Според грчки воени извори, батеријата подоцна соборила дрон што се приближувал од јеменска територија.

Грчките сили се дел од меѓународната иницијатива „Интегриран концепт за воздушна ракетна одбрана“ за поддршка на саудиската воздушна одбрана, а новите напади од групата Хути, поддржана од Иран, дополнително ги зголемуваат тензиите на Блискиот Исток, објавува „Еуроњуз“.

Yemen’s Houthis say they hit a Saudi Aramco oil facility in Jizan with missiles (and possibly drones) overnight, sparking fires.

Videos of smoke are circulating and satellite data reportedly shows thermal hotspots at the site.

Saudi Civil Defense briefly issued danger… pic.twitter.com/OHN8G41EVw

— Clash Report (@clashreport) July 25, 2026

Напади врз саудиски градови

Јемените бунтовници Хути претходно ја презедоа одговорноста за ракетен напад врз јужниот саудиски град Џизан. Медиумите поврзани со Хутите на „Телеграм“ објавија во саботата дека „ракетен напад од Јемен“ ги предизвикал пожарите во Џизан, но Ријад не ги коментираше веднаш тврдењата. Саудиската агенција за цивилна одбрана издаде кратки предупредувања до жителите на Џизан и Јанбу во саботата.

Houthi missiles reportedly struck Saudi Arabia's Jizan region. pic.twitter.com/D74oJdmouY

— Clash Report (@clashreport) July 25, 2026

Одговор на коалицијата

Предупредувањата дојдоа откако коалицијата предводена од Саудиска Арабија изврши напади врз воените објекти на Хутите во Јемен. Портпаролот на коалицијата, бригаден генерал Турки ал-Малики, рече дека операцијата е започната како одговор на нападите на Хутите врз трговски бродови.

Коалицијата одговори „решително и енергично“ и ги нападна воените објекти на Хутите откако „нивните терористички сили ги таргетираа трговските бродови во Црвеното Море“, рече ал-Малики на платформата X. Тој исто така рече дека воената операција сега е завршена.

Поширок регионален конфликт

Хутите, од друга страна, го обвинија Ријад за „опасна ескалација“. Јеменски безбедносен извор потврди за АФП дека саудиските цели вклучуваат поморска база во пристаништето Ходеида и воен камп на островот Камаран.

Хутите ја презедоа одговорноста за нападите врз два саудиски брода претходно оваа недела, а Саудиска Арабија потврди еден од нападите во Црвеното Море. Најновата ескалација на Блискиот Исток отвора нов фронт во конфликтот што започна по нападите на САД и Израел врз Техеран во февруари оваа година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

САД имаа 2.318 потврдени случаи на мали сипаници во првите седум месеци од оваа година, во споредба со 2.289, најголем број регистриран во текот на целата минатата година кога две невакцинирани деца починаа од болеста.

Американците сѐ помалку се вакцинираат

Зголемувањето на бројот на случаи доаѓа откако во последните години во САД се зголеми двоумењето за вакцинација, што доведе до пониски стапки на вакцинација.

Специјална комисија ќе одлучи во ноември дали САД ќе го изгубат статусот на искоренување на мали сипаници, што се случи со Канада претходната година.

Земјата го губи својот статус по повеќе од една година континуирано пренесување на истиот сој на вирусот на мали сипаници.

САД имаа повеќе случаи на мали сипаници во последните 18 месеци отколку во 25-те години пред тоа заедно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Барам итна проверка на законитоста на работењето и туристичките активности во пештерата Врело – Кањон Матка, се вели во пријавите кои Марија Бундалевска, македонска државјанка која повеќе од десет години живее и работи во Сингапур, ги поднесе до надлежните институции.

Во сторијата што ја пренесува мкд.мк Таа тврди дека на Матка не се издаваат фискални сметки, дека дел од туристите одат на турите без појаси за спасување…

„На 5 јули бев во посета на Кањонот Матка и неосновано бев спречена во пристапот до пештерата Врело. Откако побарав официјална фискална сметка за наплатениот влез, истата ми беше одбиена, по што од страна на лицата кои стопанисуваат со локацијата дојде до физички контакт и беа упатени закани кон мене. Како граѓанин очекувам надлежните институции итно и без одложување да преземат соодветни мерки, со цел да се обезбеди законитост, безбедност и ред на една од најзначајните природни и туристички атракции во нашата земја“, вели Бундалевска.

Бундалевска бара надлежните органи да утврдат дали лицата кои стопанисуваат со пристапот до пештерата поседуваат соодветни концесии и дозволи; дали работењето е целосно усогласено со прописите за безбедност и заштита од пожари; дали остварените приходи соодветно се пријавуваат и оданочуваат; дали постои судир на интереси при вршењето надзор над оваа дејност; дали е извршена проверка на потеклото на имотот на лицата вклучени во ова работење.

Еве што пишува во претставката.

„На 5 јули, околу 12 часот, изнајмив кајак од еден од операторите на Матка и се упатив кон пештерата Врело со намера да ја посетам како турист. На влезот на пештерата го затекнав лицето кое се идентификува како Амет Саиди од село Глумово, кој според моите сознанија е сопственик, односно поврзано лице со компанијата ‘Алмата Примо’, под чиј бренд се јавува субјектот означен на лице место како ‘Втора компанија’. Тој наплаќа влез од по 10 евра по лице, а согласно она што го забележав на самата локација, превезува и групи од по 20 лица по чамец без соодветни појаси за спасување. Ме извести дека не смеам да се приближам до пештерата без претходно да платам кај него. Му поставив прашање дали има законско право, концесија или друго овластување да го ограничува пристапот до пештерата Врело, која претставува природно и туристичко богатство. Му реков дека ќе платам за влезот доколку ми издаде фискална сметка. Амет Саиди одби да ми издаде фискална сметка, а веднаш потоа дојде до физички контакт и упатување закани спрема мене, поради што се почувствував загрозена за мојата безбедност. Поради страв, не го пријавив настанот веднаш, туку по подолго размислување одлучив да поднесам претставка до надлежните институции“, пишува во претставката.

Предходно за оваа туристичка атракција во Скопје, повеќе медиуми пишуваа за законските пропусти во работењето на фирмата која стопанисува со Матка – за тоа дека платформите биле изградени спротивно на закон, без потребна водостопанска согласност, а постапката за нивна легализација била одбиена и повеќе години не била конечно решена; за немањето соодветна институционална контрола; за немањето концесија за користење, пишува мкд.мк.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.