Откриена причината поради која Винисиус не сака да го продолжи договорот со Реал Мадрид - Канал 5

Фудбал

Откриена причината поради која Винисиус не сака да го продолжи договорот со Реал Мадрид

Најтрофејниот европски фудбалски клуб, Реал Мадрид се соочува со голем проблем, бразилската ѕвезда Винисиус Жуниор му соопшти на раководството на клубот дека нема да го продолжи договорот сè додека неговиот однос со главниот тренер Алонсо.

Откриена причината поради која Винисиус не сака да го продолжи договорот со Реал Мадрид

Најтрофејниот европски фудбалски клуб, Реал Мадрид се соочува со голем проблем, бразилската ѕвезда Винисиус Жуниор му соопшти на раководството на клубот дека нема да го продолжи договорот сè додека неговиот однос со главниот тренер Чаби Алонсо е затегнат.

Тој ја пренел пораката директно до претседателот Флорентино Перез на состанок кон крајот на минатиот месец, според три независни извори, објави „Атлетик“.

Затегнатиот однос меѓу Алонсо и Вини клуминирал по победата на Реал од 2-1 над Барселона на Ел Класико на 26 октомври.

Винисиус побара средба со Перез за да се извини за своето однесување за време на натпреварот, кога бурно реагираше при замената во 72-та минута. Тој излезе од теренот, извикувајќи: „Секогаш јас, го напуштам тимот, подобро да си одам, си одам“. Сепак, состанокот не бил само за извинување. Винисиус ја искористи можноста јасно да го искаже својот став за иднината, нагласувајќи дека поради затегнатиот однос со Алонсо, продолжувањето на неговиот договор, кој истекува во јуни 2027 година, во моментов не го смета за најдобра опција за себе. Тој став се уште не се променил, пренесуваат шпанските медиуми.

Тензиите меѓу играчот и тренерот, кој го наследи Карло Анчелоти во мај, растат од месец во месец.

Извори блиски до Бразилецот велат дека корените на проблемите можат да се пронајдат во поразот од 4-0 од Пари Сен Жермен во полуфиналето на Светското клупско првенство на 9 јули.

Алонсо планирал да го остави Винисиус на клупата за тој натпревар, но повредата на Трент Александар-Арнолд го принудила да ги промени своите планови. Бразилецот играл од првата минута, но на десната крилна позиција, наместо на неговата природна лева позиција.

Винисиус верува дека Алонсо не се однесува праведно кон него, а тоа го ставил јасно до знаење во своето јавно извинување по „експлозијата“ на Ел Класико. Во објава на социјалните мрежи, тој им се заблагодари на сите, вклучително и на Перез, но намерно го изостави името на тренерот, што предизвика изненадување во клубот.

Разговорите за продолжување на неговиот договор започнаа во јануари годинава, но брзо заглавија. Тековниот договор на Винисиус, потпишан во 2022 година, му носи околу 18 милиони евра нето годишна плата и има клаузула за откуп од фантастични 1 милијарда евра.

Реал Мадрид му понуди зголемување на платата на околу 20 милиони евра претходно оваа година, но понудата беше одбиена. Неговите претставници побараа историски договор, на ниво со оној на Кристијано Роналдо, со пакет вреден до 30 милиони евра по сезона, вклучувајќи плата, бонуси и бонус за потпишување, што никогаш не било случај во клубот. Преговорите сега се целосно заглавени, а освен финансиите, клучна пречка е судирот со Алонсо.

Иако потегот на Винисиус може да се протолкува како преговарачка тактика, изворите тврдат дека Бразилецот навистина не гледа поента во долгорочното обврзување кон клубот во сегашните околности. Интересно е што одделот за комуникации на Реал официјално негираше дека средбата меѓу Перез и Винисиус воопшто се одржала, и покрај тоа што „Атлетик“ ги потврди информациите од повеќе извори во клубот. Управниот одбор е задоволен што Алонсо дава резултати.

Во моментов Реал е лидер во Ла Лига, но и покрај добрите резулати, расте загриженоста за незадоволството меѓу клучните играчи. Клубот се надева дека добрите резултати на крајот ќе го подобрат односот меѓу тренерот и играчот, а клучна улога во помирувањето би можеле да играат претседателот Перез и главниот скаут Јуни Калафат, кои се познати по добриот однос со Винисиус.

Тагови: Винисиус Жуниор Реал Мадрид

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: На ВМРО-ДПМНЕ му одговара филмот кој Филипче го продава секој ден затоа што тоа е филм кој носи порази на СДС

На ВМРО-ДПМНЕ му одговара филмот кој Филипче го продава секој ден затоа што тоа е филм кој носи порази на СДС, нам ни останува да се грижиме за граѓаните и државата.

Петрушевски: На ВМРО-ДПМНЕ му одговара филмот кој Филипче го продава секој ден затоа што тоа е филм кој носи порази на СДС

Контрашот Венко Филипче полека, но сигурно се губи на политичката сцена. Секојдневно исти приказни, лажна загриженост, ширење паника во јавноста и секако не поминува ден без лаги.

Филипче треба да разбере дека овој негов филм не поминува кај граѓаните.

А зошто не поминува? Затоа што фактите постојано го демантираат. Фактите укажуваат на сосема поинаква слика од онаа која ја има во неговиот филм. На кратко, во најголемата енергетска криза дизелот има најниска цена во Македонија. Пензиите растат. Платите во сите сектори од образование, здравство, МВР се покачуваат редовно според планот.

Талогот од СДС знае само за марихуана економија, а истата им носи добивка само на неколкумина или на контрашот Филипче, неговиот учител Заев кој продаде се што можеше да се продаде од државата.

И да нема дилема кај Филипче, тој може да продолжи со неговиот филм. На ВМРО-ДПМНЕ тој филм му одговара затоа што овој филм на Филипче го носи СДС кон порази. И да е јасно, секако, тоа не е добро за државата, затоа што е потребна здраво поставена опозиција. Но, работата на ВМРО-ДПМНЕ е да се грижи за граѓаните и државата и да повика да се консолидира опозицијата.

Бране Петрушевски, пратеник на ВМРО-ДПМНЕ

YouTube video

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Овации за Лука Модриќ во Севиља

Момент за паметење во Севиља, стоечки овации за легендата на светскиот фудбал, Хрватот, Лука Модриќ која синоќа на дербито Шпанија- Хрватска влезе во игра дури во 81-вата минута.

Видео: Овации за Лука Модриќ во Севиља

Шпанската фудбалска публика дефинитовно добро го памети и почитува поранешниот ас на Реал Мадрид.

Капитенот на Хрватска доби громогласни овации од шпанската публика, иако играше за противничкиот тим.

Лука Модриќ го започна натпреварот против Шпанија од клупата за резерви, но неговото влегување во завршницата на мечот донесе еден од највпечатливите моменти на вечерта во Севиља.

Славен Билиќ одлучи да го внесе капитенот во игра дури во 81-вата минута, на местото на Петар Сучиќ, а публиката го поздрави со громогласни овации.

Речиси сите на трибините станаа за да го поздрават со аплауз хрватскиот играч за врска, кој најдобрите години од својата кариера ги помина во Шпанија, играјќи за Реал Мадрид. Иако сега беше на спротивната страна, домашните навивачи му покажаа голема почит.

Отсуството на Модриќ од почетниот состав беше едно од изненадувањата што Билиќ ги подготви за натпреварот против актуелните европски и светски шампиони. Хрватска губеше со 3–1 кога тој влезе во игра, а натпреварот заврши со победа на Шпанија од 4–1.

Тагови: Лука Модриќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Ајкула залута во јужнокорејско пристаниште, 600.000 луѓе дојдоа да ја видат (ВИДЕО)

Ајкула што залутала во пристаништето на Бусан, голем пристанишен град во југоисточна Јужна Кореја, стана вистинска атракција. Градските власти проценуваат дека околу 600.000 луѓе дошле да ја видат во текот на изминатите две недели.

Ајкула залута во јужнокорејско пристаниште, 600.000 луѓе дојдоа да ја видат (ВИДЕО)

Ајкулата, долга приближно 3,5 метри, првпат била забележана на 18 септември во тесен воден канал во рамките на Северното пристаниште на Бусан. Властите вчера се обиделе да спроведат акција за спасување откако ајкулата не успеала сама да го најде патот назад кон отвореното море, но обидот бил неуспешен.

Крајбрежната стража и други служби ангажирале пловни објекти за да прскаат вода зад ајкулата во обид да ја насочат кон океанот, но животното пливало подалеку од водените млазови.

Ајкулата дури добила и прекар

Како што пренесе весникот „Чосун дејли“, властите сега планираат задутре да употребат рибарска мрежа за да се обидат да ја изведат ајкулата од каналот. Во меѓувреме, ајкулата стана вистинска ѕвезда во Јужна Кореја и го доби прекарот „Буканги“.

За време на четиридневниот празник Чусок минатиот викенд, околу 480.000 луѓе го посетиле крајбрежниот парк каде што се појавила ајкулата. Според соопштението од градот Бусан и медиумските извештаи, паркот вообичаено привлекува околу 2.000 посетители дневно за време на викендите.

Вчера, Бусан исто така ја прогласи ајкулата за почесен амбасадор за односи со јавноста на градот. И други приказни поврзани со животни претходно привлекле големо внимание во Јужна Кореја.

Извор: Индекс.хр

Тагови: ајкула Јужна Кореја

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер