Откриен споменик на Јуриј Гагарин во Карпош

Амбасадорот на Руската Федерација Олег Шчербек денеска во присуство на скопскиот и градоначалникот на општина Карпош, Коце Трајановски и Стевчо Јакимовски, го откри споменикот на Јуриј Гагарин, лоциран на истоимената улица во општина Карпош.

Бистата на храбриот русин Јуриј Гаргарин во Скопје. Космонаутот - светски симбол за непостоење на граници на човечките достигнувања и можности од денеска во општина Карпош.

Јуриј Гагарин, првиот човек во вселената, отвори нови страници во развојот на науката и човештвото и е симбол на храброста и победата, неговиот споменик ќе ги потсетува младите генерации на неговата храброст и достигнувања, вели Јакимовски.

Рускиот амбасадор се заблагодари на македонската земја што на ваков начин го овековечи сеќавањето на истакнатиот руски космонаут.

- Храброто руско момче со отворена душа и сончева насмевка прво го оствари она што луѓето дотогаш го сонуваа – полета во вселената. Пред 54 години, на 12 април 1961 година почна новата ера во развојот на светската наука и техника, ера на освојување на вселенскиот простор. Убеден сум дека овој споменик подигнат на улицата што го носи името на Јуриј Гагарин, секогаш ќе не потсетува за силата и големината на човечкиот дух и неговите стремежи кон спознавање на бескрајниот свет и на самите себе,, истакна Олег Шчербак- амбасадор на Русија


Рускиот амбасадор му го предаде во владение споменикот на легендарниот космонаут на градоначалникот на општина Карпош со што општината во иднина ќе се грижи за уредувањето и одржувањето на ново поставениот споменик.

„Вива“ заедно со најголемите светски брендови на Gulfood 2024

На глобалниот саем за храна и пијалаци Gulfood 2024, што се одржува во Дубаи од 19 до 23 февруари, учествува и најголемиот македонски производител на природни овошни сокови,нектари, пијалаци, смути и преработувач на овошје – Вива.

На глобалниот саем за храна и пијалаци Gulfood 2024, што се одржува во Дубаи од 19 до 23 февруари, најголемиот македонски производител на природни овошни сокови,нектари, пијалаци, смути и преработувач на овошје – Вива, ја потврдува својата тридецениска успешна приказна во оваа индустрија на светската сцена.

Оваа година, Вива се издвојува како сребрен спонзор на настанот, што е огромен успех затоа што за првпат една македонска компанија се стекнува со вакво признание на Gulfood, кој се смета за најпрестижниот и највлијателен саем во секторот на храна и пијалаци на Блискиот исток, но и глобално.

Како единствена македонска компанија која учествува на годинешниот Gulfood, Вива прикажува спој на квалитет и иновативност во прехранбената и преработувачката индустрија, рамо до рамо со светските брендови во оваа деловна сфера.

ВМРО-ДПМНЕ: Проф-др Гордана Силјановска-Давкова е нашиот претседателски кандидат

Во врска со Јавниот повик за избор на кандидат на ВМРО-ДПМНЕ за претседател на Република Македонија ја информираме јавноста дека крајниот рок за поднесување на пријава истекува денес.

На истиот се пријави проф-др Гордана Силјановска-Давкова која поднесе план, програма за работа и потребен број на потписи на делегати.

Гордана Силјановска-Давкова била професорка по Уставно право и Политички систем на Правниот Факултет Јустинијан Први. Таа е експерт за избори на ООН и потпретседател на групата Независни експерти за локална самоуправа при Советот на Европа. Член на Венецијанската комисија. Автор е на стотина научни трудови за уставното право и политичкиот систем.

Таа е актуелен пратеник во Собранието на РМ.

За нејзината кандидатура ќе се одлучува од страна на делегатите на Конвенцијата за избор на кандидат за претседател на РМ која ќе се одржи на 02 март 2024 година.

Муцунски: Наскоро Македонија ќе добие Влада која што повторно ќе се грижи за македонскиот јазик

„Не сакаме да имаме јазик во изумирање, сакаме да имаме јазик којшто повеќе ќе биде афирмиран и промовиран. И тоа значи промоција дома, афирмирање на нашиот јазик дома, но и ширење на знаењето“.

„Не сакаме да имаме јазик во изумирање, сакаме да имаме јазик којшто повеќе ќе биде афирмиран и промовиран. И тоа значи промоција дома, афирмирање на нашиот јазик дома, но и ширење на знаењето“, истакна Тимчо Муцунски, потпретседател на ВМРО-ДПМНЕ на трибината насловена „Јазикот е нашиот идентитет“ организирана по повод Меѓународниот ден на мајчиниот јазик.

„Што правиме како држава да испратиме македонисти, познавачи на македонскиот јазик кај Македонците што живеат во регионот, во Европа или пак во прекуокеанските земји? Барем во еден летен период, да ги учат децата таму за македонскиот јазик. Колку материјали обезбедуваме? Колку материјали на македонски јазик обезбедуваме за многуте библиотеки ширум светот, кои што се отворени и едвај чекаат од нашите амбасади, конзулати за да добијат во нивниот библиотичен фонд книги и материјали на македонски јазик“, појасни тој.

Муцунски додаде дека и носењето книги во библиотеки ширум светот на македонски јазик е дел од промоција на македонскиот јазик, држава, култура и традиција.

„Јас велам како тоа што е наш внатрешен политички приоритет и се што треба да направиме за младата популација, афирмацијата на македонскиот јазик, на македонската култура и традиција треба да биде и клучен аспект поврзан со нашата надворешна политика“, рече Муцунски.

Тој посочи дека тоа се темели за кои што веќе се размислува во иднина за афирмација и промоција на македонскиот јазик надвор од Македонија.

„Тоа се веќе темели за кои што веќе размислуваме, дел од овие прашања ќе бидат и дел од нашата програмска определба“, заклучи тој.

„Наскоро Македонија ќе добие Влада која што повторно ќе се грижи за македонскиот јазик, за македонската традиција и да ги преземеме тие добри политики кои што дел во минатото се применувале, и дел треба да ги надградиме за да го шириме знаењето за македонскиот јазик. И да инвестираме во големиот број на катедри кои што ги има на странските универзитети. Ние како држава треба да помогнеме и да вложиме“, нагласи Муцунски, се наведува во партиското соопштение.

притисни ентер