Откако комичарка му се потсмеваше на Маск, тој ѝ го избриша твитер профилот (ФОТО) - Канал 5

Забава

Откако комичарка му се потсмеваше на Маск, тој ѝ го избриша твитер профилот (ФОТО)

Откако сагата за сини знакови доби комичен пресврт, Твитер почна трајно да ги затвора профилите за лажно претставување.

Откако комичарка му се потсмеваше на Маск, тој ѝ го избриша твитер профилот (ФОТО)

Маск изјави дека во иднина секој профил кој имитира некого ќе биде трајно избришан, доколку конкретно не се наведе дека се работи за пародија.

Меѓу укинатите профили е и тој на комичарката Кети Грифин. Нејзиниот профил беше симнат вчера, истиот ден кога го смени името на профилот во Илон Маск за да му се потсмева на милијардерот. Имено, Грифин на Твитер се нарекувала Илон Маск и под негово име споделувала различни објави на Твитер.

Но, ова не е прв пат да исмева богат човек.

За време на изборната ноќ во мај 2017 година, комичарката објави фотографија на Твитер на која е прикажана како ја држи крвавата глава на Доналд Трамп.

Контроверзната фотографија е дело на фотографот Тајлер Шилдс, а Грифин ја објави веднаш откако Трамп предвреме прогласи победа.

Твитер ја означи објавата како потенцијално чувствителна содржина, а фотографијата стана вирална и предизвика бес кај про-Трамп Американците, кои ја нарекоа „болна“.

Скандалот ја чинеше кариера и изгуби многу деловни понуди, а таблоидите ја споредија со терористка. Нејзините пријатели ѝ го свртеа грбот, како и добар дел од Холивуд, а таа доби и смртни закани.

Иако јавно се извини и се соочи со федералниот истражен процес, таа беше безмилосно распната од конзервативната толпа на социјалните мрежи, а нејзината кариера беше во слободен пад.

„Сè уште сум на црната листа. Ниту една агенција не сака да работи со мене. Нема телевизиска компанија. Нема услуга за стриминг. Никој“, рече таа во интервју за Лос Анџелес Тајмс.

„А сепак, ќе заработам пари. Заработив пари за сѐ и пак ќе заработам. Морам да се ископам од оваа дупка“, додаде таа.

Подоцна Грифин го повлече своето извинување и го претвори скандалот во стенд-ап комедија што го роди документарниот филм Кети Грифин: Пеколна приказна. Кој знае, можеби сега ќе го повтори истото.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер