Мари тврди дека тие никогаш не биле во романтична врска, но Брус мисли поинаку и тврди дека плаќал за нејзините шопинзи, за зумба часови па дури и за козметичка хирургија.
- Оваа Мари ми ја уништи секоја помисла за хуманост кон другите луѓе што сум можел да ја имам - се пожали Брус за австралиските медиуми.
Мари и Брус се запознале пред 4 години. Таа го учела да танцува зумба. Почнале да се дружат, да одат на вечери, а тој ја посетувал и дома.
Се било во ред до неодамна, кога Брус се охрабрил да ја побара за жена. Откако го одбила, и доставил сметка во која педантно е наведено кога. колку и за што потрошил пари во нејзина корист. Сумата достигнува до 200 000 австралиски долари, кои Брус си ги бара назад.
Брус вели дека Мари ги користела неговите емоции да извлекува пари од него. Во една прилика итно му побарала пари на заем за операција - а кога отишол во болницата да ја види, видел дека ги зголемила градите!
Но Мари има поинаква верзија. Вели дека му должи само 25 000 австралиски долари кои и ги дал на заем. Сите други пари и ги дал или ги потрошил на неа - доброволно и не треба да ги бара назад, вели Мари. Таа е уверена дека реакцијата на Брус е одмазда за одбивањето на понудата за брак.
Како и да е Брус е навистина повреден и неутешен. Срцето му е скршено до таа мерка што за локалните медиуми изјавил дека никогаш повеќе во животот нема да танцува.
/ извор: Дејли меил