Живот

Откриен нов вид џиновска анаконда

Дебела како гума од автомобил, долга 8 метри и тежи повеќе од 200 кг! Откриен нов вид џиновска змија анаконда.

Холандскиот биолог Фрик Вонк објави ново видео од средба со новооткриениот вид џиновска змија: „Видеото ја прикажува најголемата анаконда што некогаш сум ја видел“.

Научниците со помош на домородно племе открија нов вид џиновска анаконда во оддалечена и скриена област на Амазон.

Биологот Брајан Фрај од Универзитетот во Квинсленд во Австралија го предводеше тимот кој пронашол и проучувал неколку примероци од новооткриената северна зелена анаконда (Eunectes akaima) во регионот Бамено.

„Ние бевме поканети од племето Ваорани да го истражиме регионот и да собереме примероци од одредена популација на анаконда, за која се шпекулира дека е најголемата досега. Ловците од племето нè одведоа во џунглата на 10-дневна експедиција. Племето, всушност, ги смета овие змиите се свети“, рече Фрај.

Биологот Фрај наведува дека северната зелена анаконда се разделила од јужната зелена анаконда пред речиси 10 милиони години и дека генетски се разликуваат за 5,5 проценти.

„Ова е многу значајна разлика. На пример, луѓето генетски се разликуваат од шимпанзата само за околу 2 отсто. Ова откритие е врв во мојата кариера“, додава тој.

Во истражувањето учествувал и холандскиот биолог Фрик Вонк, кој на својата Фејсбук страница објави ново видео од средбата со новооткриениот вид џиновска змија.

„Видеото ја прикажува најголемата анаконда што некогаш сум ја видел. Дебела е како автомобилска гума, долга е осум метри и тежи над 200 килограми - со глава голема како мојата“, напиша тој.

Досега беа познати четири видови анаконда, вклучувајќи ја и зелената анаконда (позната и како џиновска анаконда). Зелените анаконди се вистински џинови меѓу рептилите.

Најголемите женки можат да пораснат повеќе од седум метри и тежат над 250 килограми.

Овие животни се добро прилагодени на животот поминат главно во вода. Ноздрите и очите им се на врвот на главата, така што тие можат да гледаат и да дишат додека остатокот од нивните тела е под вода.

Зелената анаконда лесно се движи низ вода и може да нападне голем плен како капибари и елени, пишува Conversation.

Овие суштества не се отровни. Тие го зграпчуваат пленот со големи, флексибилни вилици, а потоа го задавуваат и го дробат со моќните тела пред да го проголтаат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда, Џенифер Лопез во исхраната и рутината за вежбање за да изгледа вака супер на 57 години.

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“.

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.