Живот

Отишол во Турција по „холивудска насмевка“ – се вратил без ниеден заб: Болката беше неподнослива (ФОТО)

Џон Дентон (34), татко на две деца од Хартфордшир, Англија, вели дека би сакал да го „врати времето назад“ и да ја промени својата одлука да патува во Турција за да ги поправи своите „расипани“ заби.

Во јануари 2020 година, Џон доживеал сериозна сообраќајна несреќа, што резултирало со отстранување на неговите предни заби за да се постави цевка за дишење. За време на закрепнувањето, тој добил метални импланти во вилицата и, како што вели, сè станало исклучително тешко - особено миењето на забите.

Не можел да јаде нормално

Во еден момент, како што вели, неговите заби почнале да „расипуваат“, а откако се консултирал со стоматолог во Велика Британија, сфатил дека не може да си го дозволи третманот, кој чинел околу 34.000 евра.

Џон тврди дека ситуацијата дополнително се влошила, дека постојано чувствувал болки и дека не можел да јаде нормално, објавува „Мирор“.

За да го реши проблемот, тој решил да потроши 4.000 евра и да патува во Турција во јануари оваа година за да добие „нова насмевка“. Откако ставил 14 импланти, тој тврди дека имал „неподнослива болка“ и дека долните заби му „паднале“ по враќањето дома.

Кога повторно отпатувал во Турција на преглед во март, тврди таткото од Хартфордшир, стоматологот решил да ги отстрани сите импланти наместо да ги поправи. Го направил ова додека Џон бил под седативи.

„Сега не можам ни торта да јадам и жалам што ја направив оваа процедура“, рече тој.

View this post on Instagram

A post shared by Banda B (@portalbandab)

„Добив многу понуди во Турција“

Џон ги сподели болните детали по неговата прва операција во клиниката.

„Се сеќавам дека се разбудив и немаше ништо (никакви заби). Освен предниот кој малку ме болеше, останатите беа цврсти. Немаше потреба да ги отстранат сите. Беше шок кога сфатив дека сите се извадени. Потоа едноставно паднав во состојба на шок“, се присети тој.

„Во споредба со ова, бев во подобра состојба пред да одам во Турција. Знам дека некои луѓе дошле тука и добиле одлични заби, но тоа не беше случај со мене“, додаде тој.

Џон добил неколку понуди од стоматолози пред да оди во Турција.

„Бев навикнат да си ја покривам устата кога разговарав со луѓе и не се насмевнував. Добив многу понуди од стоматолози во Турција и избрав една што беше во средината бидејќи мислев дека е безбедна опција. Имаа добри критики и беа една од ретките клиники што не ги притискаа клиентите веднаш да закажат преглед, па затоа изгледаа искрени“, објасни тој.

„Кога се вратив, бев среќен“

Откако ја плати почетната цена за третманот, Џон тврди дека морал да плати уште 900 евра кога пристигнал во клиниката.

„Сè изгледаше брзо“, се сеќава Џон.

Поминал шест часа во стоматолошката столица, при што му биле вметнати 14 импланти, а следниот ден имал нови заби. На почетокот бил среќен, но наскоро почнале проблемите.

„Кога се вратив, бев навистина среќен. Ме болеше и мислев дека е дел од процесот. Како што лековите поминувале, болката станала неподнослива“, додаде тој.

Џон тврди дека неговите привремени долни заби наскоро испаднале.

„Исто така, не можев да ги четкам забите бидејќи беа толку болни, беше неподносливо“, рече тој.

„Ако не го поправам ова, ќе ми ја уништи врската“

По враќањето во Турција во март оваа година, имплантите беа отстранети, велејќи дека биле „неуспешни“, вели Џон.

Клиниката му понуди опција да плати за протезата или делумно враќање на парите (3.100 евра), што тој го избра.

Сега собира средства за „нова насмевка“.

„Ако не го поправам ова, ќе ми ја уништи врската. Секој ден се будам лошо расположен и не сакам да одам на работа, што влијае на моите сметки и мојот приход. Количината на болка низ која поминав, морам повторно да поминам низ сè“, вели тој.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НУ Драмски театар Скопје со „Гидионовиот јазол“ гостува на фестивалот РУТА на Бриони

НУ Драмски театар Скопје со претставата „Гидионовиот јазол“ вечерва (24 август) ќе гостува на Бриони во Хрватска каде што театарот „Улисис“ е домаќин на фестивалот на Регионалната унија на театри (РУТА).

Претставата ќе биде изведена во Летното кино во 21 часот.

„Гидионовиот јазол“ на режисерката Драгана Милошевски-Попова е претстава работена по текст на авторката Џона Адамс. Драматург на претставата е Викторија Рангелова-Петровска, а улогите ги играат актерките Биљана Драгиќевиќ-Пројковска и Ања Митиќ.

Гостувањето на Бриони ќе биде дваесетта изведба на претставата, која досега гостувала на неколку фестивали низ Македонија, како и во регионот на сцените на театрите членки на РУТА. На минатогодишниот 33. Меѓународен фестивал на камерен театар „Ристо Шишков“ актерката Биљана Драгиќевиќ-Пројковска за улогата на Корин Фел ја доби наградата за високо актерско достигнување.

Режисерка Драгана Милошевски-Попова во програмската белешка истакнува дека: „Претставата ‘Гидионовиот јазол’ е моќна и вознемирувачка приказна за вината, одговорноста, тагата и сложениот однос во комуникацијата, како и состојбите во образовниот систем, проблемите со кои се соочува детето низ периодот на детството. На училишна средба меѓу мајката Корин и наставничката Хедер, кој се случува по еден трагичен настан, преку деликатен, емотивно исполнет/напнат дијалог, се отвораат прашањата за детската креативност, слободата на изразување, за уметноста, за одговорноста на наставниците и за родителите, за социјалните мрежи, за врсничкото насилство, за осаменоста, преку кои постепено се разоткрива длабоката болка и се бара, па и се посочува можниот виновник“.

Авторката Џона Адамс е претставничка на новата генерација американски драмски автори. Таа е авторка на 20 драмски текстови во кои драмската структура ја гради преку исклучително јаки и богато нијансирани карактери и ги поставува во сложени меѓусебни психолошки ситуации. Друштвото на американските театарски критичари ѝ ја доделува наградата „Стинберг“ (Steinberg Award) за делото „Гидионовиот јазол“.

Претставата „Гидионовиот јазол“ е на редовниот репертоар на Драмски театар од премиерата која се одржа во мај минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк, УС Опен во конкуренција на мешани двојки.

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.