Откриени се петте најважни гени, поврзани со најтешки облици на Ковид-19 - Канал 5

Здравје

Откриени се петте најважни гени, поврзани со најтешки облици на Ковид-19

Пет клучни гени се поврзани со најтешките форми на ковид-19, соопштија денеска научниците во студија која исто така посочи неколку постојни лекови кои би можеле да бидат пренаменети за лекување на луѓето изложени на ризик од тешка форма на болестa.

Откриени се петте најважни гени, поврзани со најтешки облици на Ковид-19

Научниците кои проучувале ДНК на 2.700 пациенти со ковид-19 во 208 единици за интензивна нега ширум Велика Британија, откриле дека петте гени вклучени во два молекуларни процеси - антивирусен имунитет и пневмонија - биле клучни во многу тешките случаи.

„Нашите резултати веднаш покажаа кои лекови треба да бидат на врвот на списокот за клинички испитувања“, рече Кенет Бејли, академски советник за интензивна нега на Универзитетот во Единбург, кој бил ко-лидер на студијата.

Гените, наречени IFNAR2, TYK2, OAS1, DPP9 и CCR2, делумно објаснуваат зошто некои луѓе развиваат многу тешка форма на болеста, додека други минуваат низ лесна форма, рече тој.

Резултатите од студијата, објавени во рецензираното списание „Nature“, треба да им помогнат на научниците да ја забрзаат потрагата по потенцијални лекови за ковид-19 со спроведување клинички испитувања на антивирусни и антиинфламаторни лекови.

Меѓу оние со најголем потенцијал треба да бидат инхибитори на ЈАК, кои вклучуваат лек за артритис барицитиниб, рече Бејли.

Неговиот тим исто така открил дека зголемената активност на генот INFAR2 може да создаде заштита од ковид-19 затоа што веројатно го имитира ефектот на третманот со интерферон.

Различните постоечки лекови се испитуваат во клиничките испитувања за да се види дали тие можат да помогнат против ковид-19, вклучувајќи интерферон-бета-1а, антагонист на рецепторот на интерлеукин-1 и лек за артритис на Санофи, Кевзар.

До денес, стероидот дексаметазон и новоразвиениот антивирусен лек на „Гилеад“, ремдесивир, се единствените лекови ширум светот, одобрени за третман на пациенти со ковид-19, иако ремдесивирот не се препорачува за тешки случаи и има различни резултати од испитувањата.

Минатиот месец, Администрацијата за храна и лекови на САД (ФДА) го одобри на производителот на лекот бамланивимаб, Ели Лили, за пациенти со корона, кои не се хоспитализирани, но се изложени на ризик од потешка форма на болеста поради нивната возраст и други состојби.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Разорен земјотрес во Колумбија: Најмалку 20 загинати, 20 згради урнати во еден град

Силен земјотрес со јачина од 7,4 степени според Рихтеровата скала го погоди западниот дел на Колумбија, а потресите се почувствуваа во градови низ целата земја. 

Видео: Разорен земјотрес во Колумбија: Најмалку 20 загинати, 20 згради урнати во еден град

Американскиот геолошки институт (USGS) го регистрираше земјотресот во 7:34 часот по локално време. Епицентарот бил во близина на Сан Хозе дел Палмар во департманот Чоко, на длабочина од 107 километри.

Според првичните информации, загинале најмалку 20 лица и причинета е голема штета.

Се шират снимки од урнати згради. Во градот Кали се урнаа 20 згради. Гувернерката на департманот Чоко, Нубија Каролина Кордоба Кури, потврди дека од главниот град Кибдо пристигнуваат информации за повредени лица и „сериозни оштетувања на згради“.

Таа исто така предупреди на можноста од последователни потреси.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Полицијата речиси 24 часа го истражувала„телото“ пронајдено во куфер: Но, потоа е откриена бизарната вистина

Австралиската полиција била повикана на патот Волгон во Оален, на околу 60 километри јужно од Гулбурн, нешто пред 13 часот во неделата, откако граѓани пријавија дека пронашле предмети што личеле на човечки останки во куфер. 

Полицијата речиси 24 часа го истражувала„телото“ пронајдено во куфер: Но, потоа е откриена бизарната вистина

Полицијата во австралиската држава Нов Јужен Велс денеска соопшти дека „телото“ пронајдено во напуштен куфер покрај патот всушност не било тело, туку реалистична кукла за возрасни – факт што бил утврден дури по неколкучасовна форензичка анализа.

Австралиската полиција била повикана на патот Волгон во Оален, на околу 60 километри јужно од Гулбурн, нешто пред 13 часот во неделата, откако граѓани пријавија дека пронашле предмети што личеле на човечки останки во куфер.

На оддалечена локација, каде што во текот на ноќта кон понеделникот врнело силен дожд, полицијата воспостави место за истрага. Сигналот за мобилна телефонија во тој дел бил слаб, а немало ниту камери за видеонадзор.

Сепак, во понеделникот наутро, полицијата потврди дека во куферот се наоѓала многу реалистична кукла, облечена во облека, со коса и пирсинг на носот.

Полицијата на Нов Јужен Велс соопшти – како што пренесе австралискиот јавен сервис ABC – дека по форензичката анализа е утврдено оти пронајдениот предмет не претставува човечки останки.

„По извршените форензички анализи, полицијата потврди дека предметот пронајден во торбата е реалистична кукла, облечена во облека, со коса и пирсинг на носот“, се наведува во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Мелони и Фредериксен бараат центри за враќање на мигрантите надвор од ЕУ

Италијанската премиерка Џорџа Мелони и нејзината данска колешка Мете Фредериксен во заедничка изјава предупредија на „неконтролираната миграција“ во Европа, повторно повикувајќи на формирање центри за мигранти надвор од Европската унија.

Мелони и Фредериксен бараат центри за враќање на мигрантите надвор од ЕУ

Италијанската премиерка Џорџа Мелони и нејзината данска колешка Мете Фредериксен во заедничка изјава предупредија на „неконтролираната миграција“ во Европа, повторно повикувајќи на формирање центри за мигранти надвор од Европската унија, со цел барателите на азил чии барања се одбиени да можат да бидат вратени во нивните матични земји.

„Не ја прифаќаме неконтролираната имиграција во Европа и се залагаме за строги имиграциски политики, како во нашите земји, така и на европско ниво“, напиша денеска Фредериксен во објава на Инстаграм. „Никој не може да негира дека илегалната имиграција има негативно влијание врз нашите општества: зголемени стапки на криминал, поголем притисок врз јавните служби и нарушување на јавната доверба.“

„Особено е сериозно кога илегалните мигранти, кои немаат право на престој во нашите земји, вршат насилство и кривични дела, се вклучуваат во трговија со дрога или се одговорни за сексуално насилство“, додаде Фредериксен.

Двете лидерки – единствените две жени што предводат влади во Европската Унија – инсистираа дека „мора да се воспостават центри за мигранти надвор од ЕУ за враќање во трети земји надвор од ЕУ, како и други иновативни решенија надвор од Европа“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер