Откриена е најдлабоката сина дупка на светот- научниците воопшто не знаат што крие, не може да стигнат до дното (ВИДЕО) - Канал 5

Бизарно

Откриена е најдлабоката сина дупка на светот- научниците воопшто не знаат што крие, не може да стигнат до дното (ВИДЕО)

Најдлабоката сина дупка во светот се наоѓа веднаш до брегот на Мексико и со години ги збунува научниците.

Откриена е најдлабоката сина дупка на светот- научниците воопшто не знаат што крие, не може да стигнат до дното (ВИДЕО)

Оваа подводна дупка е длабока најмалку 420 метри, но истражувачите сè уште не го достигнале нејзиното дно, што дополнително ја зголемува мистеријата околу ова геолошко чудо.

Дури ни сондите не помогнаа

Сината дупка, позната како Там Џа, што на мајанскиот јазик значи „длабока вода“, е едвај видлива од површината и е откриена пред нешто повеќе од 20 години од локален нуркач.

Во 2021 година, научниците се обидоа да ја измерат нејзината длабочина користејќи сонди и тогаш се проценуваше дека достигнала 275 метри.

Сепак, експедиција спроведена во 2023 година покажа дека дупката е длабока најмалку 420 метри, иако истражувачите не можеа со сигурност да потврдат дека дури и тогаш го достигнале нејзиното дно, објавува LadBible.

Научниците користеа софистициран уред познат како CTD профилер, чии сензори го мерат притисокот на водата за прецизно да ја одредат длабочината. И покрај напредната технологија, целосната вистина за нејзината длабочина останува нејасна.

YouTube video

Поврзани со подводни пештери

Сместен веднаш до брегот на мексиканскиот полуостров Јукатан, оваа сина дупка има голем број геолошки и еколошки карактеристики од голем интерес за морските биолози и други експерти.

Сините дупки се природни подводни пештери на морското дно со речиси вертикални ѕидови и најчесто се наоѓаат во крајбрежните области. Нивното формирање е поврзано со мека подлога, како што е варовник, кој еродира со текот на времето, што доведува до колапс на карпите и создавање длабоки шуплини.

Повеќето се длабоки само неколку десетици метри, но често можат да се поврзат со сложени подводни пештерски системи. Она што ги прави посебни е фактот што не се под влијание на океанските струи.

Циркулацијата на водата во нив е слаба, а на големи длабочини има ниски нивоа на кислород, што го отежнува преживувањето на речиси сите форми на живот - освен микроорганизмите.

Големата авантура на Бренсон

Иако Там Ја во моментов е најдлабоката позната, една од најпознатите е секако Големата сина дупка покрај брегот на Белизе, тропска земја во Централна Америка.

Ова место привлекува истражувачи и авантуристи со години. Меѓу нив беше и британскиот милијардер Ричард Бренсон, кој ја истражуваше дупката во 2018 година во друштво на Фабијан Кусто, внук на легендарниот француски истражувач Жак Кусто.

Во одделни подморници, тие се спуштија до длабочините и на околу 91 метар наидоа на слој од водород сулфид. Под таа граница, водата беше целосно темна и без знаци на живот.

Кога стигнаа до местото за кое се верува дека е дното, открија траги од човечка небрежност - ѓубре, пластично шише, како и одамна изгубена GoPro камера со фотографии од нечиј одмор.

На дното беа пронајдени и две тела, за кои се верува дека им припаѓаат на истражувачи кои исчезнаа за време на претходна експедиција.

Бренсон рече дека Големата сина дупка е дел од сложен систем на пештери што некогаш се формирале на суво и дека тоа е доказ за тоа колку брзо и катастрофално можат да се издигнат океаните.

Тагови: дупката научниците

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нов потег на Путин: Русите вежбаат со Кинезите, пристигна нуклеарно предупредување

Рускиот претседател Владимир Путин вчера присуствуваше на воена вежба на планините Урал, во која учествуваа војници од Кина и од неколку други земји.

Нов потег на Путин: Русите вежбаат со Кинезите, пристигна нуклеарно предупредување

Путин го посети воениот полигон во регионот Чељабинск за да ја следи завршната фаза од вежбата „Центар-2026“. Вежбата се одржа во склоп на вежбата „Интеракција-2026“, спроведена од членките на Организацијата на Договорот за колективна безбедност – безбедносен сојуз предводен од Москва, составен од неколку поранешни советски републики.

Путин изјави дека 47.000 војници учествуваат во вежбата „Центар-2026“, вежбајќи одбивање напади на 11 полигони и во Каспиското Море. Вежбата започна во понеделникот, а завршува денес.

Путин предупреди дека нема да се двоуми да употреби нуклеарно оружје за одбрана на Калининград.

„Околу 6.000 војници од Русија и од други земји учествуваа во завршната фаза на полигонот Чебаркул“, рече Путин.

YouTube video

Тој додаде дека делегации од 55 земји учествувале како набљудувачи.

Според извештаите на руските медиуми, во вежбата учествуваат воени единици од Белорусија, Киргистан и Таџикистан, заедно со војници од Кина, Монголија и Пакистан. За време на посетата, Путин изврши увид во различни видови вооружување, вклучително и новите беспилотни летала „Геран“ на млазен погон, кои руската војска ги користи во нападите врз Украина.

Посетата на Путин уследи еден ден откако Русија го предупреди НАТО дека нема да се двоуми да употреби нуклеарно оружје за одбрана на Калининград, доколку некоја членка на воениот сојуз се обиде да ја отсече таа руска ексклава на западот на земјата од остатокот на Русија.

Извор: Б92

Тагови: Владимир Путин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мечки влегуваат во дворови во Русија: 16 лица загинаа за еден месец

Според анализата на „CNN“ на извештаите од руските медиуми, само во септември најмалку 16 лица загинале во напади од мечки низ Русија.

Мечки влегуваат во дворови во Русија: 16 лица загинаа за еден месец

Најтешко погоден е огромниот регион Краснојарск во централен Сибир, каде што оваа година седум лица ги загубиле животите во напади од мечки.

Руското Министерство за природни ресурси и животна средина наведува дека во земјата годишно вообичаено се регистрираат меѓу 20 и 30 напади од мечки врз луѓе. Оваа година, мечките навлегле во населени места во повеќе од 40 руски региони.

Жена нападната веднаш откако излегла од својот дом

Минатата недела во регионот Краснојарск, мечка убила 51-годишна жена откако таа излегла од својата куќа. Два дена претходно, еден чувар загинал во напад на паркинг за камиони во шумска област.

Претходно во септември, биле пронајдени и телата на две постари жени кои одделно отишле да берат печурки, нивните повреди укажувале на напад од мечка.

Смртоносни напади се случиле и на други места во Сибир. Во Тува, таткото на рускиот НХЛ-играч Андреј Кузменко загинал во напад од мечка додека рибарел кон крајот на септември. Во август, во регионот Алтај, мечка искинала шатор, одвлечкала 29-годишна жена во шумата и ја убила.

Зошто се приближуваат до луѓето?

Експертите со кои разговараше „CNN“ наведуваат неколку можни причини за порастот на опасните средби во одредени делови на Сибир.

Зоолозите како клучен фактор го посочуваат исклучително слабиот род на борови јатки и шумски плодови, што им го отежнува наоѓањето храна на мечките пред зимскиот сон. Големите шумски пожари исто така уништиле делови од нивното природно живеалиште.

Во есенскиот период, мечките интензивно бараат храна за да натрупаат доволно масни резерви за зимскиот сон. Доколку нема доволно храна во дивината, тие сè почесто се приближуваат до населби, депонии за отпад и други локации каде што храната е лесно достапна. Експертите исто така предупредуваат дека ширењето на индустриските активности во претходно оддалечени природни предели ја зголемува веројатноста за средби меѓу луѓето и мечките.

Полициски часови и затворање на паркови

Во текот на изминатите два месеца, властите во најмалку десет региони низ Сибир и рускиот Далечен Исток ги предупредија жителите за зголемена активност на мечките.

Во делови од регионите Алтај и Бајкал се воведени ноќни ограничувања на движењето, додека властите во Краснојарск го затворија Националниот парк „Краснојарски столбови“ и популарната планинарска патека на гребенот Торгашински.

Регионалните власти исто така формираа мобилни ловни тимови и нудат парични награди за убивање мечки. Во регионот Краснојарск се нуди награда од над 35.000 рубљи – приближно 420 долари – за нивно отстрелување.

По смртта на еден турист во регионот Алтај, убиени се повеќе од 50 мечки, а издадени се дозволи за отстрел на уште 157. Властите во регионот Краснојарск најавија отстранување на повеќе од 180 животни кои се сметаат за потенцијално проблематични.

Експерти: Масовниот отстрел нема да го реши проблемот

Зоологот Сергеј Колчин смета дека, иако отстрелот на агресивна мечка што навлегува во населено место понекогаш е неопходна итна мерка, сепак предупредува дека масовното убивање животни нема да го намали бројот на инциденти на долг рок.

Според него, суштинскиот проблем е лесно достапниот отпад што ги привлекува мечките кон населбите. Ако се убие една мечка во близина на депонија, друга може едноставно да го заземе нејзиното место.

Како долгорочни решенија, експертите ги наведуваат подоброто обезбедување на отпадот, едукацијата на жителите за тоа како да се однесуваат во живеалиштата на мечките, како и употребата на електрични огради и други средства за одвраќање.

Извор: Индекс.хр

Тагови: мечки русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и релативно топло

Утрото ќе биде ведро и студено, а преку денот сончево и релативно топло. 

Утре сончево и релативно топло

Ќе дува слаб ветер од северен правец. Минималната температура ќе биде во интервал од -3 до 8, а максималната ќе достигне од 20 до 28 степени.

Во Скопје, сончево и релативно топло со слаб ветер од северен правец. Минималната температура ќе се спушти до 3, а максималната ќе достигне до 26 степени.

Во следните денови времето ќе биде релативно топло. До среда утрата ќе бидат ведри и студени, а во текот на денот ќе преовладува сончево време. Од четврток ќе има зголемување на облачноста и услови за локален дожд, a утринските температури ќе бидат во пораст.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер