ во изминатото деноноќие

Во текот на изминатото деноноќие, на територијата на целата држава, полициски службеници лишија од слобода 13 лица поради „безобѕирно управување со возило“.

Од нив, 11 возачи управувале возило без возачка дозвола, и тоа од Велес, Скопје и Прилеп.

Двајца возачи, од Куманово и Скопје, управувале возило под дејство на алкохол.

При преземање на мерки и активности, кај возач од Скопје кој управувал возило без возачка дозвола, било констатирано дека на патничкото моторно возило предната регистарска таблица не припаѓала на возилото.

По целосно документирање на случаите, ќе бидат поднесени соодветни кривични пријави.

Министерството за внатрешни работи продолжува со засилените контроли во сообраќајот, со цел санкционирање на несовесните возачи и спречување на однесувања со кои се загрозува безбедноста на сите учесници во сообраќајот. Почитувањето на сообраќајните правила и прописи, поседувањето важечка возачка дозвола и управувањето со возило во трезна состојба се основа за безбеден сообраќај.

Тагови: безобѕирно возење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.